Blader door transcripties » Stadsarchief Mechelen

archieftoegang 2, inventarisnummer 935, pagina 26

Jan Malle et uxore
Dorpe, Duffle. Jouffrou Lysbeth Paridaens weduwe wylen
Bartelmeus vanden Eede met eenen momboir, heeft opgedragen
haer tocht, die sy hadde, in tvierendeel van eenen huyse
metten hove gronde etcetera gelegen inde Kerchofstrate tusschen
der weduen ende kynderen st:t; huys van wylen Janne
van Beemen aen deen zyde ende Henricx vander Fonteyne
huyse, aen dander zyde, streckende achterweerts metten
voirscreven hove, totten water toe. A Domino Mechliniensis juravit etcetera tot behoef
van Bartelmeusen vanden Eede haven soone, dier yerst
inne geerft was, Ende daer naer heeft de selve Bartelmeus
by bywesen ende volcomen consente van Janne vanden
Bossche ende van Lysbetten Storm synen wive vercocht
Janne van Malle wylen Janssone, Lynenweve tot sinen
behoef ende tot behoef van Magriete Hermans
synen wive, de drie vierendeele vanden voirscreven huyse
metten hove was daeraf dander vierendeel, den voirscreven
Janne van Malle, met synen meylege toebehoirt, waer
op sesse eenentwintich oude groten Tournoyse, twee
capuynen ende zesthien penninge Lovens vuten voirscreven
geheelen huyse jaerlicx gaende
Assignavit XXIII Peters
Ultima Juny tempore simile
Jo vanden et uxore
Item Henrick wylen Odyns soone van Berghen, heeft vercocht
Jan Barbier tot behoef van Janne Boydens ende van
Jannen van Coudenberge synen wive eenen halven pe
gouden Peter vanden goede goet ende van twee
gouden ende Peter ende eenen halven goede erffelicx
chys die hij heeft, op een huyse metten hove gronde
de voirscreven Janne Boydens ende synen wive toehoerende
gelegen inde Ravenberchstrate tusschen Jacop Thoenis
huys aen deen zyde ende Peter Tyelens huys, aen dander
zijde. A Domino Mechliniensi, Waranderende etcetera.
Assignavit den VIII Peters
ut supra tempore simile
Pest:t; Bruyne
Broeke, Duffle. Augustyn Jan sBruynen gebruederen Agneete Magriete
Katheline ende Barble sBruynen haere zusteren, alle wettige
kynderen Peters sBruynen hebben quytgeschonden los vry
ende ledich den selven Peteren haeren vader van allen den
haeffeliken goeden die de selver kynderen byder doot voir
wylen Barblen van Hagene haerlieder moeder ende die wyf
was sy wede des voirscreven Peters haers vaders in
eeniger manieren verstorven mogen syn
III July
capella Sint Joris
carmeliti Machlinis
ende in vermeerder
Broeke, Duffle. Henrick Stuers heeft opgedragen tot behoef vanden
dage doet
zelen missen diemen dander inder capellen staende int
Vleeschuys van Mechelen, eenen chysgulden erffelicx chys die
dat synen
de selve Henric hadde op een huys geheeten de Vossensteert
de Janne van Barblegeem toe plach te hoiren gelegen achter
de Scepen huys tusschen der taflen des Heylichs Gheests van
Sinte Rommonds ende wylen Aerts vanden Vekene beckers erve
Lanseloot Hoeveman ende
A Domino Mechliniensis, Waranderende etcetera. Rommond Robosch endest:t; Reyner Keyenoege
als gesworene ende tot behoef vanden voirscreven missen waerden daerinne gegoedt
ut supra tempore simile
Rommond Lanen heeft opgedragen syn tocht die hy hadde
in tderdendeel van eenen huyse metten gronde gelegen opte
Veemerct tusschen Wouter Zegers erve ende Jans van Steenhuffle
erve. A Domino Mechliniensi, Juravit etcetera tot behoef van Janne Lanen synen sone
dier yerst inne gegoedt waert, Ende dair naer heeft de selve
Jan bekent dat hy vercocht heeft de voirscreven Rommonde synen
vader tvoirscreven derdendeel vanden voirscreven huyse. Item tderdendeel
de dwelc de selve Jan hadde in een huys metten hove
gelegen opte Ledicheit tusschen Claes
aen deen zyde ende Wouter Hagers erve, Ende allet recht
dwelc hem byder doot vanden voirscreven Rommonde synen vader
toecomen ende versterven sal mogen inde voirscreven twee huysen
met haeren toebehoirten, waranderende etcetera
heer vanden Creyt
Broeke, Duffle. Laureys Ruymelandt heeft vercocht heer Bouden
Crent priester, Eenen chysgulden erffelic chys, Te
heffene altyt tot Kersmisse tweenstaen te wetene
half tot Kersmisse ende half tot Sinte Jansmisse Baptiste
Op syn huys metten hove gronde etcetera gelegen inde
Keerberchstrate byde Aedegemstrate tusschen Jans Vydt
erve ende wylen Jan Lissen erve. A Monialibus, Waranderende.
op twee chysguldenen ende vier pont payments daer voir vutgaende
Assignavit den XXVI denier
III July
Rommont Lanen
Broeke, Duffle. Rommond Lanen heeft opgedragen syn tocht die
hy hadde int derdendeel van eenen huyse metten gronde
gelegen opte Veemerct tusschen Wouter Zegers erve ende
Jans van Steenhuffle erve. A Domino Mechliniensi, Juravit etcetera tot behoef van
Janne Lanen synen sone, dier yerst inne gegoedt waert, Ende
dair naer heeft de selve Jan vercocht den voirscreven Rommond
synen vader tvoirscreven derdendeel vanden voirscreven huyse, Ende
tderdendeel van eenen huyse metten hove gelegen opte
Ledicheit tusschen Claes Reyniers erve aen deen zyde
ende Wouter Zegers erve aen dander zyde, Waranderende etcetera
Assignavit
ut supra
hen tSermertens
Byns, Duffle. Jan de Elssene ende Jan van Wavere als proviseurs ende
inden name vander taflen des Heylichs Gheests van Sinte
Henricken
Peter hebben opgedragen tot behoef van wylen tSermertens
Wouters sone die zy van Kathelinen vanden Dorpe syn
synder huysvrouwe vercregen heeft