Blader door transcripties » Stadsarchief Mechelen

archieftoegang 2, inventarisnummer 936, pagina 131

heer Locum prollem Behalonne de Boghe
ende post XXIIII July positus
soe ende
folio preceden
Dambaelt vanden
cousmakere
haer dochter ende
Ghoeten, Berct. Jouffrou Kathelyne de Heelt, cum tutore heeft
opgedragen haer tocht die sy hadde, in eenen gulden van
Florencen erffelicx chys, Op een huys metten gronde etcetera
geheeten den Cardaels hoet toebehoirende, Willem
vander ver Bruggen, gelegen opte Brootmarct van Mechelen
tusschen wylen Jans van Gestelle huys aen deen zyde
ende Jacop vanden Velde huyse, aen dander zyde. A Domino Mechliniensi,
juravit etcetera tot behoef van vrouwen, Margrieten van Herlaer
ende Jans van Sinte Goericx Ridders huysvrouwen, die
dier yerst inne geerft waert, Ende dair naer, heeft
de selve vrouwe Margriete met Janne Scholier haeren
vremden momboir, die des volcomen macht hadde vanden
voirscreven heer Janne oic in synder alsoen ende al, die in dien
ende inde Reysen van onser genadigen heer is, om in synder
absencien, te doen, ten met synder voirscreven vrouwe, tgene
dat hier naer bescreven staet gelyc dat byder procuracien
erge metten ghen zelve vander voirscreven stad
dair op gemaect over genoech gebleke heeft vercocht
Janne Gregod, Jacop vanden Velde ende Machiel de Weerd
tot behoef vanden ambacht vander cousmakers bynnen
der voirscreven stad, de voirgenoemde Seven chysgulden des
voirscreven chys, warander etcetera
Assignavit den XV denier
VIIa augusti
man
als
Lysbeth ende Margriete
van Rymenam
Bossche, Berct. Henrick van Spoelhoven, heeft vercocht Cornelisen
van Riemenam tot behoef ende ten live van Lysbetten ende Magriete
kinderen
st:t;
van Rymenam Jans dochter van Riemenam, die hy van Magriete
vander Roven synen wive vercregen heeft ende ten langhstlevende
live vanden selven kynderen, Twee gouden Peters de Muntere
te wetene XXXVI groten Vlaems gelts voir elken der selver Peters
gerekent Te lyfpensien, Te heffene deen helft daeraf opten
vyfsten dach van februario ende dander helft opten VII sten
dach van Augusto, Op ende aen des voirscreven Henricx huys metten
gronde gelegen achter Sinte Rommond Capelle by Sinte Rommond
kerchof tusschen tselve kerchof ende de capelle aen deen zyde ende
Peter Caluwaerts erve aen dander zyde. A Domino Mechliniensi, Waranderende. Opte
weerde van veerthien scellinge ende zesse penninge groten Brabants
gelts daer voir vutgaende, nu Cornelius levabit et inde
mede
juravit onchiplus op diest en et ex die ledich
Item de voirscreven Cornelis inden name vanden voirscreven kynderen heeft geconsenteert
dat de voirscreven Henric de voirscreven twee Peters der voirscreven lyfpensien sal
mogen quyten als hem dat gelieven sal te wetene elken Peter daer
af met negen gelike Peters ende met vollen lyfpenst:t; chyse daer voir
te betalene ende hier hebben by geweest als getuygen Jan van Erpe
ende Aerde Cleynaerts
VIaaugusti
de kynderen vanden
Woelputte
Zoeten, Berct. Willem de Leeuw heeft vercocht Jannen vanden
gehoef
Woelputte tot ende Jorysen Yswyn tot haeren ende oic tot
behoef van Kathelinen vanden Woelputte desselfs Jorys
wyf ende van Margrieten, Barblen, Lysbetten, Johannen ende Thorie
vanden Woelputte, des voirscreven Jans ende Kathelinen zusteren
tzestedeel ende allet recht dat de selve Willem hadde
inde erffelike goeden hier naer bescreven dwelc hem byder doot
betten vanden Volputte
van wylen wette vanden Neve synen van toecomen ende verstorven
es ende dat hem inder scheydingen ende deylingen die tanderen
tyden te wetene opten XXXsten dach van julio anno LXX voir
scepene van Mechelen geschiet es aengescheyden ende aengedeelt
geweest, ierst in een huys de Lente geheeten metten
hove ende metten huyskens daer achterstaende ende met allen
anderen synen toebehoirten, gelegen inde Befferstrate, tusschen
Peters van Yetegem erve aen deen zyde ende wylen Jorys
Fruytiers erve aen dander zyde, streckende achterweerts tot
inde Batenstrate. Item in eenen hof metten gronde gelegen
tot Neckerspoele ende Gruenstrate tusschen der kynderen
erve van wylen Peters van Rekenrode, diemen heet de
pasteybeckere aen deen zyde ende wylen Willem Bollaerts
erve aen dander zyde, Ende in dertich scellinge oude
groote Turnoyse ende acht capuynen erffelic chys, Op eenen
hof metten gronde toebehoerende der gulden vanden Hansborch
Scutters te Mechelen gelegen achter Onser Vrouwen kerchof
inde
A Domino Mechini, Waranderende etcetera
V augusti tempore simile
Alexande
ende syn wyf
Alexander Martens
ende Katheline van Oelegheem syn wyf hebben
Bossche, Berct
Laureys Wils, heeft de Terve gegeven dander
tot
te behoef
Mertens ende Jehanne Kegels, zelen wivest:t; Een huys metten
hove gronde etcetera gelegen op Neckerspoele inde Vriesestrate
tusschen Gheerts Laureys erve ende Henricx Smets erve
es. A Domino Mechliniensis. Te bezittene op eenen erffeliken chys van
drie mottoene, te wetene vier stuvers ende eenen halven
voir elken mottoen gerekent Te betalen altyt tot
Kersmisse dairaff den jersten termyn van betalingen zyn
sal tot Kersmisse naestcomende, Ende opten voirchys van
zesse scellingen ende vier penningen Lovens ende te twee
scellingen payment dair voir vutgaende, met condicien dat
de voirscreven Zanders sal mogen ende zyn wyf zelen
mogen quyten altyt als hem dat gelieven zal de
voirscreven drie mottoenen des voirscreven chys met eenen mottoen
tsmaels ende niet min ende elken mottoen dairaff met
zesthien geliker mottoene een met vollen chyse dair
voir te betalene
Assignavit X Peters
VII augusty