Blader door transcripties » Stadsarchief Mechelen

archieftoegang 2, inventarisnummer 935, pagina 77

Jo vanden Breyne
Haerdegeem, Mol. Philips van Breyne heeft opgedragen
ende getransporteert tot behoef van Janne van Breyne
alsulke scult van vyfthien Peters, te wetene XVIII stuvers
voir elken van dien gerekent, als Janne Weelmans
hen tanderen tyden, tot twee overledenen termynen gelooft
heeft te betalen, gelyc dat by eender obligacien daerop
gemaect ende geteekent met synen pren name ende
handeken jaerlic blyct, tusserene ac volens
ut in forma
XXVI octobry tempore simile
Johannes et Domina
vander Hoeven
Duffle, Bossche. Lenaert vander Lynden, heeft vercocht Janne vander
Hoeven tot sinen behoef ende oic tot behoef van jouffrou Katheline
vanden Hoeven beghynen synder zuster, vier gouden Ryns
veertich
gulden goede etcetera te wetene zessendertichst:t; groten Vlaems gelts voir
elken selve Rynsgulden gerekent erffelic chys Te
heffene deen helft daer af tot Sint Jansmisse ende dander helft
tot Kersmisse daeraf den yersten termyn van betalingen syns
tot Sinte Jansmisse naestcomende, Op ende aen des voirscreven Lenaerts
drie vierendeel van eenen huyse de Sterre geheeten ende
metten gronde eenen anderen huyse de Camme geheeten daer
achter aen liggende ende oic metten gronde, gelegen over de
Grootbrugge tusschen tothuys aen deen zyde ende wylen Jans
van Berthem erve aen dander zyde. A Domino Mechliniensi. Op vier gelike
Rynsgulden vuten voirscreven geheelen huyse ende op oic op
negenthien der selver Rynsgulden vuten voirscreven drie vierendeel
vanden selven huyse jaerlicx voir vutgaende
Assignavit den XVI denier
XXIX novembry
Lysbeth vander Heyden weduwe wylen Jans vander Heyden
cum tutore als een tochtenersse, Jan vanden Belke ende Gielis vanden
Langen van vaders wegen ende Jan ende Daneels vanden Vekene
gebruederen vander moeder wegen als momboiren ende inden
name
al vander
Heyden
Mol, Bossche. Lysbeth vander Heyden wedue wylen Jans vander Heyden
cum tutore heeft opgedragen haer tocht die sy hadde in een huys
metten hove gronde etcetera geheeten den Swerten Hane gele
Asinte Kathelinenstrate tusschen Jan Robboots erve ende Jan
Claes erve. A Domino Mechliniensi, Juravit etcetera tot behoef van Janne, Gielisen ende
Lysbetten vander Heyden des voirscreven wylen Jans kynderen, tot wiens
behoef de momboiren hier na bescreven ware tot der selver
kynder behoef waerden daer inne gegoet, Ende dair naer
hebben Gielis vander Langen Jan vanden Volke van svader
wegen ende Jan ende Daneel vanden Vekene gebruederen vanden
moeder wegen als momboiren ende inden name vanden
voirscreven kynderen infra annos die sy in hen vervingen allest:t;
hebben opgedragen tot behoef vander voirscreven Lysbetten vander Heyde
der selver by kynder moeder, tvoirgenoemde huys metten hove, waranderende.
etcetera
XX octobris
Petrus de Coelene
Mol, Bossche. De voirscreven Lysbeth de wedue cum tutore vanden Peteren van Coelen
ende Everaerde de Ket als gesworene ende tot behoef vanden
ambachte vander Brouwere bynnen Mechelenst:t;, Twee gouden
Rynsgulden goede etcetera te wetene veertich groten Vlaems voir
elken der selver Rynsgulden gerekent Te heffene altyt tot
Kersmisse daeraf den yersten termyn van betalingen syn sal
van Kersmisse naestcomende over een jair dair naer volgende
Op tvoirscreven huys metten hove gronde etcetera. A Domino Mechliniensi, Waranderende.
op vyfthienst:t; chysgulden ende eenen scellinge Lovens erffelicx
alhier
ende twee gelike Rynsgulden lyftochten daer voir vutgaende
ut supra tempore simile
Item
infirmans infra
Jan Ros heeft opgedragen in puerder aelmoessenen tot behoef
vander infirmarien vanden crancken beghinen bynnen deen
beghynhove, drie gulden van Florencien erffelicx chys die
hij heeft op een stuc bempt geheeten den outaert ende
hadde
op een stuc bempts geheeten den Necke, die wylen Gielisen
van Hoebergen toe plagen te hoiren, welke twee stuck
houden tsamen omtrent een half buender ende syn gelegen
des voirscreven
in Eykenvoorde byden Vrouwen vliet, tusschen wylen Gielis
van Hoebergen erve aen beyde zyde, Ende eenen chysgulden
erffelicx chys die hy hadde op een stuc bempts geheeten
de nopstal dat oic den voirscreven wylen Gielisen van Hobben
toe plach te hoeren gelegen in Eykenvonde, tusschen des
voirscreven wylen Gielis van Huberge erve aen beyde zyde
A Domino Magriete de lane, Waranderende etcetera Peter Godevaerts
tot behoef als boven Sint adheridatus
ut supra
Egidius de Aelst
Laureus Dierix et
Dyonisens Bourgons
Vrierdegeem, Bossche. Denys Sucquet heeft opgedragen ende getransporteert
tot behoef van Gielisen van Aelst, Laureys Diericx, juweelen
ende van Denysen Bourgons alle alsulke sculden, als eenige personen
wie die syn geestelic oft weerlic, binnen der vryheyt van desen
stad gelegen hem sculdich ende tachter syn wyffenende, die niet
gesellen
alle daer actien, die hy daertoe hadde oft hebben mochte in haerlie
persoon, Ende willende voort ende consenterende de voirscreven Denys
dat de voirscreven Gielis Laureys ende Denys ende al eenyegelic van
hen voerene van desen met dese scult, gelyc met haer zelfs
eygen pren goeden zelen moegen disponeren ende ordineren
ut tempre simile
de oic constitue ende procureur corendale, ende prise ende omnia sua debito
extra autaer prise Rat eenen altaer ut supra in forma, et ut supra