Blader door transcripties » Stadsarchief Mechelen

archieftoegang 2, inventarisnummer 936, pagina 13

acht rynsgulden
Jaer daer naer volgende, Op ende aen der voirscreven Macharys
twee huysen metten gronde gelegen deen neven dander
opte Lotmerct tusschen der stad van Mechelen erve aen
deen zyde ende Henrick Wychmans erve aen dander zyde
A Domino Mechliniensi, Waranderende. Opte weerde van veerthien scellinge groten
Brabants gelts vuten selven twee huysen jaerlicx voir vutgaende
met condicien dat de voirscreven Macharys ende syne nacomelingen
altyt sullen mogen quyten altyt als hen dat gelieven sal de voirscreven
met eenen gulden tsamaels ende niet min ende elken gulden
daeraf met zestiene geliker gulden eens met vollen
chyse daervoir te betalen
XXa novembry tempore simile
Weyne Weyns
min ende
Mol, Bossche, de voirscreven Macharys heeft vercocht den voirscreven Anthonis
tot behoef van Weyne Weyns, drie gouden Rynsgulden vanden
voirscreven pryse erffelic chys, Te heffene altyt tot Kersmisse
daeraf den yersten termyn van betalingen syn sal van
Kersmisse naestcomende over een jaer daer naer volgende ende
dat opte voirscreven twee huysen boven genoemt. A Domino Mechliniensi, Waranderende.
als boven, met condicien dat de voirscreven Macharys sal mogen
quyten altyt als hem dat gelieven sal de voirscreven drie Ryns
gulden des voirscreven chys met eenen gulden te male ende met
elken gulden daeraf met zesthiene geliker gulden eens
met vollen chyse dair voir te betalen
ut supra tempore simile
Anthoenis Steven ende
syn wyf
Aa, Mol. Anthonis Steven, ende Margriete Wynants syn wyf
seggende dat zy gheene wettige kinderen en hadden, Ende
hebben dair om voir ons gewilt ende openbaerlic geordineert
dat de langstlevende van hen beyden soe lange die leven sal
paysselic rustelic ende vredelic sal gebruyken alle der haeffelike
ende erffelicke goeden, bynnen etcetera wesende ende gelegen, die sy
nu ter tyt hebben ende naemaels hebben ende vercrigen selen
den wederseggen vanden erfgenamen vanden yersten stervende
van hen beyden, Ende oic den rechten beyen ende gewointen
vander selver stad hier inne ter contrarien onderhouden, niet
tegenstaende. Behoudelic, dat de langstlevende vanden voerscreven mannen
ende wive metten voirgenoemde haeffeliken goeden sal mogen disponeren
vanden voorscreven
ende ordineren, naer synder gelieften wederseggen van haeren erfgenamen
oic niet tegenstaende, Ende dat insgelycx alle de selve goeden bliven
na de doot vanden voirscreven langstlevende, toecomen ende versterven selen haeren
gerechte erfgenamen dien die goeden naer den rechte vander selver stad sculdich
selen zyn toetecomende ende te verstorven, oft den ghenen die de voirscreven Anthonis
ende Magriete syn wyf die goeden met testamente oft anderssins geven
ende maken zelen, welke ordinancie wy Diest Bossche Ghooten ende Berct
onse medescepenen by crachte vanden statute daer op tanderen tyden geordineert
geadmitteert hebben ende van onsen macht confirmeert ende approberen, alle argelist
vutgescheyden
Marck de Grove
Hanne, Diest. Jan de Bock wilen Jans sone heeft vercocht
Marcke de Grove allet recht dat hy hadde in een huys
metten gronde, gelegen opte Coremerct tusschen den Beer
aen deen zyde ende Claes Ammans erve. A Domino Mechliniensi, Waranderende
Assignavit VI Peters
XXIIIa novembris tempore simile
Margriete sBocx
Item de voirscreven Jan de Bock, heeft voir ons gewilt ende
nu suster ende
openbaerlic geconsenteert dat Margriete sBocx des voirscreven
Marcx wyf syn zy gelyc evengelyc ende in geliken deele
he met hair hebben ende aenveerden ende deylen sal, alle alsulke
erffelike goeden als henlieden in eeniger manieren zelen
mogen toecomen ende versterven by haeren magen ende brueder
sonder eenich wederseggen
ut supra tempore simile
Jan Bols tot behoef
Rommond de Grote
Diest, Berct. Jan vander Schueren woenende opte Tieselt ende prochie
van Wildebroeck onder joncheer Philips van Grymbergen heeft
gelooft ongevrydt naer der divisen recht te ghevene ende bynnen
Mechelen te leveren, Rommond de Grote oft den bringer des
briefs, tot Onser Lieve Vrouwen dage Lichtmisse naestcomende
negen zacken Rogs goede ende custbaere Mechelscher maten
te wetene elke veertele daeraf op eenen groten naer de beste
sonder eenich wederseggen
XXIII novembry
de kynderen Eynaert
alias Hoeckaerten
Dyest, Ghoeten. Henrick Eynaerts alias Hoeckaerts ende Katheline
Massys syn wyf, hebben gewilt ende openbaerlic voir ons
alsoe wel
geordineert, dat alle haere kinderen, te weten meyskens
als
als
gelyc den knechtkens ende de knechtkens gelyc den meyskens
die sy nutertyt deen vanden anden vercregen hebben ende oic tsamen geheelen
evengelyc ende in gelyken deele parte ende porcien hebben
houden aenveerden ende deylen zelen, alle haerlieder onder
haeffelike ende erffelike goeden infra etcetera gelegen, die naer haeren
ander de eeniger manieren bliven selen, eensgelycx
doot van huen voirscreven ouderen in eenige manieren bliven zelen
XXVII novembris tempore simile
lichte locum geheelic
Cornelis de Culixrode
Putte XXVIIa jaer et
Ghoeten Berct
Cornelis van
Heemblijct
Jan van Yndevele heeft vercocht Cornelise van
Heemblijct haerliet, Een huys met eenen wege ende porten ende
oic metten gronde gelegen inden Nyeuwenbruel, tusschen Jan
Sleens erve aen deen zyde ende Anthonis Caluwaerts erve aen
dander zyde comende achter totten water. A Domino Mechliniensi, Waranderende. Op drie
chysmottoene, te wetene vyfthien groten Brabants voir elken
van dien gerekent, Ende op zesse gouden Rynsgulden goeden
etcetera te wetene XL groten Vlaems voir elken der selver Ryns
gulden gerekent de welke sesse Rynsgulden de voirscreven Cornelie
sal mogen quyten als se dat gelieven sal met eenen gulden te
male vutname den eenen gulden daer af die sal de selve