Blader door transcripties » Stadsarchief Mechelen

archieftoegang 2, inventarisnummer 936, pagina 63

Jan Mol
Aa, Dyest. De voirgenoemde momboiren, inden name vander
voirscreven Claren Godevant, ende haere jaere te wesende die
sy in hen vervinghen, hebben vercocht Janne Mol
onsen medescepen, de erffelike goeden metten gronde
ende alle halve toebehoirten, hier nae genoemt ende bescreven
die den voirscreven wylen Anthonis Godesen der voirscreven
Clare vader toe plagen te hoiren ende die der selver
Claer inder scheydingen ende deylingen, die tanderen
tyden voir scepen van Mechelen, tusschen der haer
ende haerer moeder eenen haeren bruederen zustere
weduen ende zy de vorscreven ven Mathoen van
voirscreven
geschiet inne van alle de goede achter den selve wylen
haerlieder vader
Anthonis gebleven, toegedeylt ende toegescheyden syn
ierst Een stuc lants houdende een buender gelegen
tot Muysene op Muysendervelt, by tSteynen cause
tusschen Willem Schoofs erve aen deen zyde ende
wylen Wouter Storm erve aen dander zyde. Item
een stuc lants houdende anderhalff buender, gelegen
aldaer by sHangersbeken, tusschen de Heystrate aen
deen zyde ende de voirscreven Willem Schoofs erve
aen dander zyde. Item een stuc lants geheeten de
goede houdende drie vierendeel gelegen aldaer, tusschen
Gheerde tSerboudene erve, aen deen zyde ende der
taflen der Heylichs Gheest erve van Sinte Rommonts
aen dander zyde. Item een stuc lants houdende
omtrent zeven vierendeel, gelegen aldaer, byde
Lecstrate, tusschen de selve strate aen deen zyde
ende de voirscreven Gheerde tSerboudene erve aen dander
zyde. Item een stuc lants geheeten de Langestreke
houdende twee vierendeel ende een half, gelegen aldaer
tusschen der voirscreven Willems Schoofs erve aen deen
zyde ende der voirscreven tafle erve aen dander zyde. Item
Puttens
een stuc lants geheeten tGulden Cloetken, houden een
half vierendeel gelegen aldaer, tusschen der selver taflen
ende Willem Schoofs erve, aen beyde zyden, Ende
een stuc lants, houdende een vierendeel, gelegen aldaer
in Woelmont, tusschen wylen Jans de Lange diemen heet
Papegaey erve aen deen zyde ende der infermarien
vanden crancken beghinen, binnen den beghynhove erve
aen dander zyde. A Domino Mechliniensi, Waranderende sonder eenigen last van
chyse, oft van eenige anderen commer daer jaerlicx vutgaende
Assignavit ende XXXIIII Peters
XXVII february
Jan de Becker, Henrick van Mortelkere woenende tot
Putte ende Ghysbrecht vander Ouder Aa woenende, Onse Vrouwen
wive hebben gelooft ende elc van hen besunder ende voir al
ongevrydt naer der divisen recht Te geven ende te betalene
Henricken Boys oft den bringe de briefs, tweentzeventich
gouden Rynsgulden goede etcetera te wetene XL groten Vlaems
gelts voir elken der selver Rynsgulden gerekent de
wetene deen helft daeraf tot Bamisse naestcomende
Ende dander helft tot half merte daer naer volgende, soude
eenich wederseggen, et provisit, al
om
Aert Mergaert
A Diest, Symoen Eert wynne ende Lysbeth Eerwyns syn zuster
hebben bekent dat zy gehadt ende ontfangen hebben van Aerde
minder name van Janne Eertwinne hueren brueder absent ende
we buyten lants wesen ende van wiens levene men niet en
weet bekent dat zy gehadt ende ontfangen hebben van Aerde
Magaet den ouden, viventwintich scellinge groten Brabants
gelts die hy als momboire vanden voirscreven Janne alnoch
vut zaken vander hueringen van eenen vierendeel hoef buyten
der Hanswycpoorten gelegen inne gheven ende ontfangen heeft
Ende daeraf ende oic van al tgene de Symoen ende syn
suster den voirscreven Aerde oft yemande anderen vut saken
vander voirscreven hueringen tot desen dage toe soude mogen
heysschen, soe hebben zy den selve Aerde Magaert quyt
geschonden los vry ende ledich ende alle andere dier quitancie
behoeven geheelic ende al, Ende daer toe soe hebben de
selve Symoen ende syn zuster ende oic met heer Jan vanden Broeke
Willeuwe gelooft ende elc van hen besunder ende voir al dat
zy den voirscreven Aerde tegen den voirscreven Janne Eertyns oft
synen nacomelingen ten eeuwigen daigen scadeloes quyt
houden ende ontlasten zelen vanden voirscreven vyf Rynsgulden
Ende om der meerder zekerheit den selven Aerde gaet daer
af te doene soe heeft de voirscreven Jan vanden Broeke verbonden
ende te pande geset syn stuck lants metten gronde houdende
omtrent twee buender gelegen te Heffene opt tot byde Heyde
tusschen Willem Jan Eynaerts erve ende wilen Lysbetten van
vi
Santvoort erve, Op twee chysgulden daer vutgaende. A Domino Mechliniensi,
ende oic Goorys vanden
Ende de voirscreven Symoen ende syn zuster hebben gelooft
voirscreven Janne vander haer af gelooft scadeloos tontheffene
XXVI february tempore simile