Blader door transcripties » Stadsarchief Mechelen

archieftoegang 2, inventarisnummer 935, pagina 21

wettige
Barble van Heffene
Broeke, Dorpe, Anthonis van Heffene, wylen Vrancx sone van
Heffene, diemen heet inde Aer, heeft bewesen Janne Barbier, tot
behoef ende ten live van Barblen van Heffene, des voirscreven Anthonis
dochter vyf gouden Rynsgulden goede etcetera te wetene veertich
groten Vlaems gelts voir elken derselve gulden gerekent jaerlick
lyfpensien Te heffene altyt tot Sinte Jansmisse, daeraf den yersten
termyn van betalinge syn sal van Sinte Jansmisse naestcomende
over een jaer daer naer volgende, Op ende aen des voirgenoemde
Anthonis hove woeninge oft hoeve, geheeten Oliviers goet
metten huysen hove lande eeussele voelen bossche ende oic
metten Windmoelen ende allen anderen haere toebehoirten, die
den voirgenoemde wylen Vrancke synen vader toe plach te hoiren
gel inde prochie van Hevere gelegen. A Domino Mechliniensi, Waranderende etcetera.
XIIII Juny tempore simile
Heer Joorys de Moinck
Broeke, Duffle, Katheline van Eelwyte, wedue wylen Jans
Vleeschouwer
vander Varent met eenen momboir heeft opgedragen
haer tocht die sy hadde in een huys den Blauwenhoudt
geheeten, dat wylen de voirscreven Janne vander Varent
toe plach te hoiren, metten gronde etcetera gelegen opt
Willemerct, tusschen Sinte Rommonds kerchof aen deen
zyde ende Willem Campioens erve aen dander zyde. A Beato Rumoldo
Romonde
Jura etcetera tot behoef van testame, Janne Marienst:t; ende Marien
vander Barent haeren kynderen tot wyens behoef de momboir
haerst:t; hier naer bescreven waerden hier inne gegoedt, Ende
dair naer hebben Rommond van Puersse ende Wouter vander
Varent van svaders wegen ende Rommond tSerghysels ende Rommond
tSerghysels syn sone vander moeder wegen, als executeur
van des voirscreven wylen Jans vander Varent testamente ende oic als
ende inden name
momboiren vanden voirscreven kynderen onder haer jaeren wesen die
sy in hen vervingen hebben vercocht heer Jorissen de Moinck
priester, tvoirgenoemde huys metten gronde, waranderende. Op zeven
schysgulden eenen halven capuyn ende drie pondt payments
daer vutgaende. Behoudelic dien gater min vute dat
sal den voirscreven kynderen te baten comen ende gater oic meer
vute dat zelen zy den selven ende Joorisen sculdich syn opte
rechtene te wetene voir elken penninge des meer chys, zestiene
gelike penningen
Assignavit C Rinsgulden
XV Juny tempore simile
et a
tutore
de drie gelegen provise selve assum in presenta staende
Matheusen Wouters
Messche boven, Jan de Wale heeft vercocht Matheusen Wouters
een huys metten hove gronde gelegen inde Cortepenningstrate
tusschen Henricx van Ghele erve ende de voirscreven Jans de
Wale hof aen dander zyde, streckende achterweert tot
Gielis Gregen erve. A Domino Mechliniensi, Waranderende. Op vyf scellinge
Lovens daer vutgaende
Assignavit XII Peters
XVI Juny tempore simile
^
Katlyne vanden Winckele
Voesdonc, Kerman. Willem vanden Wynkele wylen Janssone
Jan Bake te behoef ende ten live
vanden Wynkele, heeft gegeven ende bewesen, Kathelinen vanden
de voerscreven
Wynkele synderst:t; natuerliker dochter, die hy van jouffrou
Katheline Volkaerts vercregen heeft, Twaelff gouden Peters
vander munten etcetera goede, te wetene XXXVI groten Vlaems gelts
voir elken der selver Peters gerekent jaerlix lyfpensien, Te heffene
Altyt tot twee termynen, Te wetene deen helft daeraf tot Kersmisse
ende dander helft tot Sinte Jansmisse, Op des voirgenoemde Willeme
huys oft woeninge, metten hove gronde etcetera gelegen inde Byest
tegen Sinte Jans kerchof over, tusschen der weduen van wylen
Anthonis Godevant, diemen heet inde Creeft huyse aen deen
zyde ende Jans vander Messien huys aen dander zyde,
op alle dander syne erffelick ende overst:t; op twee hynne ende
twintich pond payments daer jaerlix voir vutgaende, Ende
op alle dander syne erffelike ende onberuerlike goeden metten
gronde etcetera die hy heeft bynnen etcetera gelegen. A Domino Mechliniensi,
ware, Op alsulken condicie, dat de voirgenoemde wylenst:t;
Willem vanden Wynkele ende syne nacomelingen, zelen moegenst:t;
tallen tyden, als hen dat goetduncke ende gelieven sal
t de voirgenoemde Twaelff gouden Peters der voirscreven lyfpensien
moeghen bewysen ende besetten, de voirscreven Kathelinen
vanden Wynkele, tot haeren huys, Op eenigen besunderen
bynnen oft buyten der vryheyt ende gelegen
goeden erffeliken pant daer mede sy bewaert ende wel
te vreden sal moegen wesen, Ende dat bewys ende
beset, alsoe dueghdelic geschiet, zelen alsdan des voirscreven
Willems huys met synen toebehoirten voirscreven ende oic synen
voirgenoemde ander erffelike ende onberuerlike goeden vanden
voirscreven bewysen der voirscreven lyfpensien, los vry ende quyt syn ende
altyt bliven, sonder eenich wederseggen
ut supra tempore simile
Rommont vander Brieft et uxore
Item. Matheeus Wouters heeft vercocht Kathelinen sWeend
Rommonds vander Byest wive tot haeren ende desselfs haers mans
behoef, drie chysgulden erffelicx chys, Te heffene altyt tot Sint Jansmisse
daeraf den yersten termyn van betalingen syn sal van Sintst:t;
Sint Jansmisse naestcomende over een jair dair naer volgende op des
voirscreven Matheeus huys metten gronde gelegen ie inde
Aedegemstrate tusschen de Herbergen van Sintest:t; Cortenberge aen
deen zyde ende Peter Ymbrechts erve aen dander zyde, Ende op syn
huys metten hove gronde gelegen inde Corte Penningstrate
tusschen Henrick van Ghele erve ende Jans de Wale erve streckende
achterweerts tot Gielis Hagen erve. A Domino Mechliniensi, Waranderende. Op twee
scellinge ende zesse penninge groten Brabants vanden yersten huyse ende
op vyf scellinge Lovens vuten anderen huyse metten hove jaerlicx
voir vutgaende
Assignavit den XV denier
ut supra tempore simile