Blader door transcripties » Stadsarchief Mechelen

archieftoegang 2, inventarisnummer 935, pagina 57

Judocus
Nyelens
Voesdonc, Dyest, Gielis Vrancx ende Zegen de Kempenere, als momboiren ende inden name
van Janne ende Henricken Jans voegeleeren ende Kathelinen Tymmermans syns
wyfs kynderen, hebben bekent openbairlic voir ons dat sy gehadt ende ontfangen
totter selver kynderen behoef
hebben van Joes Nyelens eenendertich pond groten Brabants gelts, die de selve
Joes den voirscreven kynderen, tanderen tyden voir scepene van Mechelen, bekent
heeft sculdich wesende, voir den afcoop van allen den haeffeliken
ende erffeliken goeden den voirgenoemde kynderen, byder doot van wylen Margrieten
Nyelen des voirscreven Joes natuerlike dochter, die hy vander voirscreven Katheline
vercregen hadde, gebleven ende verstorven, Ende van dien eenendertich
oft momboiren
pond groten ende van al tgene, dat de voirscreven kynderen den voirgenoemde Joesen
vanden voirscreven goeden soude moegen heysschen, hebben de voirscreven
Gielis ende Zeger als momboiren ende inden name als voir quytgesconden
los vry ende ledich, den voirgenoemde Joesen Nyelen ende alle andere dies
quitancie behoeven, geheelic ende al
XXIIII augusti tempore simile
Idem
Item Jacop Nyelen, heeft bekent openbairlic voir ons dat hem
de voirgenoemde Joes Nyelen syn vader, als executeur vanden testamente
ende vutersten wille van wylen Lysbetten Nyelen, desselfs Joes
moeyen doen sy leefde goede ende Rethst:t; rechtverdige Rekeninge
ende volcomen bewys gedaen heeft, van allen alsulken haeffeliken
ende erffeliken goeden, als de voirscreven wylen Lysbeth Nyelen, de voirscreven
Jacoppen haeren neve met haeren voirscreven testamente gemaect ende
gelaten hadde, Ende dairaf ende vander sommen van twee hondert
twee Rynsgulden, gecomen vanden voirscreven haeffelike goeden
ende oic vander sommen van twaelf pond grote Brabants gelts, gecomen
vanden voirscreven erffeliken goeden ende oic van allen anderen moeyenissen
quellingen sommen van penningen ende anderen dinghen, die de voirscreven
Jacoppellen, den voirscreven Joesen synen vader vut zaken vanden
voirscreven goeden, oft anderssins sonder in eeniger manieren soude moegen
doen ende heysschen, heeft de selve Jacop Nyelen ende met hem
Jan Smet scepman ende Willem Boydens syne momboiren, die daer
om oic voir ons gecomen waren, Quytgesconden los vry ende
ledich, den voirgenoemde Joes Nyelen ende alle andere dies quitancie
behoeven, geheelic ende al
ut supra tempore simile
Johannes van
Bege, Bosschen Peter vanden Wyele, heeft vercocht Janne de Vos
wylen Gielissen, Twee chysgulden erffelic chys Te heffene
altyt op Sinte Bartelmeus dach op des voirscreven Peters huys metten
hove gronde, gelegen in Sinte Kathelinen strate tusschen Jans
van Hulsbosch huys aen deen zyde ende der weduen ende kynderen
van wylen Vrederick Hobbouts huys aen dander zyde. A Domino Mechliniensi,
vyf
ware op vier gulden van Florencien acht scellinge Lovens
twee capuynen ende de chysgulden ende dezelvest:t; dier
voir vutgaende
Assignavit den XXVI denier
XXVI gusty tempore simile
gegoene
Henrick Goeten et
Schaloots
Beere ende Geerd vander Mere ende Henrick van Cockelberge
haer hebben bekent dat zy als Heyligeestmeester ende inden name
vander Taflen des Heylich Gheests van Leest gehadt ende
ontfangen hebben van Henrick Ghooten ende voer Goryen
Schaloots de somme van hondert ende zesthien croonen vanden
muntere die zy vut saken van eenen coope van eenen
Bossche der voirscreven taflen toebehoirende, den selven Heyligeest
Meesters tot selver taflen behoef sculdich ende tachter waeren
Ende hebben daeraf den selven Henricken ende Goorisen
quytgeschonden los vry ende ledich ende alle andere dies
quitancie behoeven geheelic ende al
XXVIIIsuper:t;
Mathys vanden
die man
Goes Begen
priester
Voesdonck, Bege ende Meester Peter Pauwels van Turnout canonick
tot Turnout ende Pauwels Pauwels syn brueder, hebben vercocht
jouffrou Martinen Mathys vander Goes beghinen, Twee gouden
Rynsgulden goede etcetera te wetene veertich groten Vlaems gelts
chys
voir elken der selve Rynsgulden gerekent Te heffene
deen helft dairaf tot Kersmisse ende dander helft tot
Sint Jansmisse, Op haerlieder huys metten hove gronde
oic gelegen inde Scipstrate tusschen Henricx van Dueren
ende der wedue ende kynderen van wylen Symon Caluwaerts
erve streckende achterweert metten voirscreven hove totter Delen
voir
toe. A Domino Mechliniensi, Waranderende. Op negen penninge Lovens daer vutgaende
Assignavit den XXVI denier
Penne
et uxore
Libery pael Pauwels
Item. De voirscreven Pauwels Pauwels ende Aeghte vanden
Gouberge syn wyf es hebben gewilt ende openbaerlic voir
ons geordineert dat alle haere kynderen alsoe wel meyskens
als knechtkens ende knechtkens als meyskens die sy nu
tertyt tsamen deen vanden anderen vercregen hebben ende namaels
deen vanden anderen soe sullen mogen vercrigen evengelyc
ende in geliken deele ende porcien hebben houden aenveerden
ende derden zelen alle haerlieder haeffelike ende erffelike
goeden waer die gelegen syn oft bevondest:t; bynnen oft
buyten der stad ende vryheit van Mechelen gelegen syn
oft bevonden zelen worden, die naer de doot vanden
selven hueren ouderen in eeniger manieren bliven zelen
ut supra tempore simile