Blader door transcripties » Stadsarchief Mechelen

archieftoegang 2, inventarisnummer 935, pagina 46

Hulst
Katlyne Schoofs relt
onderheyt vander
Voesdonc, Duffle. Jan vander Hulst beckere heeft quytgeschonden los vry
ende ledich Kathelinen Schoofs haer synder moeder van allen
den haeffeliken goeden die hem byder doot van wylen Henrick vanden
Hulst synen vader ende die man was doen hy leefde vanden
yerste
voirscreven synder moeder Kathelinen synder moeder ende alle endest:t;
dier quitancie behoeven, in eeniger manieren verstorven moegen
syn ende alle andere dies quitancie behoeven
ultima July tempore simile
Willem vanden
Nuwermoelen
Voesdonc, Duffle. Gielis van Gestelle ende Gielis Vrancx alias
proviseurs ende inden name vanden gasthuyse vander Heyliger
Drievuldicheit by Sinte Kathelinen poorte gelegen, hebben
opgedragen tot behoef van Willeme vander Nuwermolen
twee cameren metten hove gronde etcetera die Jorissen de
Verwere toe plagen te hoiren gelegen opte Tiechelrie tusschen
dander zyde
des voirscreven Willems erve ende Jan Vensels erve aen, gelyc ende
inder manieren, Everaert de Ka als rentmeester ende tot behoef
vanden voirscreven gasthuyse tanderen tyden voir achterstelligen chys
die tselve gasthuys daerop heeft wettelic vutgewonnen
ende verreyct heeft. A Domino Mechliniensi, Waranderende etcetera sal dict hofste
suo censu obus Alyt Wouter Busscop tot des voirscreven
Willems behoef, wassen inne geerft
ut supra tempore simile
Heer Reyner vander Elst priester Rentmeester ende
inden name vanden goidshuyse van Bethanien by Mechelen
gelegen et Peter heeft terve gegeven Henricken Meerman
Een stuck lants metten gronde ende synen toebehoirten, houdende
omtrent een half buender gelegen te Muysene by dierste
Wyelenbrugge, tusschen Henricx sMoors erve ende de Beke
aldair. A Domino Mechliniensi. Te besittene op eenen erffeliken
Henrick Merman
Kerman, Hamme. Heer Reyner vander Elst priester Rentmeester vanden
ende inden name
goidshuyse van Bethanien staende by Mechelen inde name
vanden selve goidshuyse hebbende om te doene, dat
hier naer bescreven staet volcomen macht vander pryorinne
ende gemeynen convente desselfs goidshuys, gelyc ons dat
by eenen openen brieve bezegelt met haerlieder gemeynen
zegel claerlic bleeck, heeft terve gegeven, Henricken
Meerman, Een stuck lants metten gronde etcetera houdende
omtrent een half buender gelegen tot Muysene byde
ierste Wyelenbrugge tusschen Henricx Moors erve aen deen
zyde ende de Beke aldaer aen dander zyde. A Domino Mechliniensi. Te besittene
op eenen erffelike pacht van eenen sack Rogs goede etcetera
drie wylen Rogs
Mechelscher mate, Te leveren altyt tot Kersmisse dairaff
de yersten termyn van betalingen syn sal tot Kersmisse naestcomende
Ende sonder eenigen last van voirchyse dair jaerlix voir vutgaende
met vorwerden dat de voirscreven Henric Meerman tusschen dit ende
Kersmisse naestcomende op tvoirscreven syn lants sculdich sal syn te
setten een goet loffelic woenhuys daerinne hy woenen sal moegen
prima augusti
bet Rumoldo
Quistwater et ut
uxor
Dorpe, hove. Rommond Quistwater ende Margriete sDouden syn wyf
hebben gewilt ende openbaerlic voir ons geordineert, dat alle
haer wettige kynderen die sy alsoe wel meyskens als
knechtkens ende knechtkens als meyskens, die sy tsamen
vercregen hebben ende namaels sullen mogen vercrigen evengelyc
ende in geliken deele ende porcien hebben aenveerden ende deylen
zelen alle haere haeffelike erffelike ende onberuerlike goeden
waer die bynnen oft buyten der stad ende vryheit van Mechelen
gelegen syn oft bevonden zelen worden, die naer eensgelyc
doot vanden selven haeren ouden in eeniger manieren bliven
zelen
V augusti tempore simile
Joes Walters
vanden Broeke
Item. Peter vanden Broeke heeft vercocht Janne ende Wouteren
vanden Broeke synen bruederen, tderdendeel ende alle trecht dat
hy hadde in een huys metten hove gronde gelegen inde
Kerchofstrate tusschen Jacop Loots erve ende Jan Biermans
erve, Ende in vier cammeren metten hoven gronde etcetera gelegen
aldair deen neven dandere byde Hofstad tusschen de vesten
van Mechelen aen deen zyde ende des voirscreven Jacop Loots erve
mogen
A conventu de Lelyendale in curt, Waranderende. Op acht chysgulden zesse
capuynen vierthien oude groten Turnoyse twaelff scellinge
ende eenen penning Lovens, viventwintich penningen Turnoyse vuten
voirscreven geheelen huyse ende viercammeren jaerlicx gaende
Assignavit VIII Peters
ut supra
ut supra
Idem
Item. Bartelmeus van Boxhem sone wylen Wouters heeft
vercocht den voirscreven Janne ende Wouteren vanden Broeke, eenen
chysgulden van synen acht geliken gulden erffelic chys
die hij heeft op tvoirscreven huys metten hove ende opte
voirgenoemde vier cammeren metten hove gronde etcetera A convente
de Lelyendale, Waranderende etcetera
ut supra tempore simile
Geerds de Pot
Item. De voirscreven Jan ende Wouter vanden Broeke hebben
vercocht Godevaerde de Pottere wylen Aerts sone de voirscreven
huys metten hove inde Kerchofstrate gelegen ende de
voirscreven vier cameren, alsoe die boven genoemt staen
A Domin conventu de Lelyendale, Waranderende. Op acht chysgulden
zesse capuynen vierthien oude groten Turnoyse, twaelf
scellinge ende eenen penning Lovens ende viventwintich
penninge Turnoyse dair vutgaende
Assignavit XIIIIe
ut supra tempore simile