Blader door transcripties » Stadsarchief Mechelen

archieftoegang 2, inventarisnummer 935, pagina 142

hic heer Locum coram Cornelis de Boghe
anno XVI aprilis post
Jacobus Loot
Diest, Bossche. Jan vander Heyden ende Rommond Ymbrechte als
gesworene ende inden name vanden ambachte vanden
goidsmeden et hebben opgedragen tot behoef van
Jacoppen Loot eenen hof metten gronde die jouffrou
Adissien Couwelaers toe plach te hoiren, gelegen
buyten de Kerchofpoorte opten Pennepoel tusschen des
goidshuys erve van Roesendale ende eenen anderen hof die
der selve jouffrou Alderissen toebehoirde, Ende eenen
hof metten gronde die der selver jouffrou toe plach
te hoeren gelegen aldair tusschen den voirscreven jersten
hof ende des voirscreven Jacop Vos. A Domin Mechliniensist:t; gelyc ende
inder manieren de voirscreven Jan vander Heyden tot des voirscreven
ambachts behoef, de selve twee hoven tanderen tyden van
achterstelligen chys, die tselve ambacht daerop hadde
wettelic vutgewonen ende verreyct heeft. A Domino Mechliniensi, Waranderende.
sal die manificio suo cons predict ons als
XXII aprilis
Barber Sermartens
Baerdegeem, Diest. Margriete Schermere wedue wylen Jans sBrueders
ende Jan vanden Venne huer soone, hebben bekent dat hy
Henne
Barble tSermertens wedue wylen Jans brueders dueghdelic
vernueght gecontenteert ende gepayt heeft van allen alsoe
haeffeliken goeden als de voirscreven Jan wylen Jans sBrueders
tanderen tyden met synen testamente gemaect ende gelaten
heeft ende als henlieden oic na vutwysen van eender
macien daer op tanderen gemaect in eeniger manieren
souden mogen toebehoiren, van welken goeden ende oic
van allen anderen moeyten quellingen sommen van penningen
Balen
ende anderen dingen, die sy der selver weduen tSermerenst:t; oft
om der voirscreven goeden wille sonder mogenst:t; oft om tgeneder
daer eenichssins soude mogen vutspruyten, souden mogen
doen oft heysschen in eeniger manieren hebben de voirscreven
Barblen
Magriete ende haer sone, der selver weduen tSermertens
quytgeschonden los vry ende ledich ende alle andere dies
quitancie behoeven geheelic ende al gelovende de selve
Magriete ende haer sone, de selve quitancie ten eeuwe
dagen vast gestentich ende van weerden te houden ende
daer tegen nemmermeer te seggene oft te doene bij hem selve
noch by nyemande anders in gheender manieren sonder argelist
ut supra
Jacobus tSermertens
Berde, Diest, Barble tSermertens wedue wylen Jans sBrueders heeft bekent
dat Jacop tSermertens huer vader, huer dueghdelic vernueght ende betaelt
heeft vander sommen van viventwintich pondt groten Vlaems gelts
ende oic van alsulken hondert Rynsgulden als hy haer voir heve
vutsetsel tanderen tyden in huweliker vorweerden metten voirscreven
wylen Janne toegeseet ende gelooft mach hebben, van welken
X pont groten Vlaems gelts ende hondert Rynsgulden, heeft de
voirscreven Barble Quytgeschouwen los vry ende ledich, den voirscreven Jacoppen
tSermertens haeren vader ende alle andere dies quitancie behoeven
geheelic ende al
XXII aprilis tempore simile
Proviseurs Sanders
Mol, Bossche, Everaerdt vanden Wyere ende Lysbeth Bogaerts syn
wyf, hebben terve gegeven Denys Sander Gielis sone
Een huys metten hove gronde gelegen over de Veemerct
inde Keyserstrate tusschen der kynder wylen Jans van Boesschot
erve ende Jans van Alte erve. A Domino Mechliniensi. Te besittene op drie
gouden Peters vander munten etcetera bewetene XXXVI groten Brabants
voir elken Peter gerekent, Te heffene altyt tot Sint Jansmisse
daeraf den yersten termyn van betalingen syn sal van
Sint Jansmisse naestcomende over een jair dair na volgende
ende opten voirchys van thien scellinge ende Sesse penningen
groten Brabants daer vutgaende
Assignavit LIII Peters
XII aprilis tempore simile
Martens de
Ryemen
Duffle, Bossche. Jan van Riemen ende Henrick de Pape van svadere
wegen Aerdt van Antweerdest:t; Antwerpen ende Jan Smet
vander moeder wegen als momboiren ende inden name
van Dignen van Riemen Martens van Riemen dochter
onder haer jaeren wesen die sy in hen vervingen, hebben
voir
quytgeschonden los vry ende ledich den selvenst:t; Marten
van Riemen der voirscreven Dignen vader van allen den haeffelike
goeden, die der selver Dignen va byder doot van
wylen Kathelinen van Aedegeem haere moeder ende die
wyf was doen sy leefde de voirscreven Martens haers vaders
in eeniger manieren verstorven mogen syn XIII aprilis
supra
Philips Busschen
^
Mol, Bossche. Jan Try heeft bewesen Janne den Bossche ende
Kathelinen Boventhuysst:t; synen wive haer tocht paysselic
Lysbetten
Rynsgulden
ende vredelic te gebruykene in acht gouden Peter
eenen halven erffelic chys die hy heeft opten huysen
heeft van eenen huys metten grondest:t;hove ende