Blader door transcripties » Stadsarchief Mechelen

archieftoegang 2, inventarisnummer 935, pagina 58

Creyt XXVI
Domino Bolden
Voesdonck rogge. Jan Machtilden heeft vercocht heer Boudene trepe priester
twee gouden Rynsgulden gronde etcetera te wetene veertich groten
Vlaems gelts voir elken der selver Rynsgulden gerekent
erffelicx chys, Te heffene altyt tot Kersmisse daeraf den yersten
termyn van betalingen syn sal tot Kersmisse naestcomende
Op ende aen de voirscreven Jans huys metten hove bogaerde
ende metten lande daeraen liggende ende oic metten gronde
houdende tsamen omtrent drie buender gelegen tot Gheerd
inde Beecstrate tusschen tHof vanden More ende des huys
vander Ziekerliede erve, Ende op syn stuck eeussels
houdende omtrent een buender gelegen aldair byde Gheerdegestrate
tusschen Barblen van Scelle erve ende Peter vanden Rode
erve. A Domino Mechliniensi, Waranderende. Op vyf Peters ende twee gelike Ryns
gulden daer voir vutgaende, Met condicien dat de voirscreven
des voirscreven chys
Jan Machtilden de voirscreven twee Rynsgulden sal mogen quyten
altyt als hem dat gelieven sal, te wetene elken gulden
daeraf met twintich gelike Rynsgulden den voirscreven
Boudene oft synen nacomelingen eens met vollen chys
daervoir te betalene
Assignavit den XX denier
Pen augusty tempore simile
et libe
Papauwels
Voesdonck teghe ende Meester Peter Pauwels priester ende Canonick van
Turnout heeft opgege opgedragen tot behoef van Pauwels
Pauwels synen brueder als tot synder tocht ende tot behoef
van Cornelise ende Adriane ende Kathelinen Pauwels synen kynderen
als totter selver kynder erffelicheit, de helft van ende alle
trecht dwelke de voirscreven Meester Peter hadde in twee huysen
metten hoven gronde, dairaff dander helft den voirscreven sinen
brueder toebehoert gelegen deen neven dander inde Scipstrate
aen deen zyde
tusschen Henricx van Dueren erve ende der weduen ende kynderen
van wylen Symoen Caluwaerts erve aen dander zyde. A Domino Mechliniensi,
Waranderende. Opten chys ende commer daer vutgaende
als
Baerdege, Duffle. Machiel Torreken ende Katheline Cornellen syn zuster
met Daneelen tweel haeren wettigen man ende inde name vanst:t;
hem selvenst:t; als gerechte erfgenamen van wylen Jacoppen de Leeuw
van aen vander eender zyde van synder moeder wegen, inde
name van hen selve ende oic inde name van allen de anderen
die hen eenichssins vander selve zyde rechts soude moegen hebben
verschen oft hebben inde goeden hier naer bescreven absent wesen
die sy in hen vervinghen, hebben opgedragen ende overgegeven
Magriete
Polsvoets
tot behoef van Margrieten Polsvoets, desselfs wylen
Jacops leste wyf ende nu Gielis van Heyst huysvrouwen
alle de erffelike goeden metten gronde etcetera bynnen der stad ende
vryheyt van Mechelen gelegen, die den voirscreven Machielen
Torreken ende Katheline synder zuster, byder doot vanden
voirgenoemde wylen Jacoppen de Leeuw, haeren neve als vander
voirscreven zyden, in eeniger manieren verstorven, oft hen by testamente
gemaect moeghen syn. A Domino Mechliniensi, Waranderende. Ende daertoe hebben de
voirscreven Machiel ende Katheline syn zuster, metten voirscreven Daneele
haeren man quytgesconden los vry ende ledich, de voirscreven
Margrieten Polsvoets van des voirscreven Gielis wyf van
alle de haeffelike goeden, die henlieden oic byder doot vanden
voirscreven wylen Jacoppen haeren neve verstorven, oft st:t; met syn
voirscreven testamente in eeniger manieren oic gemaect syn ende alle
andere dies quitancie behoeven geheelic ende al, Gelovende, de
selve Machiel ende syn zuster met haere voirscreven man, de selve
quitancie ende oic des Jacops testament goet vast ende van
soe voir hen dat aengaet
weerde eeuwelic te houden ende daertegen nemmeer te
doen oft te seggen in gheender manieren, Ende oic de voirscreven
Magrieten ende haere nacomelingen altyt hieraf tegen
eenen yegelike, die hem eenich recht soude m hebben oft
heysschen inde voirscreven goede van haerer voirscreven zyde
wegen, altyt scadeloos tontheffene ende quyt te houden sonder
argelist
Ultima augusti tempore simile
voir Janne vanden Dale commoingmeester es gecomen Katheline
Ruekens alias van Wesele, Ende heeft aldair verclairt ende by haeren
ende ten Heyligen gehouden, dat de voeten Ghooten, die leeght
tusschen een erve daer zy inne te woen plach ende haer
toebehoirt hadde ende nu toebehoirt Jaspar vanden Hove, dien
zy gemaect heeft, Ende Machiels van Eerschole erve neven
ende aldernaest de Zantpoirte gelegen, zy wel over jaeren
dat tselve huys oft erve haer toebehoirde, alleene gehouden
heeft, Ende dat zy anders niet en wiste, de selve Ghooten
ende heeft altyt toebehoirt haeren voirscreven erve alleene te
houden, Ende oic dat haer oic wel voirstont ende
kenlic was dat zy deselve Ghoote, twee oft drie malen
heeft hadde doen Sander ende scoppen, op haeren cost ende
sonder cost desselfs Machiels als erfgenaem van sinen
voirscreven huyse oft erve, Actum XXaaugusti anno LX
Jo de
Muysene et
Katlyne et filia
Gorttere, Bossche. Gielis vanden Hove, wylen Willemssone heeft vercocht
van Muysene
de
Vette borreman
Lysbetten Loens tot behoef ende ten live van Janne Boydenst:t;
haeren man ende oic tot behoef ende ten live van Kathelinen
live van hen beyden, Sesse veertelen Rogs goede etcetera goedest:t; Mechelscher
van Muysene
Beken haerer beyder dochter ende tot des langstlevende
maen te wetene in eenen groten Brabants na den besten, jaerlicx lyfpachts