Blader door transcripties » Stadsarchief Mechelen

archieftoegang 2, inventarisnummer 952, pagina 13

I
Anno XVIa prisit Pascha
Katlyne van Houwe
Kerman, Rode. Henrick de Rode ende Willem de Rode
syn brueder ende oic Barble de Rode haerlieder zuster met Janne
tuck haeren man hebben quytgesconden los vry ende ledich
Kathelinen van Louwe van allen den haeffeliken goeden die
hen byder doot van wylen Franssen de Rode, haeren brueder
ende der voirscreven Kathelinen man doen hy leefde in eniger manieren
toecomen bleven ende verstorven moegen syn ende allen andere dies
quitancie behoeven geheelic ende al
Penultima marty
Casyne sRidder
Langhe, Rode. Merten de Verre wylen Henricx soon heeft Terve
gegeven Kasyne Ridders wylen Jacops dochtere, Een huys metten
hove gronde etcetera gelegen inde Berchstrate tusschen Peters van
Scotteputte erve aen deen zyde ende Jans vander Hagen erve aen dander
A Domino Mechliniensi,
zyde st:t; Te besittene op eenen erffeliken chys van
thien scellingen groten Brabants gelts Te betalene altyt tot
Sinte Jansmisse Ende opten voirchys van Eenen chysgulden daer
vutgaende. A Domino Mechliniensi, Waranderende etceterast:t; met conditien dat de voirscreven syne sal
moegen quyten de voirscreven thien scellinge des voirscreven chys met vyf scellinge te
male ende elken penninck met sesthien geliker penningen ende met vollen chyse
Assignavit X gulden gulden erffelicx
Utima July tempore simile
Jouffrou ende van Heffene
Muysene, Heelt. Cornelis van Heffene ende jouffrou Katheline
Douwen syn huysvrouwe hebben gegeven ende bewesen jouffrou
Lysbetten van Heffene haerer dochtere possesse des goidshuys van
Lyenberge tot haeren live, Een pondt groote Brabants gelts
jaerliker lyfpensien, Te heffene altijt deen helft daeraff
opten lesten dach van Augusto ende dander helft opten jersten
dach van februario Op ende aen haerlieder huys metten hove
gronde ende allen anderen synen toebehoerten, der Couwerborch
geheeten tusschen Joosst:t; gelegen byde Corenmarct van Mechelen
tusschen Joes Nyelens erve aen deen zyde ende
erve aen dander zyde comende achterwerts met eenen
poorten, tusschen Lauwereys Cleynaerts erve aen deen zyde ende hove
Buydelcams erve aen dander zyde. A Domino Mechliniensi, Waranderende etcetera. Ende
Jo
voertaen heeft de voirgenoemde jouffrou Katheline sDouwere, by bywesene
ende consente vanden voirgenoemde haeren man overgegeven ende getransporteert
tot behoef vanden voirscreven jouffrou Lysbetten haer dochter alle haer
recht actie ende voerheffen, als sy heeft in vier ponde grooten oic
Brabants gelts jaerliker lyfpensien, opte stad van Antwerpen, staende
ten live vanden voirscreven jouffrou Lysbetten haer dochter vallende jaerlicx
voir deen helft opten lesten dach van Augusto ende voir dander helft
opten lesten dach van februario, gelyc de bepene brieve daerop
gemaect ende bezegelt metten zegel ten lyftochten vander voirscreven
stad van Antwerpen, dat claerlic vutwysen ende begrepen hebben
transcoerende de voirgenoemde jouffrou Katheline by consente als boven
die lyfrente van vier ponde groten Brabants gelts met alle den
rechte actie ende toeseggene dat sy dair aen hadde oft hebben
mochte ende dat inde priester vanden voirscreven jouffrou Katheline haer
dochter, ac volens ut infra. Met andien dat de voirscreven
a jouffrou Lysbeth haerer beyder dochtere met desen voirgenoemde
vyf ponden grooten jaerliker lyfpensien sculdich sal syn vuter
actie
te blivene sonder eenich part pont oft deel te moegen heysschen
oft aenveerden in eenige haeffelike erffelike goeden hoedanich
die syn, blivende naer de doot vanden voirgenoemde Cornelis ende
jouffrou Kathelinen synder huysvrouwe, sonder eenich wederseggen
VIaaugusty