Blader door transcripties » Stadsarchief Mechelen

archieftoegang 2, inventarisnummer 935, pagina 216

De Bosch, Henrick Gielevoert, dat Mathys allen de tweendertich gouden
Rynsgulden gronde etcetera te wetene XL groten Vlaems gelts voir
elken der selver Rynsgulden gerekent Te betalen tot
Kersmisse naestcomende, Ende hier voir sal hy verbinden alle
syne haeffelike ende erffelike goeden presenta et futura in
VIII July
Beyen, Duffle. Jan Nouts Peter Machiele vander Beke beckere
sessentwintich gouden cronen vander munten etcetera goede te
wetene vierentwintich stuvers voir elke croone gerekent
Te betalen tot Kersmisse naestcomende, Ende hier voir heeft
hy verbonden alle syne haeffelike goeden presenta et futura.
infra etcetera ter
VI Juny tempore simile
Baerdege, Dyest. Beatris van Ghende weduwe wylen Marssyn
van Nyelen, debet Henricken Ghoeten, tot syne ende Wouter
Moens behoef viventwintich gouden Peters vander munte
etcetera goede etcetera, te wetene XXXVI groten Vlaems voir elken
van dien gerekent, Te betalen tote termynen hier nae
volgende, Te wetene ost:t; Eenen scellinge sesse penningen
groten Brabants gelts daeraf bynnen eenen halve jaere naestcomende
Ende soe voertaen telken halven jaere, alsdan deen na
dander terstont vervolgende, eenen scellinge ende sesse
penninge dairaf tot dat donne etcetera ende oblighe
van sia bona mobilia presenta et futura.
XIa Juny tempore simile
Baerdege, Bossche. Agneese Peters dochter, by bywesene ende volcomende
consente van Clasen Smet haeren man behoudelic den selven
daeriesen recht, heeft voir haeren vutersten wille
bekent sculdich wesende, Jacop Gheertssone de Venne van
verrecht st:t; acht pond groten Brabants gelts Te betalen
ter stont naer de doot vander voirscreven Agneesen ende van
haeren man ende niet eer, op Ende daervoir heeft sy verbonden
ende te pande geset alle haere haeffelike goeden waer die
bevonden zelen worde ende oic erffelike goeden, bynnen etcetera
gelegen, die sy nu heeft ende namaels hebben ende vercrigen
sal
XII Juny tempore simile
Begen, Diest, Machtilt sMolders wylen Jans dochter heeft voir
haeren vutersten wille bekent sculdich wesende Diericken
Adriaens tot behoef van Lysbetten Diericx, van haere
Maerten, vierentwintich gulden Peters te wetene XXXVI
groten Vlaems voir elken der selver Peters gerekent Te
betalene naer haer doot, Ende alsdan behoudelic den
selver Machtilden haer volcomende macht de voirscreven scult
te mogen meerderen minderen veranderen ende te nyeuwte
den in al oft in deele, alsoe menichwerven als haer dat
gelieven sal
X Juny tempore simile
Raedere, Bossche, Machiel Quaeypeters ende Adriaen Stuens, den
Willeme vander Eyken ende Wouteren Zwaere momboiren ende tot
behoef van Reyneren ende Cornelinen vanden Broeke, wylen
Jans kynderen vanden Broeke veertich gouden Peters vanden
munten te wetene XXXVI groten Vlaems voir elken Peter
gerekent Te betalen tot Sint Jansmisse naestcomende, Ende daer
al
toe soe hebben zy oic gelooft vut saken vanden voirscreven penningen
ter selven dage te betalen den selven kynderen, den thienden
penninge ^ sonder mindernisse vander principaelde scult, Ende
Bol
vanden voerscreven scult
hier voir hebben zy verbonden ende stonderpande geset alle
haerlieder haeffelike ende erffelike goeden presenta et futura.
infra ut supra. A Domino Mechliniensi,
II tempore simile
Mol, Duffle. Joes de Monick ende Margriete vanden Vlies syn wyf
den Jasparen de proest, thien gouden Peters vander munten
goede etcetera te wetene XXXVI groten Vlaems gelts voir elken der selve
Peters gerekent Te betalen tot Bamisse naestcomende, Ende
hier voir hebben zy verbonden alle haere haeffelike ende erffelike
goeden presenta et futura infra etcetera. A Domino Mechliniensi,
IIII July tempore simile
vanden Bossche huyghs van Ypere den Lodewycken Yngelram, twaelf
gouden Rynsgulden goede etcetera, te wetene XL groten b Vlaems
gelts voir elken der selve Rynsgulden gerekent Te betalen
tot Sinte Martensmisse naestcomende, Ende hier voir heeft
hy verbonden alle sine haeffelike ende erffelike goeden presenta et
futura infra
XIIIa Juny
Kaerle, Dyest. Jan van Waerloes, wylen Janssoen van Waerloe
debet Janne Ghoeten den jongen, vyf pond groten Vlaems
gelts Te betalen tot Bamisse naestcomende, Ende daervoir
heeft hy verbonden ende te pande geset, alle sine haeffelike
ende erffelike goeden bynnen etcetera wesende ende gelegen, die hy
nu heeft ende namaels hebben ende vercrigen sal ende die
hem oic versterven zelen
XI July tempore simile
Redene, Bossche. Jan de Neve Willemssone de Henricken de Neve
sone wylen Peters zeventich gouden Peters der munten
etcetera te wetene XXXVI groten Vlaems voir elken Peter
gerekent Te betalen opten XVen dach van all
naestcomende, Ende hier voir heeft hy verbonden alle
syne haeffelike goeden presenta et futura infra etcetera
XXV July