Blader door transcripties » Stadsarchief Mechelen

archieftoegang 2, inventarisnummer 936, pagina 132

Henrick Huyghs
Diest, Hert Merten van Haeght heeft bekent dat hy gehadt ende
ontfangen heeft van Henricke Huyghs spellemaker, Sessentwee
Rynsgulden goede etcetera oft de weerde daer voer, de welke hy
den selven Merten vut saken vanden coope van eenen huyse in
Sinte Kathelinenstrate gelegen sculdich ende tachter was, Ende daer
af soe heeft de selve Marten quytgeschouwen los vry ende ledich
den voirscreven Hero
ende alle andere dies quitancie behoeven geheelic ende al
selve
VI marty tempore simile
Magriete Tucbaert
Hamme, Berct, Jacop Tucback, heeft vercocht Janne Rabboots
tot behoef van Margrieten Tucbaeck wylen Willem Tucback
dochter, drie Rynsgulden goede, te wetene veertich
groten Vlaems gelts voir elken van dien gerekent jaerlicx ende
erffelicx chys, Te heffene altyt tot Onser Liever Vrouwen
daghe assumptio daeraf den yersten termyn van betalinge syn sal
voir
tot Onser Liever Vrouwen dage assumptio naestcomende, bynnen
eenen jaere dair naer volgende Op ende aen de voirscreven Jacop
huys metten hove gronde etcetera gelegen inde Augustynstrate
tusschen heer Henricx Tucback priester huys, aen deen zyde
ende Jorys Caluwaerts huys aen dander zyde. A Domino Mechliniensi, Waranderende.
sal opte weerde van thien scellinge grote Brabants gelts
daer jaerlicx voir vutgaende
te
ut supra tempore simile
Jacop Loot
Dyest, Bossche. Jan vanden Perre, woenende tot Grymberghen
heeft gelooft ongevrydt na der divisen recht Te betalen
ende bynnen Mechelen te levere, Jacop Loot oft de Breu
van desen, tot synen huyse acht annen goet ontfancbairs van
Smouts toten termynen hier na volgende, Te wetene
de twee Annen Smouts daeraf tot Bamisse naestcomende
Item de twee anen Smouts daeraf tot Sinte Martensmisse
oic naestcomende. Item de twee anen Smouts dairaff
tot Kersmisse daer naer volgende ende dander twee
amen Smouts daeraf tot Onser Liever Vrouwen dage
Lichtmisse, dair naer oic ter stont sonder middel
vervolgende, sonder eenich wederseggen
VIII augusti tempore simile
Andries Mylemans
Hamme, Zoeten. Margriete vanden Broeke weduwe wylen Jans vanden
Scrieke met Rommond vanden Bosschen nu ter tyt haeren wettige
man, heeft opgedragen haer tocht die zy hadde in een huys metten
gronde gelegen opte Ledicheit tusschen Sinte Peters kerchof
aldaer aen deen zyde ende Rommond Ymbrechts erve, Ende
een cammere metten gronde gelegen achter tvoirscreven huys op
voirscreven kerchof tusschen tselve huys aen deen zyde ende
de Cluyse aldaer aen dander zyde. A Domino Mechliniensi, Waranderende etcetera tot
behoef van Gheerde vanden Scrieke haeren sone dier inne
gegoedt waert, Ende daer naer heeft de selve Gheert vercocht
Andries Mylemans tvoirscreven huyse ende cammere metten gronde
Waranderende. Op acht scellinge Brabants gelts vuten voirscreven huyse
ende eenen geliken scellinge vuter voirscreven cammeren jaerlicx gaende
Assignavit XL Peters
XI Augusti tempore simile
deen
de
in Rogier van Expoele
Ghoeten, Berct. Heer Lodewyck van Cothem priester, heeft opgedragen
ende overgegeven, tot behoef van Meester Rogier van Expoele
Eenen hof met twee huysen daerinne staende ende oic
metten gronde, den welken tanderen tyden te heeten plach
den hoff vanden Moere, gelegen inde strate vanden hove
by coopbeurken, tusschen tSwinnegheem straetken aen deen
zyde ende dwater aen dander zyde, streckende tot eenen
hove, toebehoerende Bartelmeus vander Voort, Ende eenen
wech, over de voirscreven swegheem strate gaende, totter
Mylanen toe in alle der vueghen ende manieren, alsoe
Nicasius Chamble, den voirscreven heer Lodewyck tanderen tyden
dien hof met alle syne voirscreven toebehoirten, aldaer vercocht
ende deselve Nicasius dien aldaer, beseten heeft. A Domino Mechliniensi,
Waranderende etcetera
XIII augusty tempore simile
Jan van Baesrode
Item. Lodewyck van Heyst ende Jan de Elssenere, als rentmeester
ende inden name vander stad van Mechelen, et hebben om
des meests orboirs ende prouffyts wille vanden selver staden van
vercocht Janne van Baesrode, een plaetse metten gronde etcetera ende oic
gelegen by thuys den Mol geheeten, dwelc den selven Janne
van Baesrode, toebehoirt gelegen inde in deede vanderst:t;
inde Drapstrate in doude vander Nauwstraten, tusschen
den voirscreven Mol aen deen zyde ende Rommond tSerghysels
huys aen dander zyde streckende achterweerts toter Delen
toe. A Domino Mechliniensi, Waranderende etcetera
ut supra tempore simile
Lysbeth sBriesen
Hanne, Broek, Gheerdt van Leest tot behoef van Lysbetten
sVriesen syns wyfs heeft verreyct een huys metten hove
dat wylen Janne Tavermeer toe plach te hoeren gelegen
te Battele opte Dele tusschen des voirscreven wylen Jan
Taverniers erve ende Willem Claes Daems erve. Ex censu
ut supra tempore simile