Blader door transcripties » Stadsarchief Mechelen

archieftoegang 2, inventarisnummer 936, pagina 62

Willem Schoof
goeden Mechelsche
Aa, Dyest. Jan Godessaet, diemen heet inden Creeft ende
Jan van haren van svaders wegen ende Janne Coolman, diemen
heet int Paradys ende Jan Heregods vander moeder weghen
als momboire ende inden name van Claren Godevant diemen
heet inden Creeft wylen Anthonis Godevant diemen heet
inden Creeft, wettige dochter, onder have Janne van discrecien
wesende, die sy in hen vervinghen, hebben terve gegeven wille
Schooff, Een stuc lants metten gronde ende alle sinen toebehoirten
geheeten dueghde, dat de voirscreven wylen Anthonis toe plach
te hoiren, gelegen houdende een luttel meer, dan een vierendeel
aende
gelegen tot Muysene op Muysendervelt, byder voetwech
daer men over gaet van Muysene totten Venne aldaer
tusschen den selven voetwech, aen deen zyde ende des voirscreven
Willems Schoofs erve aen dander zyde. A Domino Mechliniensis. Te besittene op
eenen erffelike pacht van twee veertelen rogge ende een halve
haer
Ende die te betalen altyt tot Kersmisse, Ende opten voirchys
van eender onder myten dair jaerlicx vutgaende, om
welken erffeliken pacht, alsoe den voirscreven Claren jaerlicx
ten voirscreven termine te betalen ende om der meerder zekerheyt
wille, haer dairaf te doene, heeft de voirscreven Willem Schoof
den voirscreven momboiren, toter selver Clare behoef daervoir
verbonden ende tonderpande geset, syn sesse veertelen rogs
goede etcetera Mechelck maken
oic erfpachte, die hij heeft, op een huys metten hove lande
gronde etcetera houdende tsamen omtrent thien vierendeel toehoerende
Wouteren vanden Vekene, gelegen tot Muysene, op aende
Venne, tusschen der kynderen vanden Broeke erve aen deen
zyde ende Jan Betsmere erve aen dander zyde, met alsulker
condicien, dat de voirscreven willem Schooff, sal moegen lossen ende
waer hem dat gelieven sal
quyten de voirgenoemde twee veertelen rogs ende een halve, deen
voirscreven pachte, met vierentwintich gouden Peter vanden
munten etcetera goedere, te wetene XXXVI groten Vlaems gelts
de voir elken der selver Peters gerekent, eenen met vollen
pachte daer voir te betalen
XXVIIIa february tempore simile
de Heylige Geest
van Muysene
Item de voirgenoemde momboiren, inden name vander voirscreven Claren
Godesen onder haere jare etcetera wesende, die sy in hen vervingen
hebben opgedragen ende overgegeven tot behoef, Achtervolgende
den vutersten wille van wylen Henricken Godesen ende van
wylen Lysbetten Roelands synder huysvouwen ende voir de
zalicheyt van have ende van Kathelinen Trabukiers weduwe
wylen Anthonis Godevant, diemen heet inden Creeft zelen
opgedragen ende overgegeven in puerder aelmoessene, tot
behoef vander taflen des Heylichs Gheests vander prochie
andere
o
kerken van Muysene, als voir de dat veertele ende tot
behoef vander kerkerken vander selver prochiprochiekerke
den
als voir de van veertelen Rogs, hier na bescreven
hen twee deelen, Twee veertelen Roggen
ende een halve goede etcetera Mechelscher maten erffelicx pachte
die de voirscreven Clare hadde, op een stuc lants metten
gronde ende alle sinen toebehoirten, geheeten deede, een luttel
meer dan een vierendeel houdende, toehoirende Willem Schooff
gelegen tot Muysene op Muysendervelt aenden voetwech
daer men over gaet van Muysene totten Venne aldaer, tusschen
de selve voetwech, aen deen zyde ende de voirscreven Willeme
Schoofs erve aen dander zyde, van welke erffelike pacht
ende voir de betalinge van dien syn verbonden ende onderpant
Sesse veertelen Rogs goede etcetera Mechelsch maten, oic erfpachte
jaerlicx
die w de voirscreven Willem Schoof heeft, Op tvoirscreven huys
metten hove lande gronde etcetera tsamen thien vierendeel
houdende, toehorende Wouteren vanden Venne etcetera. A Domino Mechliniensi, Waranderende.
Jan Barbier tot voirscreven taflen ende fabrike behoef, waerten
inne geerft
XII february tempore simile
de selve
Jan de
de zalicheyt
van des voirscreven
wylen Henricx
ende synder
huysvrouwe
zielen
Aa, Diest. De voirgenoemde mombou Katheline Trabukene, weduwe
wylen Anthonis Godevant, diemen heet inden Creeft als een tochtenersse
ende de voirgenoemde momboire inden name vander voirscreven Claren Godesse
onder have jaer wesende, die sy in hen vervingen, als erfgenaem
hebben achtervolgende, den vutersten wille vanden voirscreven wylen
Henricken Gode, diemen hiet inden Creeft ende van wylen
Lysbetten Roelants synder huysvrouwe, gegeven ende beweesen
Janne Barbier, tot behoef vander taflen des Heylichs Gheests
vander prochie kerke van Muysene, voir eene erffelike misse
die de proviseur vander selver taflen, twaelff scellinge grooten
Brabants gelts jaerlicx ende erffelicx chys, voir eene erffelike
misse, die de proviseur vander voirscreven taflen des Heylichs
Gheeste altyt by tyden wesende, zelen doen doen ende celebreren
alle weken de maendaeghs, ten eeuwighen daghen, bynnen
der voirscreven kerke van Muysene, Ende tot behoef vanden prochiaen
twee vander voirscreven kerken, twee mottoenen ende vanden
coste aldaer, eenen mottoen, oic jaerlicx ende erffelicx chys
voir desselfs wylen Henricx ende synder huysvrouwe
jaergheerden, die sy deselve prochiaen ende coste altyt ten
eeuwelike daigen, inder voirgenoemde kerke den zelen tot
Te heffene altyt tot Kersmisse
alsulken dagen als die vallen, Op ende aen der voirscreven
tochtenerssen ende erfgenaem vyfstedeel ende alle trecht
dat sy hebben in een huyse oft woeninge metten plaetsen
hove ende gronde ende alle syne toebehoirten, gelegen inde
Langhe byest, tegen tkerchof van Sinte Jans over, tusschen
Willeme vanden Wynkele huys, aen deen zyde ende wylen
heer Laureys van Steenwynkele priester huys, aen dander
zyde, Ende in neghen vierendeel bossche ende in drie
vierendeel wynnens lants, die den voirgenoemde wylen Anthonis
Godevan toe plagen te hoiren, gelegen deen neven dander tot
Muysene, opt Beecvelt. A Domino Mechliniensi, Waranderende etcetera.
supra tempore simile