Blader door transcripties » Stadsarchief Mechelen

archieftoegang 2, inventarisnummer 935, pagina 47

Peters vanden
Broeke
Dorpe hamme. De voirscreven Godevaert de Pottere heeft vercocht Peteren vanden
Broeke vier cammeren metten hoven gronde etcetera gelegen inde Kerchof
strate byde Hofstad tusschen de vesten vanden Mechelen stad van
Mechelen aen deen zyde ende Jacop Loots erve aen dander zyde
A conventu de Lelyendale, Waranderende. Opte helft van zesse capuynen
vierthien oude groten Turnoyse twaelff scellinge ende eenen
penning Lovens viventwintich penninge Turnoyse ende eenen
chysgulden daer vutgaende. Behoudelic dien dat de selve
vier cammeren onderpant syn ende bliven zelen voir dander helft
vanden selven chyse
Assignavit XXXVI Peters
IIa
Gode ende Porttere
Item. De voirscreven Peter vanden Broeke dat den voirscreven Godevaerde
eenendertich gouden Peters ende eenen halven vander munten etcetera
te wetene XXXVI groten Vlaems gelts voir elken de selve Peters
gerekent Te betalen de vier Peters eenen halven daeraf
tot Sint Jansmisse naestcomende, Ende soe voertaen alle Sint Jansmisse
alsdan deen na dander volgende vier Peters ende eenen halven tot
dat de voirscreven scult geheelic ende al betaelt sal wesen, Ende
hier voir heeft hy verbonden alle syne haeffelike ende erffelike
goede die hy nu heeft ende namaels hebben ende vercrigen sal
ut supra tempore simile
Willem Maer
et donna vanden
Woelputte
Hamme, Duffle. Willem vanden Dorpe ende Willem Schoof als proviseurs ende
inden name vander infirmenst:t; kisten vanden crancken beghinne
binnen den beghynhove van Mechelen, hebben opgedragen tot behoef
van Willeme vanden Woelputte, Marien vanden Woelputte ende
Dignen vanden Woelputte gezusteren desselfs twee huysen metten
hoven ende met drie cameren daer achterstaende, die Janne Joerdaens
toe plagen te hoiren gelegen deen neven dandere inde Zeelstrate
opten hoeck vanden Guldenen Bodem, tusschen den selven ende
Jan Coekemans erve streckende achterweerts metten voirscreven drie
cammeren tot aen een ander erve den voirscreven Janne Weerdaens
toebehoerende gelyc ende inder manieren Jan de Verwere als rentmeester
ende tot de voirscreven kisten behoef de voirscreven twee huysen metten drie
cammeren tanderen tyden voir achterstelligen chys die de selve kiste
daerop hadde wettelic vuytgewonnen ende verreyct heeft. A Domino Mechliniensi,
Waranderende etcetera soo die ierste nu censu huer obus
ende oic den prochien ende capellanen van Sinte Kathelinen kercke
have twee Rynsgulden die sy jaerlicx oic opte voirscreven huysen hebben
IIIau
Moekenborch
Mertens de
Hamme, Duffle. Henrick van Mokenborch ende Katheline Lauwaerts
syn wyf hebben gewilt ende openbaerlic voir ons geordineert
dat Merten van Mokenborch haerlieder zone noch int
goet goidshuys ten croene by Herentals gelegen, na
de doot vanden selven synen onderst:t; evengelyc ende in geliken
deele metten anderen sinen bruederen ende zuster de hen sal
hebben houden ende aenveerden sal alle hadde alsulker
haeffelike erffelike ende onberuerlike goeden als naer
de doot vanden selven synen ouden in eeniger manieren bliven
zelen ende tot wat plaetsen die gelegen syn ende bevonden
zelen worden. Behoudelic dien dat de voirscreven Marten op
dat hy metten voirscreven synen bruederen ende zusteren naer de doot
gede voirscreven staet
van synen voirscreven ouden wilt comen deyheit dat hy in dien
gevalle sculdich sal syn inne te bringene alsulken twee
hondert Rynsgulden als hy hem de voirscreven Henric syn vader
voir scepene van Mechelen bekent heeft te betalen
tot zekeren terminen inden scepenen brieve daerop gemaect
begrepen, sonder eenich wederseggen
IIsuper:t; simile
ut supra
Johanne Demere et
Item. Willem Stocke ende Margriete vanden Bogaerde syn
wyf hebben vercocht Janne van Eemere ende Kathelinen Rabbe
synen wive een huys metten hove als tot haer beyder tocht
ende oic tot behoef van Jacoppe van Borrem der voirscreven Kathelinen
sone, als tot synder erffelicheit, Een huys metten hove gronde
gelegen inde Ravenberchstrate tusschen Jan Godevants erve
wylen
diemen heet Inden Creeft aen deen zyde ende Henric Odyns
van Bergen erve aen dander zyde. A Domino Mechliniensi, Waranderende. Op zesse
scellinge acht penningen Lovens ende eenen capuyn daer vutgaende
Assignavit XVIII Rinsgulden
ut supra tempore simile
selve beckere
Lepelatende
et et prolis
Dele
Willem Stocke et
uxore
Item. De voirscreven Jan van Eemere ende syn wyf den den voirscreven
Willeme ende synen wive, Sessest:t; sesse gouden Rynsgulden
goeder te wetene XL groten Vlaems gelts voir elken der
selver Rynsgulden gerekent Te betalen tot Sint Jansmisse
naestcomende, Ende hier voir hebben sy verbonden alle haere
haeffelike ende erffelike goeden metten gronde die sy nu
hebben ende namaels hebben ende vercrigen zelen bynnen der
stad ende vryheit van Mechelen gelegen
^
ut supra tempore simile