Blader door transcripties » Stadsarchief Mechelen

archieftoegang 2, inventarisnummer 936, pagina 47

de stad van Mechelen
Bossche, Soeten, ende Florys vanden Dycke, Canonick der kerken
van Onse Liever Vrouwen bynnen der stede van Tricht, heeft
vercocht Anthonis Boom een der rentmeester van deser stad
behouden tot behoef vander selver stad, Twaelff gouden
Rynsgulden, die meester Peter van Loevelde, opte erven
sevenentwintichsten dach van deser tegewordigen
maend van Januario lestleden voir ons den voirgenoemde te
Floryse vanden Dale, van syne vyftich gelike gouden
Rynsgulden jaerlike lyfpensien, die de selve Meester
tot
Peter heeft opte voirscreven stad van Mechelen vercocht
heeft ende die jaerlicx, tot twee termynen vallen ende
verschynen, gelyc den scepenen brief daerop voir ons gemaect
dat clairliker vutwyst ende begrypt, A Renunciavit
et promisit, warande, ut in forma
Ultima January
Jan de Wile
Hamme, Ghooten Margriete sWalen Jans dochter, heeft quytgeschonden
los vry ende ledich den voirscreven Janne de Wale hueren vader van
allen den haeffeliken goeden, die der selver Margrieten byder
doot van wylen Lysbetten van Gestelle huerer moeder die des
voirscreven Jans ierste wyf was, doen sy leefde in eeniger manieren
verstorven mogen syn geheelic ende
Ultima January
Willem de Zomer
ende syn wyf
Item Willem de Zomer ende mage vander Elst
syn wyf seggende dat zy gheen wettige kinderen tsamen
en hadden, Ende hebben dair om voir ons gewilt ende
openbairlic geordineert dat de langhevende van hem
beyden soe lange die leven sal paysselic rustelic ende
vredelic sal gebruyken alle der haeffeliker ende erffeliken
goeden bynnen etcetera gelegen, die sy nu tertyt hebben ende naemaels
hebben ende vercrigen zelen ende metten selven haeffelike goeden
in zynder noot mogen disponeren den wederseggene vanden
erfgenamen vanden jersten stervende van hen beyden ende
oic den rechten Loyen ende coustumen vander selver stad
hierinne ter contrarien onderhouden niet tegenstaende
Behoudelic dien dat alle de selve goeden blivende, naer
de doot vanden voirscreven langstlevende toecomen ende versterven
zelen haeren gerechten erfgenamen, die sy na den
rechten vander stad sculdich zelen zyn toe te in
comene nu te verstervene, oft den ghenen dien
sy die goeden samentlic met testamente oft anderssins
gheen ende maken zelen, welke ordinancie wy ende oic
Hamme, Mol, Diest bossche ende gheeten onse medescepenen by
crachte vanden statute aen
ut supra tempore simile
Jan Wauts
Jan de Hont ende
Mol, Berct, Katheline van Coevoirde ende heere, heeft quytgeschonden
los vry ende ledich, Cornelisen de Hont ende Janne Wauts van allen
den haeffeliken goeden, die der voirscreven Kathelinen byder doot van
wylen Mertene van Coevoirde haeren neve ende daer de selve Cornelis
ende Jan momboirs af geweest hebben in eeniger manieren verstorven
mogen syn
prima february
A
Als
huyvetters
Dambacht vanden
Ghooten, Berct, Katheline van Bornhem weduwe wylen Gielis Claes met
Janne Luekens haeren man, heeft vercocht Jacop tSermertens
Gheerde de Wechter ende Peter Caluwaerts gesworene ende tot
behoef vanden ambachte vanden huyvettere, de helft van
Sesse gouden Rynsgulden goede ende gerechte, te wetene XL
groten Vlaems gelts voir elken der selver Rynsgulden gerekent
erffelic chys, daeraf dander helft de taflen des Heylichs gheeten
van Sinte Peters toebehoirt, die zy hadde, Op een huys
metten hove gronde, toebehoerende Hubrechten Mast gelegen
inde Nuwstrate, dat men heet straetken vanden Eynde, in Onser
Vrouwen prochie tusschen thuys de Clocke, geheeten toebehoerende
he Janne de Lange, aen deen zyde ende wylen Jans van Heffene erve
dat nu de weduen ende haeren kynderen toebehoirt aen dander
zyde, sonder enigen last van chyse oft anderen comme daer voir
vutgaende, Ende op des voirgenoemde Hubrechts, vier huysen metten
hoven gelegen deen neven dander inde voirscreven Nuwstrate
tegen tvoirgenoemde yerste huys over tusschen Henrick Moens erve
aen deen zyde ende Aerts van Beringen erve aen dander zyde
opte weerde van zesse chysgulden die voeren. A Domino Mechliniensi,
verre
XIIIIa february tempore simile
hondert Rynsgulden
de wedue van wylen
Gielis Claes
Item de voirscreven Katheline de wedue by consente van have
voirscreven man heeft openbaerlic voir ons met haeren wive
eygenen wille wederroepen ende te nyeuwte gedaen weder
van twee
ende doet te nyeuwte met desen alsulken scult alle
zy opten yersten dach van octobry anno Lo lestleden voir
scepen van Mechelen bekent heeft Anthonisen van
Rogbroeck haeren natuerliker brueder, willende ende claten
dat de voirscreven Katheline dat de voirscreven scult machte noch
machte hebben sal achtervolgende haer dispositien ende
minderen die zy daer inne tot haer weerts geresseert ende
behouden heeft de voirscreven scult van twee vander Rynsgulden
te nieuwte ende van gheender weerden syn sal sonder argelist
Ut supra