Blader door transcripties » Stadsarchief Mechelen

archieftoegang 2, inventarisnummer 936, pagina 6

Aerdt vander Lynden
Bossche, Berct. Jan vanden Hove wylen Jans sone, heeft vercocht
Aerde vander Lynden Wilen Willeme sone, Een huys metten
hove gronde, gelegen inde Bruesselstrate tusschen des voirscreven
Jans vanden Hove erve ende der kercken van Hanswyck
erve streckende achterweert metten voirscreven hove langhs
den hove der selver kercken toebehoirende, tot aen der voirscreven
van synen huyse van
Jans vander Lynden hof, hove, hof ^ gelycke ende manieren
de selve hof opten dach van heden den voirscreven Aerde aldair
bewesen ende vanden anderen hove den voirscreven Janne toebehoirende afgescheyden
sal worden. A Johannes de Oeyenbrugge, Waranderende. Opte helft van
eenen goeden mottoen twee chysgulden ende een vierendeel
van eenen geliken gulden sesthien scellinge Lovens
eenen capuyn ende sesse pondt payments daer vutgaende
Behoudelic dien dat tselve huys metten hove onderpant
v ende bliven sal voir dander helft vanden voirscreven chyse
gaende jaerlicx vut des voirscreven Jans huyse voirgenoemde
Assignavit X Peters
in novembris tempore simile
Henric Smet
Bossche, Berct. Goessen de Voldere heeft vercocht Henricken Smede vyf chysgulden
Te heffene altyt tot Kersmisse, daer af den yersten termyn van
betalingen syn sal van Kersmisse naestcomende over een jaer
dier naer volgende, Op ende aen des voirscreven Goessens huys
Metten hove, gelegen over de Veemerct inde Keyserstrate
tusschen wilen Jan Brant erve ende Geertruyden Lemmens erve
A Domino Mechliniensi, Waranderende. Op twee chysgulden twee capuynen ende
vier pondt payments daer voir vutgaende
Assignavit
ut supra
Jan Neefs Tymmerman
ende syn wyf
Mol, Bossche. Jan vander Voert wylen Jans soone, by consente van
Claese van Yndevelde, Wouteren vander Varent ende Anthonisen
Caluwaert, heeft synen momboiren, aldair tegewordich wesende
terve gegeven
heeft vercocht Janne Neefs Tymmerman, tot sinen ende Geertruyde
behouff
van alle synen wive Een huys metten hove gronde gelegen
een waterscap geheeten
in Onser Vrouwenstrate tusschen ^ den Dowelens tegen aen deen
zyde ende wylen Jans de Kersmakere erve aen dander zyde
A Domino Mechliniensi, Waranderende. Op thien scellinge ende negen penninge
lovene daer vutgaende. Te besittene op eenen erffelike
chys van drie chysgulden, Te heffene altyt tot Kersmisse
Sint Jansmisse daer af den yersten termyn van betalingen
syn sal te Sint Jansmisse naestcomende, Ende opten voirchys
van thien scellinge negen penninge Lovens daer
vutgaende, met condicie dat de voirscreven Jan Neefs ende syn
wyf, de voirscreven drie chysgulden sculdich zelen syn
te quytene ten termynen hier naer volgende Te wetene
den eenen gulden daer af tot Sint Jansmisse Baptisten
naestcomende, Ende soe voertaen telken Sint Jansmisse
alsdan deen naer dander vervolgende, eenen chysgulden
tot dat de voirscreven drie chysgulden geheelic ende al
gulden
gequeten sullen syn ende elken de penninge daeraf
met zesthiene geliker penninge ende met vollen chyse
eens daer voir te betalen
V novembry
de momboren
van Janne vander
Boeck
Item. De voirscreven Jan vander Voert, heeft bekent dat hem
de voirscreven syne momboiren, dueghdelike ende rechtverdige
Rekeninge ende bewys gedaen hebben van allen alsulke
haeffelike ende erffeliker goeden als hem byde doot van
wylen Willem Janne vander Boert ende Lysbetten vanden
Varent synen ouderen in eeniger manieren toecomen ende
verstorven syn waer die gelegen syn, Ende van al tgene
dat zy daer af ontfangen ende vutgegeven mogen hebben
Ende daeraf ende oic van alle de moeyenissen quellinge
sommen van penningen ende anderen dingen, die hy den
momboer
voirscreven synen letten vut saken vanden voirgenoemde goede
oft regimente de selver in wat manieren dattet waer soude
mogen doen oft heysschen, soe heeft de voirscreven Jan Quytgesconden
los vry ende ledich den voirscreven synen execut momboeren
ende alle andere dies quitancie behoeven, belovende de
selve Jan, de selve quitancie ende al tgene datte in
begrepen staet goet vast ende van weerden ten
eeuwigen dagen te houden ende daer tegens nemmermeer
te doene oft te seggene in gheender manieren alle
argelist vutgeschonden
ut supra tempore simile
Marie ende Margriete
vander Spect
Aa, Bossche. Jan vanden Hoye, heeft vercocht Jan Marien Bogaerts
ende oic tot behoef ende te hier
Jans vander Spect wive tot haeren, ende Margrieten vanden
Spect haerer dochter ende ten langhstlevenden live van hen
beyden, vier veertelen Rogs ende een halve goeden