Blader door transcripties » Stadsarchief Mechelen

archieftoegang 2, inventarisnummer 935, pagina 190

Libery Willem
vander Berct
et e uxore
oic vercrigen zelen even gelyc ende in gelyken deele ende
porcien hebben houden ende deylen zelen alle haere
haeffelike erffelike ende onberuerlike goeden tot wat stede ende
plaetsen, die bynnen ende buyten der stad ende vryheyt van Mechelen
gelegen syn ende bevonden zelen worden, die naer de doot
van haeren voigronderen in eeniger manieren zelen bliven
Behoudelic dien, oft gebuerde byden wille goede, dat eenich
van haeren voirscreven kynderen, hem vueghde oft stelde tot gheestelike
state, in eenich goidshuys oft cloester in dien gevalle, wille
oic ordineren ende begheeren, de voirscreven Willem vander Berct ende
syn wyf, dat alle dander haere kynderen diens deel, die hem
alsoe int voirscreven cloester vueghen sal vanden voirscreven goeden
ter stont naer haere doot aenveerden ende evengelyc inde
voirscreven manieren deylen zelen, die zelen alle de selve kynderen
den ghenen van haren voirscreven bruederen oft zusteren, hem alsoe
int voirscreven cloester stellende, sculdich syn te geven ende te
ende gerecht
betalene, alle jaere, Sesse gouden Rynsgulden goede etcetera
Te wetene veertich groten Vlaems gelts voir elken van dien
jaerliker ende
gerekent erffeliker renten, Ende oic Sesse gelike gouden
sjaerliken
Rynsgulden lyfpensien, tot synen live, alleene, Ende die
twaelf gouden Rynsgulden vanden voirscreven pryse, zelen
hen
sy die bewysen, op goede vast erffelike pande daer
hy ende tvoirscreven goidshuys mede bewaert syn zelen, Ende
zelen die alle daer naer tallen tyden, als hen dat
tot twee malen ende niet min
gelieven sal moegen quyten ende elken gulden daeraf met
zesthien gelyker gulden ende met vollen chyse, de voirgenoemde
Willem vander Berct ende Lysbeth syn wyf hebben oic in
desen versien, dat oft oic gebuerde, dat na de doot van
henlieden, de voirgenoemde haere kynderen knechtkens, oft yemant
hen
van desen haven wille, ordinancie ende begeerte infermeerde
ende beletten, alsoe dat sy de voirscreven meyskens haere zusteren
met hen niet en wouden laten gelyc deylen inde voirscreven
goeden, buyten der vryheyt van deser stad gelegen, gelyc
dat boven gewilt hebben ende begheert, Soe hebben de
voirscreven Willem vander Berct ende Lysbeth syn wyff, alnoch
gewilt geordineert ende voir haeren vutersten wille begheert
dat de selve haere kynderen meyskens, alsdan soe vele van
haeren haeffelike ende erffelike goeden, bynnen der voirscreven staden
vryheyt van Mechelen wesende ende gelegen, daer tegen
hebben houden ende aenveerden zelen, als tgoet gedragen sal
dat haere voirscreven kynderen knechtkens oft eenich van hen
den selve haeren zusteren in contrarien van haerer voirscreven
ordinancien, onthouden ende afvenen zelen, Ende dat dat
voertaen ende niet eer, tsurplus oft doverblyffel van
allen haeren goeden voir genoem, tusschen alle de voirscreven
haere kynderen knechtkens ende meyskens, evengelyc ende
inder manieren boven verclaert, gedeylt sal worden insgelycx
is oic des voirscreven Willems ende syns wyfs begeerte ende
wille, dat de langhstlevende van hen beyden, sal moegen
vercoepen, alle opgaende hont, staende, op haerlieder
hoeve met haerer toebehoirten, geheeten tHof van Lyere
ende op zeker lant dat dat sy totter selver hoeven
gecregen ende appliceert hebben, tot Raemsdonck gelegen
ende metten penningen daeraf comende lossen ende quyten, alle
den commer ende last gaende jaerlicx vuter selver hoeve
oft sal de selve langhstlevende, met dien penningen moegen
coepen, op dat hy wille, tot sinen ende synder voirscreven kynderen
behoef ende prouffyte erffelike renten, op goede pande
dair sy mede verzeker moegen wesen. Behoudelic oic
den voirscreven Willem vander Berct ende Lysbetten synen wive
ende den langhstlevenden van hen beyden haerer volcomender
macht, om desen hueren wille, ordinancie ende begeerten
te wederroepen, te meerderen te minderen te verclaren
ende te nieuwte te doen in al oft in deele, alsoe dicke ende
menichwerve, als hen dat goetduncke ende gelieven sal
den wederseggen van haeren voirscreven kynderen, oft van eenige
van dien, in gheenen dinghen oft poirten van desen
niet tegenstaende
XX augusti tempore simile
gidius de
Steynemoelen ende
Willem vanden
Heyden
daeraf dander helft
des voirscreven Willem
van Puersse zusteren
toehoirt
Hamme, Bossche. Willem Hoykaerts, diemen heet van Puersse
wylen Willem Hoykaerts soon, heeft vercocht Gielis van Steynemoelen
tot sinen behoef ende oic tot behoef van Willem vander Heyden
de helft van drie veertelen Rogs goede etcetera Mechelscher
maten erffelicx pachts die hy hadde op een stuc lants metten
gronde houdende omtrent drie vierendeel, dat Janne vander
Byest toe plach te hoiren ende dat nu een deel toebehoirt de voirscreven
Willem vander Heyde, gelegen tot Heffene opten Couter, tusschen
kynderen erve aen dander zyde
Jangellen erve aen deen zyde ende wylen Wouter vanden Goubben, Ende op een stuck
lants metten gronde etcetera houdende omtrent een halff buender, dat
oic den voirscreven Janne vander Byest toehoirde ende dat nu de voirscreven
Gielisen van Steynemoelen toebehoirt gelegen aldaer, opte
Beloken heyde, tusschen Jan Cale erve ende wylen Willem Borgere kynderen
erve. A Domino Mechliniensi, Waranderende etcetera.
Assignavit
ut supra tempore simile
leeft
Margriete de
Hamme, Bossche, zuster Lysbeth vanden Velde, voir deen derdedeel
Ende Losse ende wive wylen Joes Raymakers kynderen met Gheerde
de Neve ende Aerde van Coudenberge haer alder momboiren voir
dander derdedeel, hebben vercocht Margrieten van Leest weduwe
wylen Godevaerts van Dyeven, haer twee derdedeelen van eenen
huyse metten hove gronde etcetera daeraf tderde derdedeel derselver Magriete
toebehoirt gelegen opte Mylane, opten hoeck vander Mossestrate
tusschen de selve strate aen deen zyde ende heer Hermans vanden Bossche
diemen heet int Schalle priester erve aen dander zyde. A Beato Rumoldo
warander op veerthien pond acht scellinge payments daer jaerlicx
vutgaende. Behoudelic dien, gaeter min vut dat sal der voirscreven
Magrieten, te vetten comen
Assignavit Peter erffelic den XVI denier
ut supra tempore simile