Blader door transcripties » Stadsarchief Mechelen

archieftoegang 2, inventarisnummer 936, pagina 125

Jan Scamp ende syn
kynderen van Cauwe
Mol, Bossche, Claes van Luypegem endest:t; jouffrou Katheline van
Boxhem cum tutore vendidit Janne Scamp tot synen behoef ende
oic tot behoef vanden natuerliken kynderen van wylen Henrick
van Cauwegen die hy vercregen heeft van Margrieten
Coelmans twee Peters erffelic chys te wetene
XXXVI groten Vlaems voir elken Peter gerekent verschinende altyt
tot Lichtmisse daeraf den yersten termyn syn sal tot
Lichtmisse naestcomende, Op ende aen des voirscreven Claes
zeste deel vanden erffeliken goeden hier naer bescreven te
wetene van eenen huyse metten plaetsen gronde gelegen inde
Aedegemstrate tusschen wylen Jans vanden Bloke erve ende
wylen Henricx de Bock erve op XIIII scellinge grote Brabants
vuten geheelen huyse jaerlicx gaende. Item van eenen huyse
metten hove gelegen opten Haverwerf tusschen Gielis Vensele
erve ende der weduen van wylen Gielis Thys erve sonder
eenigen commer af last daervoir vutgaende. Item van twee
huysen metten hove gelegen deen neven dander ende voirscreven leden
tusschen Jacops de Moldere erve ende Jacops vanden Hoeye erve
Op XX scellingest:t; stuvers daer jaerlicx voir vutgaende, Ende
by ende aen alle desselfs Claes ende jouffrou Katheline ander
erffelike goeden metten gronde presenta et futura bynnen der
stad ende vryheit van Mechelen gelegen. A Domino Mechliniensi, Waranderende etcetera
de voirscreven Claes heeft der selver jouffrou Kathelinen hieraf
gelooft scadeloes quyt te houden ende tontlastene, etcetera
de
XIIII July tempore simile
Henrick de Greve
ponet Retro
loco
Aa, Hamme. Lysbeth ende Katheline sGreven inde voir hem
selven, Ende Willem de Greve ende Jan van Dyepenbeke van
svaders wegen ende Vranck van Volhoven ende Jan de Cock vanden
moeder weghen, als momboire ende inden name van
Anthonis ende Marien soenen, de voirscreven Lysbetten ende
Kathelinen brueder ende zuster, binnen st:t; haere jaeren wesende
die sy in hen vervingen, hebben quytgesconden los vry ende
te ledich, Henricken de Greve, de voirgenoemde kynderen sGreven
vader van allen den haeffelike goeden, die den selven
kynderen soene, byder doot van wylen Yden Tricht
der moeder, die des voirscreven Henricx wyf was doen
sy leefde in eeniger manieren verstorven moegen syn
II augusti
de kynderen schen
Jacop Loot
Item de voirgenoemde Henrick de Greve ende Jan de Beckere wesschest:t;
debent den voirgenoemde momboiren tot voirscreven kynderen, tot behoef
vanden voirscreven Anthonis ende Marien de voirscreven Henricx
kynderen, Sesse gouden Rynsgulden goede etcetera te wetene
veertich groten Vlaems gelts voir elken van dien Rynsgulden
gerekent Te betalen salst:t; ter stont, als de voirscreven
kynderen tot haere jaeren van discrecien gecomen zelen syn, Ende
daeren bynnen ende oic soe langhe, heeft de voirnoemde Henrick gelooft
de selve syn kynderen met hem bynnen synen huyse te houden ende hen
eten drincken cleederen schoenen ende al tgene des haeren leven groot
syn sal tamelic te geven, sonder mindernisse vander voirscreven scult
Ende daer toe heeft de selve Henric oic gelooft dat hy ten vermane
der voirscreven momboir, comen sal voir coutet ende scepene van
Mechelen ende aldaer, tot alle synder voirscreven vier kynderen behoef
veerthien ende verzweren synder tocht, die hy heeft in een huyse
hebben
metten hove inde Milzestrate gelegen, daeraf alle de selver kynderen
erfgenamen syn, sonder eenich wederseggen, Ende daervoir heeft
verbonden ende te pande geset, alle haere haeffelike goeden presenta
et futura ende pryse al
II augusti tempore simile
op toegange tot
eender heymelic
staende achter
een
ende
aldaer ende oic
metten gronde
Margriete de Costere, wylen Martens de Costere dochter met
eenen momboir, heeft vercocht Gielis Vensel twee huysen metten ho
gronde etcetera die haer byder doot vanden voirscreven wylen Marten haeren
vader verstorven waren, gelegen deen neven dandere over de Nieuwe
Berge tusschen der taflen des Heylichs Gheests erve van Hanswyckest:t;
van Hanswyck
hy aen deen zyde ende Gielis vanden Bossche huys aen dander zyde
A Domin Mechiniensis, Waranderende. Opte weerde van twaelff scellinge groten Brabants gelts daer
jaerlicx vutgaende
Gielis Vensel
Mol, Dyest. Margriete de Costere wylen Martens de Costere dochter
met eenen momboer, heeft vercocht Gielis Vensel twee huysen metten
toegange, tot eender hen heymelicheyt, staende achter der taflen
des Heylich Gheests huys van Hanswyck, opte Dele aldaer, ende oic
metten gronde etcetera die haer byder doot vanden voirscreven wylen Marten
haeren vader verstorven syn gelegen deen neven dander over de
Nieuwbrugge, tusschen der voirscreven taflen des Heylichs Geest huys
voirscreven aen deen zyde ende Gielis vanden Bossche huys aen dander zyde
A Domino Mechiniensi, Waranderende. Opte weerde van twaelff scellingen groten Brabants gelts
daer jaerlicx vutgaende
Assignavit VI Peters
XVI July tempore simile
villa
Hamme, Ghoeten. Wouter vander Moelen, heeft geconfirmeert geapprobeert
veerthien
ende van weerden gehouden, alsulken vercoop vanden vierendeel
van eenen huyse metten hove gronde ende syne toebehoirten gelegen inde
Stompaerts hoeck in Sinte Jans prochie, tusschen de vesten van Mechelen
aen deen zyde ende wylen Gielis Paridaens kynderen erve aen daer zyde
als Henrick vander Moelen des voirscreven Wouters brueder niet langhe
gelegen, te wetene opten twintichsten dach van meye, lestleden
in synen name ende van synen wegen, als hem toebehoerende, gedaen
heeft, Lodewyck van Heyst rentmeester ende tot behoef vander voirscreven
stad van Mechelen, Ende heeft daertoe de selve Wouter, gelooft
voir hem syn hoir ende nacomelingen, th den voirgenoemde vercoop
de vierendeele vanden voirscreven huyse ende oic verthien dat d
daeraf van synen wegen, byde voirscreven Henricke synen brueder
in synder alsouden geschiet in te houden voer goet vast
gestentich ende van weerden, ten eeuwigen daige ende daer
tegen nemmermeer te doen te seggen oft oic te doen doen
ende te seggen in gheender manieren, alle argelist vutgescheyden
VIIa July
een
wile