Blader door transcripties » Stadsarchief Mechelen

archieftoegang 2, inventarisnummer 935, pagina 27

een huys metten hove gronde dat Gielisen Bastyns
toe plach te hoiren, gelegen inde Augustynstrate byden
Berthoutshoff tusschen Willem Bertele erve ende Goessen
Manne Schots dochter erve, gelyc ende inder manieren Jan vander
Beke als rentmeester ende tot behoef vander taflen des heysch
Geests tvoirscreven huys metten hove tanderen tyden voir achterstelligen
chys die deselve tafle des Heylichs Gheest hadde heeft
op tselve huys mettenst:t; wettelic vutgewonnen ende verreyct
heeft. A Domino Mechliniensi, Waranderende etcetera, sal die mense cons ons
al, Wouter tSermertens tot behoef vanden voirscreven Henricken
syn sone fuit adheridatus
IIII July
Jo vanden Vekene
Voesdonc, Duffle de voirscreven proviseurs inden name als boven hebben
vercocht Janne vanden Vekene voldere, een huys metten
hove gronde etcetera gelegen opte Voldershergracht tusschen
Willem Vets erve aen deen zyde ende de een ander huys den
voirscreven taflen des Heylichs Gheests toebehoerende aen dander
zijde. A Domino Mechliniensi, Waranderende. Op eenen halven chysgulden daer
vutgaende
Assignavit XVII Peters
ut supra tempore simile
Willem Pauwels
den Dorpe, Rommont van Aersschot waer, heeft vercocht Willeme
Pauwels Rootverwere, Eenen hoff metten gronde etcetera gelegen byde
opte Veemerct in een cleyn straecken geheeten tstraetken sonder
Eynde aldair tusschen Henrick de Moldere aen beyde zyden
A Domino Mechliniensi, Waranderende sonder eenigen last van chyse daer vutgaende
Assignavit VIII Peters
IIII July tempore simile
Tutores Barbare
sKempeneren
Voesdonc, Kerman. Barble wylen Henricx Kempeneren dochter met Janne van
Aedegem Jans van Aedegem sone haeren man ende Lijsbeth sKempenere
huer zuster, hebben bekent dat hy hen Jan van Stantvoort
Jande Coninc ende Nicasius van Outersgate haere momboiren
goede rechtverdige ende gewarige Rekeninge ende bewys
gedaen hebben van allen den haeffeliken erffeliken ende
onberuerliken goeden waer oft tot wat steden ende plaetsen
die bynnen oft buyten der stad ende vryheit van Mechelen gelegen
syn, die henlieden byder doot vanden voirscreven wylen Henricken
de Kempenere ende wylen Kathelinen Sernick haeren ouden om
eeniger manieren verstorven syn, Ende van al tgene des
sy daeraf ontfangen ende vutgegeven mogen hebben vanden
Ende daeraf
welke ende oic van alle der moeyenissen quellingen sommen
van penningen ende anderen dingen, die sy den voirgenoemde haeren
momboiren vut saken vanden voirgenoemde goeden oft Regimente
der selver oft oic anderssins in wat manieren het waer
souden mogen doen oft heysschen, hebben de voirscreven kynderen
sKempeneren quytgeschonden los vry ende ledich den voirscreven
Janne van Stantvoort ende Janne de Coninc tot haeren ende des voirscreven
hans medegesellen behoef ende alle andere dies quitancie
behoeven, geheelic ende al gelovende de voirscreven Barble met
haven voirscreven man ende Lijsbeth haer zuster, de selve quitancie
ende al tgene dat daerinne begrepen staet goet vast
ende van weerden ten eeuwigen dagen, te houdene ende daer
tegens nemmermeer te doene oft te seggene by hen selve
noch by nyemande anders in gheender manieren alle
argelist vutgescheiden
VIII July tempore simile
Heer van Bergen
Broeke, Duffle. Janst:t; Katheline sWitten wedue van wylen
Janne Boye, heeft gelooft voir haer ende haere nacomelingen gelost
te lossen ende te quytene, tegen Henricke wylen Odyns zone van
Berghen, Eenen gouden Peter vander munte etcetera goet erffelic
chys, die de selve Henric heeft opte helft vanden huyse metter
plaetsen gronde etcetera dLam geheeten, toebehoerende Wouteren vander
Varent gelegen opte Merct van Mechelen, tusschen dit ende
Kersmisse naestcomende, Ende eenen gouden Ryns goet erffelic
chys, die de voirscreven Henric heeft op twee huyse metten gronde
daeraf deen der voirscreven weduen Boys toebehoirt ende dander hoert
toe, Kathelinen g boudene, gelegen deen neven dander opten
vlyet, tusschen dit ende Sinte Jansmisse oic naestcomende
sonder eenich wederseggenst:t; ende elcken penning daeraf met zestien
dien gelike penningen endest:t; eens den voirscreven Henricke met vollen
daer voere
chyse te betalen, sonder eenich wederseggen, Om welke gelooft
alsoe tonderhoudende ende om der meerder zekerheyt, de voirscreven
Henricke daeraf te doene, heeft de voirscreven wedue verbonden
ende te pande geset alle haere haeffelike goeden waer die
bevonden zelen worden, die sy nu heeft ende namaels hebben
ende vercrigen sal, Ende sunderlinge haer huys voirgenoemde metten
gronde gelegen opten vlyet, tusschen der voirscreven Katheline voirden
huyse aen deen zyde ende Jans vander Voort huys aen dander
zyde, opte weerde van vyfthienst:t; scellinge groten Brabants daer jaerlicx
voir vutgaende
V July tempore simile
Bouwe scoelen wylen heer Joes de Cornelle priester natuerenst:t;
dochter inden name