Blader door transcripties » Stadsarchief Mechelen

archieftoegang 2, inventarisnummer 952, pagina 12

I
Jan Voerts kynderen
Cale, Roebosch, de voirgenoemde Jan voir de de voirgenoemde momboren
tot behoef vanden voirgenoemde synen kynderen, de ke commen
van hondert Rynsguldenen eens elken Rynsgulden
te twintich stuvers gerekent, Ende die te betalene bynnen
drie jaeren tyts nu naestcomende, Ende dairvoer heeft
de selve Jan voer verbonden alle syn haeffelike goeden waer
die bevonden selen worden die hy nu tertyt heeft ende
hier namaels oic hebben ende vercrigen sal. Behoudelic die
waert by alsoe dat de voirgenoemde Jan Voet syn goet bynnen
middelen tyde verlore by orloegen by steelene oft eenige
anderen ongevalle het ware dat hy gevangen worde
oft anderssins, dat hy in dien gevalle ende ongehouden
sy ende bliven sal de voirgenoemde somme van houder Rynsgulden
te betalene sonder eenich wederseggenst:t;, heeft voertaen de
selve Jan Voet gelooft te coepene terstont op syne voirgenoemde
vier naerkinderen dertich Rynsguldenen jaerliker lyfpensien
ende die te besittene ten meester oirboir ende proffyte sonder erve
wederseggen
XVIIa te
Aert Nouts
Yngelram, Rode. Machiel vanden Bossche heeft opgedragen
ende overgegeven tot behoef van Aerde Nouts droechsteerde
Eenen hof met eenen duyfhuyse dair st:t; staende ende oic
metten gronde etcetera gelegen inde Vingebecstraete buyten Sinte
Katheline Poirte tusschen Gielis de Zagher erve aen deen
zyde ende tussche desselfs Machiels ander erve aen
dander zyde. A Domino Mechliniensis, Waranderende etcetera. Opten chys dair vutgaende
XVIIamay
Marie vanden Sesse
Item. De voirgenoemde Aert Nouts droechscheerdere heeft bewesen
den voirscreven Machiel vanden Bossche ende naer syn doot Janne
vanden Bosschen desselfs Machiels soon, haerer beyder tocht
payselic ende vredelic haer beyder leven lanck Dapen te
gebreken inde voirgenoemde hof metten duyfhuyse gronde etcetera
boven bescreven, Waranderende opten voirscreven chys dair vutgaende
supra tempore simile
de
confirmarie vanden Prove
van eenen huyse ende
stuck lants byden
selve Machielen van
Bossche gedaen
Jouffrou Agneel Scheels wylen Reyners ende wylen jouffrou
Lysbetten van synder huysvrouwen dochter
Jan
Yngelram. Rode, st:t; vanden Bossche, Machiels soon, heeft
geapprobeert ende ratificeert, alsulken vercoop ende goedinge als de selve
blestleden
Machiel syn vader gedaen heeft opten XVIII dach van meerte, Te
hove
wetene van eenen huys met eenen duyfhuyse, dair inne staende gelegen buyten Sinte
Katheline poorte tusschen sinne ter gaeter aldaer opgedragen tot behoef
st:t; Aerde Nouts droechscheerdere, Ende van eenen huyse metten wyngaerde ende
eenen stuck lants daer aen liggende houdende tsamen omtrent anderhalf
bunder gelegen buyten der Coepoorten achter Sinter Claes capelle tusschen
syne te mogenoeten aldaer vercocht Wouteren van Floerssem, gelic der
voirscrevenst:t; scepenen brieve daer op gemaect dat claerlic vutwysen ende begrypen
voirt heeft de selve Jan vanden Bossche, gelooft, oft in toecomende tyden noot
ware, dat hy de voirgenoemde coepers oft hueren erfgenamen alsulken vastichen
doen sal als hy tot haer besorgenissen, noot wesen endest:t; behoeven sal sonder
vich wederseggen
XXIIII marty
Dierick Houte
Oeyenbrugge, Rode, jouffrou Agneese sHeelts wylen Reyners Scheels ende wylen
jouffrou Lysbetten Jans synder huysvrouwen dochter met Denyse
van Diest wylen Jans sone haeren man, heeft vercocht Dierick Zoncappel
de veertich Rynsgulden elken van dien tot veertich groten Vlaems gelts
gerekent erffeliker renten, die heer Jan de Heelt haer brueder opten
dertichsten dach van meye int jaer ons heeren dusent vierhondert
sessentachtentich lestleden voir haer recht ende deel van allen
den haeffeliken ende onberuerliken goeden waer die gelegen
syn, haer byder doot vanden voirgenoemde wylen Reyner de Heelt ende
wylen jouffrou Lysbetten Jans haeren vader ende moeder toecomen
ende verstorven bekent ende bewesen heeft voir scepene van
Antwerpen, Op zekere syne erffelike goeden, bynnen den prochien
van Doirne Putte Duffle, Be Berlaer ende wane gelegen
ende voirtaen op alle dander syne haeffelike ende erffelike goeden
waer die gelegen syn, gelyc dat byder selver scepenen brieve
van Antwerpen dair op gemaect claerlic blyct, Ende oic op
zekere syne erffelike goeden bynnen der stad ende vryheit van
Mechelen gelegen, gelyc dat byder selver scepenen brieve
van Mechelen dair oic op gemaect oft clairlic blyct. A Domino Mechliniensi,
Waranderende etcetera. Mathys vander Berct tot desselfs Dierick Houtappelle
behoef waert daer inne geerft
XVIII marty