Blader door transcripties » Stadsarchief Mechelen

archieftoegang 2, inventarisnummer 935, pagina 199

meerder zekerheit den voirscreven Janne van Steenssele vanden
betalingen des voirscreven chys van eenen gulden te doene de
heeft de selve Peter verbonden ende te pande geset syn huys
metten gronde, gelegen in Sinte Kathelinenstrate bosschenst:t;
opten hoeck vander Bogaertstrate tusschen de selve aen
deen zyde ende der weduen ende kynderen wylen Jans vanden
Berct erve aen dander zyde, opte weerde van vyfthien
scellinge ende negen penninge groten Brabants gelts daer voir
vutgaende ut supra. Behoudelic dien dat de selve hyst:t;
wanneer de selve Peter den voirscreven Rynsgulden des
voirscreven chys afgequeten sal hebben, dat alsdan tselve sy
huys vanden voirscreven verande los vry ende quyten sal synen
bliven, voirtaen, soe es vorweerde ende onsproken
dat de voirscreven Peter sal mogen doen maken twee
vensteren inden muer vanden voirscreven synen huyse
staende te voirscreven plaetsen weerdt vander byden ende
voeghden alsoe die inden selven inne begonst syn
te makene ende die alsoe hoege vander eenden setten
ende te laten syne datmense vander eerder met eens
mogen reyken, ende daer inne sal de selve Peter sculdich
syn te settene yseren goeden met gelasen, datmen daer
der niet en sal mogen vutsien te voirscreven plaetsen wel
ende deselve gelasten daer inne vaste maken, sonder vutsteen
oft opte doene, des en sal de voirscreven Jan dat licht vanden
twee pensteren niet mogen benemen met eenen voersetten
oft tymmeringen sonder argelist, Ende daer toe es vorweerde
dat by alsoe de voirscreven Peter sette op syn voirscreven plaese eenige
Ketel diemen tot synder neringen, dat hy alsdan deen
R hoeck comen vanden viere dat hy daer onder sal
mogen besigen, sculdich sal syn te ontfaene in syn schoelen
van synen huyse, sonder den selven Janne daer mede eenen
hander oft achterdeel te doene, op syn voirscreven plaetse
Item de selve Peter sal de voirscreven syn plaetsen sculdich te
sonder Jans cost van des voerscreven Jans plaetsen af te heyne
met eenen muer tusschen hen beyden vander Hoeghen dat
over den selven muer vander Eerden niet en sal conden
gesten, des sal den selven muer den voirscreven Janne toebehoirde
ende mogen gebruyken sonder afbreken oft dien te Hoeghen
Ende de selve Peter ende sal den voirscreven Janne oft synen nacomelingen
gheen hander oft achterdeel mogen doen in syn voirte van
synen huyse de st:t;st:t; des soe heeft de
selve Jan den voirscreven Peteren toegeseet dat hy tegewat
comene van synen huyse ende vallen op syn voirscreven gecochte
plaetse, dat zy dat vutgaen sal op syn plaetse naesten
selve vercochte plaetsen gelegen ende daer over beyden daer
hem gelieven sal alle argelist vutgescheyden
I
XXII stuvers
Gillien ende de
Hasselt alias Smout
Jan meerte vanst:t;
Diest, Bossche. Cornelis van Boxhem, heeft bekent dat hy gehadt
ende ontfangen heeft van Marten ende Joes van Hasselt
diemen heet soe Smout, de somme van viventwintich gouden
Peters vander munten goede etcetera te wetene twe achtien stuvers
voir elken Peter gerekent ende zeven stuvers ende eenen
halven, als tvierendeel vander helft van twee hondert gelike
Peters ende drie Rynsgulden de welke de selve Cornelis
vut saken vander soenen geschiet vanden dootslage oft ongevalle
den welken by hem tanderen tyden in persoen van wylen Janne
Storm Aerdt Storms soone saliger gedachten geschiet gedaen macht
Aer geweest syn vander welken XXV Peters ende zeven stuvers ende
een halven de als vander vanden vierendeele vander voirscreven
heeft vanden voirscreven geheelen soenpenningen de voirscreven Cornelis den voirscreven gebruederen
quytgeschonden heeft los vry ende ledich ende alle andere dies
quitancie behoeven
II
Johannes Scholier
Mol, Diest Augustyn Huyghs de jonge, heeft vercocht Janne Scholier
twee huysen metten hove gronde, gelegen deen neven dander
vanden Zeelstrate tusschen den Papegay toebehoirende den kynderen
vanden Wynckele aen deen zyde ende Henricx van Mokenborch
erve aen dander zyde. A Monialibus, Waranderende. Op negenthien
scellinge groten Brabants gelts daer vutgaende. Behoudelic
dien dat tselve huys onderpant ende bliven sal voir twaelf
scellinge ende vyf penninge der selve grooten gaende jaerlicx
vut des voirscreven Henricx huyse ende vut Jans vanden Hornicke
huyse daer naest gelegen
Assignavit XVI Rinsgulden
XXVI aprilis
Barble van Steynemaen wylen Lembrecht dochter
met met Bartelmeus vander Heyden haeren man heeft
vercocht Janne vander Beke scoenmakere, tvyfstedeel van eenen
stuck bempts geheeten den Bessem, houdende int geheele omtrent
een half buender gelegen in Hombekerbroeck tusschen
Jan Schoofs erve aen twee zyden ende de Beke aldair aende
derde zyde, Ende tvyfstedeel van eenen stuck bempts houdende
int geheele omtrent drie vierendeel, gelegen in Eegemer
Broeck, tusschen Jans de Beyer erve aen deen zyde ende des
gasthuys erve van Sinte Kathelinen gasthuyse aen dander
zyde. A Domino Mechliniensi, Waranderende. Opte weerde van thien scellinge