Blader door transcripties » Stadsarchief Mechelen

archieftoegang 2, inventarisnummer 935, pagina 39

gelegen aldaer byde Wyelenbrugge tusschen dierste
brugge ende de Broeckwech. Item een stuck lants houdende
omtrent een half buender gelegen aldaer, opte Werfheyde
tusschen Willems Schoofs erve ende der infirmarien erve
bynnen den beghynhove. Item twee stucken lants
houdende omtrent vyf vierendeel dairaff te opt Rot aldaer
ende dander oic aldaer op Assendervelt, gelegen syn
tusschen Peters vander Cammen erve ende des voirscreven Jans
Langen erve. Item een stuck lants houdende omtrent
vyf vierendeel gelegen aldaer, opte Leemputten, tusschen
des huys van Pytsenborch erve aen beyde zyden. Item
een stuck lants geheeten Doenblock, houdende omtrent
een buender gelegen aldaer op Hanswyckevelt tusschen
wylen heer Jacops Lanen priesters erve ende de Heerstrate
Item op een stuck lants geheeten opte Berct houdende
omtrent een half buender gelegen aldair achter Hanswycke
tusschen des voirscreven wylen heer Jacops erve ende der kynderen sVos erve
Item een stuck lants houdende omtrent anderhalf vierendeel
geheeten de Keersselere gelegen aldair op Hanswyckevelt
tusschen Meester Jans van Boech erve ende des voirscreven Peters
vander cammen erve. Item een stuck lants houdende omtrent
een half vierendeel geheeten inden Wyngaert gelegen
aldair tusschen des goidshuys van Hanswyck erve ende de
strate aldair. Item een stuck lants houdende omtrent
een half buender gelegen aldair in Muysenderbroeck
tusschen Claes Leens erve ende de Ryffstrate. Item een stuck
lants geheeten sWinne heerest:t; sWinneghemera
gelegen aldair, houdende omtrent een vierendeel tusschen
des voirscreven huys van Pytsenborch erve ende des goidshuys
van Gruenendale erve. Item een stuck lants houdende
omtrent een vierende gelegen aldair opt voir
Hanswyckervelt tusschen des voirscreven wylen heer Jacops Lanen
erve ende Jans Cuypers erve. Item een stuck eeussele
houdende omtrent een buender gelegen aldair voir
de voirscreven hoeve inde voirscreven Vennestrate. Item op drie stucken
eeussels daeraf deen twee buenderen houdende omtrent
houden
twee buenderen geheeten is de Wytham dander daer
af houdende omtrent een buender geheeten deen
anderham ende tderde dairaff houdende omtrent een
buender geheeten is den Saham gelegen aldaer, al
om de oude Dele. Item een stuck eeussels geheeten
den misschen bempt houdende omtrent negen vierendeel
gelegen achter de kerke van Hanswyck, ende midde
vanden voirscreven onder Delen. Item een stuck bosch
houdende omtrent een half buender geheeten
dueghde gelegen tot Hevere opte Brande
tusschen Reyners de Heelts erve ende Jan Mols
erve, Ende vier capuynen erffelicx chys, die
de voirscreven Gielis hadde op een huys metten hove
toebehoerende Janne de Roevere gelegen tot Hevere
inde Nederstrate tusschen sHeeren strate ende Peter
Caluwaert. A Domino Mechliniensi, Waranderende etcetera
XII July tempore simile
hem Moor
Item. De voirscreven Cornelis Brants ondersate tot Londerssele
heeft op openbairlic gekent ende geleden, voir den voirscreven
schoutet ende scepenen dat hy totten voirgenoemde erfgoeden
met meer rechts actien noch toeseggen ende heeft
van alleene veertich gouden Rynsgulden erffelicx chys
tsiaers XX stuvers voir elken Rynsgulden gerekent
dairaff deen helft verschinen ende vallen sal opten IIesupen
dach van Janne naestcomende ende dander helft opten
twaelfsten dach in julio dair naer volgende hoe wel
nochtan hem de voirscreven goede sonder condicie opgedragen
syn, Ende datmen den selven chys altyt sal mogen
afquyten ende lossen, by Henricken de Moor oft yemande
anders van synen wegen, tot eenen oft meer malen
tsynen schiensten ende elken gulden daeraff met
achthien geliker guldenen altyt met vollen chyse
dair voir te betalen, Ende heeft oic gelooft ongevrydt
naer der diesen recht voir hem ende syne nacomelingen
dat hy altyt ten versuecke ende begeerten vanden voirscreven
Henricke oft anderen in synen name comen sal voir
schouthof ende scepenen van Meche ende derven ende veerthyen
alsoe dat naer den rechten vander stad behoirt sonder
synen cost oft last alsulke parcheelen vanden voirscreven
erfgoeden, alsmen ten meesten prouffyte vanden selven
goeden sal connen vercoopen, behoudelic dien dat
hy de penningen daer af comende opbeuren ontfaen ende
stryken sal alsoe in mindenisse, als afslage ende afquytinge
vanden voirscreven veertich gulden, Ende alsdan soe vele te
te min chys bliven heffende, alsoe verre als de selve
penningen strecken selen, tot dier tyt toe dat de voirscreven
veertich Rynsgulden geheelic ende al afgequeten ende
gelost sullen syn, Ende dat hy dair ende tsurplus
vanden erfgoeden, dat dair overschieten ende bliven sal