Blader door transcripties » Stadsarchief Mechelen

archieftoegang 2, inventarisnummer 935, pagina 167

Johannes vanden Peter
Terve gegeven
Roeden, Bossche Paridaen van Overbroeck heeft vercocht Janne
de Handittere een huys metten hove gronde gelegen inde
Kerchofstrate tusschen des voirscreven Jans de Hantzittere erve
aen deen zyde ende Claes Mertens erve aen dander zyde, strecke
achterwaert met eenen vergange tot inde Blocstrate. A Magriete
Egidio de Muysene, Waranderende opte weerde van mogen scellinge
groten Brabants gelts daer vutgaende Te besittene op een
erffeliken chys van drie gouden Rynsgulden goede etcetera
te wetene XL groten Vlaems gelts voir elken der selver
Rynsgulden gerekent Te heffene altyt tot Sint Jansmisse
daeraf den yersten termyn van betalingen syn sal van
Sint Jansmisse naestcomende over een jair daer naer volgende
Ende opten voirchys vander weerden van negen scellinge
grote Brabants gelts daer vutgaende, met condicien dat
de voirscreven Jan de voirscreven drie Rynsgulden sal mogen quyten
altyt als hem dat gelieven sal eenen male ende elken gulden
daeraf met zesthien der geliker gulden ende met vollen chyse
daer voir te betalen
Assignavit XII Rinsgulden
VIIIty
Johannes Roevere et
ut supra
Gortter, Diest. Margriete Geldekens dochter wylen Jan Geldeke
met Peter van Afscheyde, haeren man voir deen derdendeel
ende Katheline Geldekens de voirscreven Magrieten zuster met
st:t; Caesen de Pander alias van Heyst haeren man voir dat
derdendeel hebben vercocht Janne de Roeve tot synen ende
Marien Geldekens syns wyfs behoef, haer twee
twee
derdendeelen van eenen huyse met drie anderen huysen
daer achterstaende ende oic metten hove gronde gelegen
opt Nuwelant byden Berthoutshof tusschen eenen
gemeynen wech byden vliet aldair aen deen zyde ende
des Heylichs Gheests erve van Sinte Peters aen dander zyde
Ende streckende achterweerts tot Gielis de Vettere erve
Ende haer twee derdendeelen die sy hadden, in twee eenen
Peter vander munten etcetera goet te wetene XXXVI groten
Vlems gelts voir dien Peter gerekent erffelicx chys
de voirscreven Gielisen de Vette toebehoert
op een huys metten hove gronde gelegen aldaer
Putstraetken tusschen de voirscreven yersten twee huyse aen
deen zyde ende Marten zegels erve aen deen zyde
zyde ende wylen Henricx tSermertens erve aen dander zyde
derde
van welken voirscreven huyse ende erffeliken chyse dander derde
der voirscreven Marien Geldekens toebehoirt. A Domino Mechliniensi, Waranderende.
op negen chysgulden vuten voirscreven he geheelen huyse
met synen toebehoirten jaerlicx gaende
Assigna
IX July tempore simile
Johannes Sol
Gorter, Diest. De voirscreven Margriete ende Katheline Geldekens
met haren voirscreven mans ende oic de voirscreven Marie Geldeken
metten voirscreven Janne de Roeve haeren man hebben quytgeschonden
los vry ende ledich Janne tsal, weduere van wylen Lysbetten
Geldeken van allen den haeffeliken goeden die henlieden
byder doot vander selve Lysbetten Geldekens haerlieder
zuster, ende die wyf was doen zy leefde de des voirscreven Jan
tsele in eeniger manieren verstorven mogen syn
X July
Egidius
Vensel
Mol, Bossche. Jan Vensel heeft vercocht Gielisen Vensels synen
brueder eene hyst:t; twee huysen metten hove gronde etcetera gelegen
deen neven dander inde Corte Penningstrate tusschen Machiele
Torrekens erve aen deen zyde ende der voirscreven gebruederen erve
aen dander zyde. A Domino Mechliniensi, Waranderende. Op vyf scellinge ende eenen
penning groten Brabants gelts daer vutgaende
Xa July
Antoenis Jacobs Nyelen
Item, Jacop Nyelen Joos Nyelen natuerlic sone, heeft
heer openbaerlic voir ons gekent dat hem Willem Buydens
ende Jan Smede, syne momboeren goede recht dige rekeninge
ende bewys gedaen hebben van allen den haeffeliken goeden
die hem byder doot van wylen Lysbetten Nyelens, synder
moegen moeder, toecomen gemaect ende verstorven mogen syn
Ende dairaf ende oic van allen anderen moeyenisse
quellingen sommen van penningen ende andere die hy den
voirscreven synen momboiren vut saken van tgene des voirscreven
staet soude mogen doen oft heysschen, heeft de voirscreven
Jacop den selven synen momboeren quytgeschonden los
vry ende ledich ende allen anderen dies quytancie behoeven
geheelic ende al
ut supra