Blader door transcripties » Stadsarchief Mechelen

archieftoegang 2, inventarisnummer 952, pagina 100

gemeynen ende geliken costen, geruyne ende van allen reparacien
onderhouden sal worden, Om welke waerscap ende oic
gebruyck vander selver heymelicht ende vanden voerscreven lichte
te behouden ende te besitten
alsoe conhoudene, Ende om der meerder zekerheit, den
voerscreven Henricken ende synen wive dair af te doene, Soe heeft
de voerscreven Jan tSermartens henlieden dair voir verbonden ende te
pande geset, Syn vierendeel ende alle trecht, die hy heeft
int voirgenoemde huys alder naest den voirgenoemde vercochten huyse
gelegen. A Domino Mechliniensi,
XXIIIa
Jan vander Eyken
Lange voirscreven Duys Goessens ende Lysbeth de Mayere zyn wyf hebben
gekent ende geleden, dat hen Jan vander Eyken als wedue van wylen
Margrieten Goessens, des voerscreven Denys moeyen voldaen vernueght
ende gecontenteert heeft van allen alsulken legaten ende makingen
als den selven Denysen by wylen Wouteren vanden Brande, ende
meer
der voerscreven wylen Margrieten Goessens tanderen tyden by haeren
testamente gegeven geliken ende gemaect zyn, Ende hebben dair
af ende van allen moeyenissen quellingen sommen van penningen
ende anderen dingen, die zy den voerscreven Janne vander Eyken vut
zaken van dien oft ander anderssins soude moegen doen oft
heysschen in eeniger manieren, Quytgesconden los vry ende ledich
den selven Janne vander Eyken ende alle andere dies quitancie behoeven
geheelic ende al
XXI Juny tempore simile
Symoen ende Rommont
Huens
Voesdonc, Hulst. Barble van Laken diemen heet Neefs wedue van
wylen Symoen Huens cum tutore, heeft Opgedragen haer tocht die
zy hadde, in een stuck beempts metten gronde etcetera dat met eenen
grachte gedeylt is, houdende omtrent seven vierendeel, gelegen tot
Battele in Heysbroeck, tusschen der we kynderen erve van wylen
Willem Bellens aen deen zyde ende der capelryen vanden Barbier
bynnen Mechelen erve aen dander zyde streckende metten eenen
Eynder totter straten ende metten anderen ende totter Delen. A Domino Mechliniensi,
juravit etcetera tot behoef van Symoen, Rommonde Marten Cornelis, Peter
ende Barblen Huens haeren kynderen, welke Symoen Rommont Marten Cornelis
ende Barblen Huens tot haeren ende desselfs Peters haers brueders behoef
werden dair ierst inne geerft, Ende dair naer hebben de selve
Marten ende Cornelis Huens ende Barble haerlieder zuster cum tutore voir
hen selven, ende oic inden name vanden voerscreven Peteren haeren brueder
infra annos die zy in hen vervingen vercocht, den voirgenoemde
Symoen ende Rommonden Huens haeren bruederen, haerlieder vier
de stedeelen vanden voirscreven stuck bempts, dairaff dander
twee zestedeelen den voerscreven Symone ende Rommonde toebehoeren
Waranderende. Op tzestich oude grote te ende twee Turnoysen
vuten selven geheelen stuck beempts jaerlix gaende
Assignavit XXIII Rinsgulden Vlaems eens
XXI Juny tempore simile
de
twaelf dobbele vieryseren
thien dobbel erffende
Rommond Huens
Voesdonc, Hulst. Henrick Schaerlaken, heeft vercocht den voerscreven Rommonde
Huens, Twee gouden Andries gulden, te wetene veertich groten
Vlaems gelts voir elken van dien gerekent erffelix chys Te heffene
altyt op tot Sinte Jansmisse vutgenomen Sinte Jansmisse naestcomende
Op ende aen syn huys metten hove gronde etcetera gelegen opten
Vischwerf tusschen Anthoenis van Axele erve, aen deen zyde ende
Hubrechts van Cortryke erve aen dander zyde, Opte weerde vander
helft van thien scellingen groten Brabants gelts daervoir vutgaende
Ende op zyn vyf gelike gouden Andries guldenen ende Eenen
scellinge grooten de voerscreven groten Vlaems erffelix chys, die hy
heeft, Op tvoerscreven huys metten gronde etcetera acht den voerscreven
Smen
Anthoenis van Axele toehoerende, alder naest den voerscreven huyse
gelegen. A Domino Mechliniensi, Waranderende etcetera.
ut supra tempore simile
Zeger Ferman
Gheylinck, Stocman, Katheline Laureys wedue van wylen Janne van Halen
diemen heet Joes cum tutore heeft opgedragen haer tocht die zy hadde
in een huys met eenen grooten hove dair achter liggende ende oic metten
gronde etcetera gelegen inde Yperstrate, tusschen Jan Gheylens diemen
heet inden Beer erve aen deen zyde ende Jans van Dievoert erve
aen dander zyde streckende achterweerts metten voerscreven hove totter
weduen ende kynderen erve van wylen Gielis de Hertoge, A Domino Mechliniensi,
juravit tot behoef van heeren Janne van Halen diemen heet Joes priester
ende van Kathelinen Maerten ende Marien van Halen diemen heet Joes
haeren kynderen, die ierst inne geerft werden, Ende dair naer
hebben de selve heer Jan van Halen ende Katheline zyn zuster met
Janne de Coninck ende Maerte oic zyn zuster met Adriaen Hazaer
ende oic de voerscreven Marie van Halen oic zyn zuster met Merten
van Stantvoort haeren wettigen mannen ende momboeren, vercocht
Zegeren Feerman ende Jehannen vanden Cruce synen wive tvoirgenoemde
huys metten voerscreven groeten hove gronde etcetera, Waranderende. Op drientzeste
scellinge payments, eenen capuyn ende anderhalven chysguldenen, dat
vutgaende
Assignavit VI Rinsgulden erffelicx
den XVI denier
XXII Juny