Blader door transcripties » Stadsarchief Mechelen

archieftoegang 2, inventarisnummer 936, pagina 46

Jan vanden Broeke
alle anden Bontersse
Hamme, met Ghysbrecht Crabbe heeft vercocht Meester Jan vanden
Broeke alias den Bonten Osse heeft voir twaelf scellinge
Lovens erfflicx chys Te heffene altyt tot Bamisse daeraf
der yersten termyn van betalingen syn sal tot Bamisse naest
comende, Op des voirscreven Ghysbrechts huys metten hove gronde
gelegen inde Zeelstrate tusschen Claes Oerens erve ende
de weduen van Plassendonck erve, aen dander zyde. A Domino Mechliniensi,
Waranderende. Opte de van tweentwintich stuvers daer
voir vutgaende
XXIX January
de weduwe van wylen
Jans vanden Damme
Item Matheeus vanden Damme, Lieven vanden Damme
ende Symoen ende Zeger vanden Damme gebruederen, hebben opgedragen
tot behoef van Lysbetten vander Elst wedue wylen Janne
vanden Damme, allet recht ende deel dwelc zy hadden ende
henlieden verstorven is in alle alsulken erffeliken ende
onberuerliken goeden als henlieden byder doot vanden voirscreven
wylen Janne vanden Damme des voirscreven Matheeus brueder ende
des voirscreven Lievens Symoens ende Zegers vanden Damme oem
doen hy leefde in eeniger manieren verstorven mogen syn
A Domino Mechliniensi ende
waer die gelegen syn oft bevonden zelen worden, Ende daer
toe soe hebben de selve persoenen, quytgeschonden los vry ende
ledich de voirscreven weduen van allen doen haeffeliken goeden
die henlieden byder doot vanden voirscreven wilden Janne in eeniger
manieren verstorven mogen syn ende alle andere dies quitancie
behoeven geheelic ende al
ut supra tempore simile
Mere
Machiel vanden Broeke
ende syn wyf et aly
Aa, Hane, Lysbeth van Dueren wylen Henricx dochter met Jacoppen
Wabbel hueren man heeft vercocht Machielen vanden Broeke tot
synen ende Lysbethen vanden Hove syns wyfs behoef als tot haerer
Jehannen
beyder tocht ende oic tot behoef van Aertyen vanden Broeke den
selfs Machiele natuerlike dochter de van
haerer beyder dochter, als tot haerer erffelicheit, Twee
gouden Rynsguldenen, gronde etcetera te de wetene XL groten Vlaems
gelts voir elken der selver Rynsguldenen gerekent erffelicx
chys Te betalene, heffene altyt tot Alderheyligemisse
daeraff den jersten termyn van betalingen syn sal, tot alder
Heyligemisse naestcomende, Op haer twee huysen metten
boven gronde etcetera gelegen deen neven dandere buyten Sinte
Kathelinen poirte, tusschen Henricx vander Heyden huys, aen
deen zyde ende Jans van Dueren huys aen dander zyde
opte weerde van veerthien stuvers dair vuyte. A Domino Mechliniensi, Waranderende.
Assignavit den XVI denier
XIIII february
Jan vander Hulst beckere ende Katheline sMonicx syn wyf
Anthonis sMonicx dochter, hebben gewillekeurt ende openbaerlic voir
ons geconsenteert want de voerscreven Anthonis de Monnick vut
synen vryen eygenen wille ende met synen pren gereeden penningen
coopen sal, twee ponden ouder groten Turnoysen jaerliker lyfpensien
twee opte stad van Mechelen, te wetene op elken vanden selve
persoene een pondt der voirscreven grooten behoudelic dat de voerscreven Anthonis
ende Katheline Schoofs, nu ter tyt syn wyf haeren leefdach lant
haer heffene dair inne behouden zelen, oft gebuerde dat de selve
Jan vander Hulst ende Katheline sMonicx syn wyf oft eenich van
hen beyden, storven sonder wettige gebuerte van hueren live
gecomen de achter te laten, dat in dien gevalle, de selve
Anthonis ende Katheline nu ter tyt syn wyfs weder hebben ende
ontfangen zelen van haeren gereetsten goeden, naer haer
eensyegelycx doot van hen beyden blivende, alsoe vele
penningen als de voirscreven Anthonis daer af den voirscreven stad gegeven
sal sonder eenich wederseggen
Lodewyck Yngelram
Hamme, Bossche, Jan Smet conde wagene heeft vercocht Lodewycken
Yngelram, een huys metten hove gronde gelegen inde
Scipstrate, tusschen Jacoppe vander Beke huys aen deen zyde
ende thuys de Roese geheeten toebehoirende, Anthonisen ende
Lysbetten Franchoys, aen dander zyde. A Domino Mechliniensi, Waranderende.
op twee capuynen ende de weerde van drie scellinge
drie penningen groten Brabants gelts dair vutgaende
Assignavit XL Rynsgulden
XXXa January
Jan Smede
een de voirscreven Lodewyc de den voirscreven Janne, tweendertich
de
gouden Rynsgulden goede etcetera te wetene groten Vlaems
gelts voir elken de selve Rynsgulden gerekent
Te betalene de acht gulden daeraf tot Kersmisse
naestcomende. Item Sesse gulden daeraf tot Kersmisse
daer naer volgende, Ende alsoe voirtaen, telken Kersmisse
alsdan den naer dander volgende, Sesse Rynsgulden tot
dat de voirscreven scult geheelic ende al verloot sal wesen
Ende hier voir heeft hy verbonden alle syne haeffelike ende
erffelike goeden presenta et futura. Ende syn vallinge
de metten zyde. A Domino Mechliniensi,
ut supra