Blader door transcripties » Stadsarchief Mechelen

archieftoegang 2, inventarisnummer 952, pagina 101

Jan van Maldere als een tochtenere ende Katheline
van Maldere zyn dochter met Pasquet Gestriete haeren man als
erfgenaem, hebben vercocht, Lysbetten Elsseners weduen van
wylen Aert vanden Eynde als tot haer tocht
de kynderen Aerts
vanden Eynde
Hulst, Vos. Jan van Maldere als een tochtenere ende Katheline van
Maldere zyn dochter met Pasquet Geskiere haeren man als erfgenaem
hebben vercocht, Cornelis vanden Eynde ende Bartelmeus Heryoens
als momboeren ende tot behoef van Rommond, Cornelis ende Gheertruyden
vanden Eynde, wylen Aerts vanden Eynde kynderen, Sesse gouden
Andries gulden elken van dien tot veertich groten Vlaems gelts
gerekent, erffelix chys Te heffene altyt tot Sinte Jansmisse
vutgenomen Sinte Jansmisse naestcomende, Op ende aen der voerscreven
tochteners ende erfgenaem huys metten gronde etcetera gelegen achter
der scepenen huys van Mechelen, tusschen Jans vander Hulst huys aen
deen zyde ende Henrick Boys huys aen dander zyde. Op sesse chysgulden
ende Sesse gouden Rynsgulden vanden voerscreven pryse vuten voerscreven huyse
alleene, Ende op vier gouden Andries gulden oic vanden voerscreven pryse
vuten selven huyse ende vut eenen hove met eenen duyfhuyse daerop staende
inde Vele inde Penningstrate gelegen den voerscreven tochtenere ende erfgenaem
toehoerende dair voir vutgaende. Item op haerlieder Twee huysen
metten gronde etcetera gelegen deen neven dander, achter der voerscreven
Scepende huys, tusschen der stad van Mechelen erve aen deen zyde
ende des voerscreven Jans vander Hulst erve aen dander zyde, Op drie
Rynsgulden vanden voerscreven pryse ende opte weerde van sesthien
scellingen groten Brabants gelts vuten selven twee huysen, Ende
op drie gouden Andries guldenen vanden selven pryse vuten
selven twee huysen ende vuten voirscreven jersten huyse jaerlix voir
vutgaende, Ende op des voerscreven tochteners ende erfgenaem huys
mettenst:t; gronde etcetera gelegen inde Ierste Vleeschouwerstrate tusschen
Ypolite Berthol erve aen deen zyde ende der kynderen Zueten
erve aen dander zyde, Op een pond payments ende vyf
scellinge groten Brabants gelts daervoir vutgaende. A Domino Mechliniensi,
Waranderende.
Assignavit den XXIII denier
XXIII January
Symon ende Rommond
Huens
Hulst, Gheylinck. Barble van Laken diemen heet Neefs wedue van wylen
Symoen Huens cum tutore heeft Opgedragen ende overgegeven haer tocht
die zy hadde, in alle de erffelike ende onberuerlike goeden metten
gronde etcetera die Cornelis Huens haeren sone, byder doot vanden voerscreven
wylen Symoen Huens synen vader in eeniger manieren toecomen gebleven
verstorven zyn, boven dese ende vryheit van Mechelen wesen
ende gelegen. A Domino Mechliniensi, Juravit tot behoef vanden voirgenoemde Cornelis
Huens haeren sone, die ierst dair inne gegoedt ende geerft wardt
Ende dair naer heeft deselve Cornelis, Opgedragen ende
overgegeven, tot behoef van Symoen ende Rommond Huens sinen
bruederen, alle syne voirgenoemde goeden hem gelyc voir gebleven ende
verstorven, Waranderende etcetera
XXI tempre simile
de weduwe huers
Item. De voirgenoemde Symon ende Rommond hebben bewesen, de voirgenoemde
Barblen haer moeder haer tocht paysselic ende vredelic te gebruyken
in alle de voirgenoemde goeden. A Domino Mechliniensi, Waranderende etcetera.
ut supra
Hubrecht vanden Dycke
Hulst, Vos. Katheline van Heyst met Janne Weerde haeren man, heeft
Terve gegeven Hubrechten vanden Dycke Smet, Een huys metter plaetsen
gronde etcetera gelegen inde Coestrate tusschen der weduen ende kynderen erve
van wylen Gabriel vander Hayct erve aen deen zyde ende Jans vander
Heyct ende Claes de Neve erve aen dander zyde, streckende achterweerts metten
ven plaetsen tot aen Peter Crabbe erve toe. A Domino Mechliniensi. Te besittene Op eenen
jaerliken ende erffeliken chys van Seven gouden Andries guldenen, elken
Ende die te betalene altyt
van dien tot veertich groten Vlaems gelts gerekent, Ende opten voirchys
tot Sinte Jansmisse
van vier scellinge Loevens, drie gulden van Florencen, twee capuynen
ende elf pond thien scellinge payments, dair vutgaende, Om welke
Seven gouden Andries gulden des voerscreven chys, alsoe der voer te betalen
ende om der meerder zekerheit, der voerscreven Kathelinen dairaf te doene
Soe heeft de voergenoemde Hubrecht vanden Dycke, der selver Kathelinen daer
dair voir verbonden ende tonderpande geset, Syn twee veertelen Rogs
goede ende custbaer Mechelscher maten erfpachts die hy heeft, Op een
stuck lants metten gronde etcetera gelegen tot ende toebehoerende Gielis
vanden Hove, gelegen tot Oudegheem tusschen des goidshuys van Muysene
erve aen deen zyde ende Jans de Heelt erve aen dander. A Domino Mechliniensi, met alsulker condicien
zyde streckene totter beke toe aldaer
dat de voergescreven Hubrecht sal moegen lossen ende quiten altyt als hem
dat gelieven sal, de voirgenoemde Seven gouden Andries gulden des
voirscreven chys, met twee gulden te male ende niet min ende elken
gulden dairaff met sesthien geliker gulden eens met vollen
chyse dair voir te betalen, Ende dat soe wanneer de voirscrevenst:t;
ter
jerste twee vanden voerscreven gulden afgequeten zelen zyn, dat
alsdan de voerscreven twee veertelen Rogs vanden voerscreven onderpande
ontslagen zelen zyn ende ontlast zelen syn
Assignavit nulla
XXIII Juny