Blader door transcripties » Stadsarchief Mechelen

archieftoegang 2, inventarisnummer 935, pagina 140

Rumoldus vanden
Heyden
Baerdegeem, Bossche Reynen ende Jan Croes gebruederen, ende Margriete
Croes haerlieder zuster ende oic Katheline Goettrecht, Jan
Goetechts de ende wylen Lysbetten Croes dochter, welke wylen
Lijsbeth oic de voirscreven gebruederen ende zuster Magrieten Croen
zuster was doen sy leefde hebben quytgesconden los vry ende
ledich, Rommond vander Heyden, van allen den haeffelike
goeden, die den voirscreven Reynere, Janne ende Magriete Croes
ende oic der voirscreven Kathelynen getrecht, byder doot van
wylen Kathelinen Croes, die desselfs Reyers Jans ende
Magrieten Croes zuster was, de voirscreven Kathelinen Goetbrecht
moeye ende des voirscreven Rommond vander Heyden leste wyf
doen sy leefde in eeniger manieren verstorven moegen syn tot
desen dage toe
XVIII aprilis
Willems Tucback
Baerdegeem, Bossche. Jan Henrick ende Lysbeth Tucback, Wouter
haerlieder zuster
Tucbacx kynderen ende oic Katheline Tucbacx met heer
voir hen selven
tSessele, diemen heet int Moeleken haeren man Claes
Tucbaeck ende Rommond vanden Ryele, al van svaders wege
Ende Jan vander Heyde ende Jan van Dueren vander moeder
wegen, als momboire ende inde name van Wouteren ende
Barblen Tucbacx der voirscreven kynderen Tucbacx brueder ende
zuster, onder hadde jaere ende wesen, die sy in hen vervingen
hebben quytgesconden los ende vry ende ledich den voirscreven
Wouteren Tucbaer van alle den haeffelike goeden, die
de vader
d allen den voirscreven kynderen Tucbacx byder doot van
wylen Lysbette vander Heyde, haerer moeder, die de voirscreven
Wouters wyf was doen sy leefde in eeniger manieren
verstorven moegen syn
supra tempore simile
Sterhams
vanden Dale
vierdege, Bossche. Willem vanden Dorpe als proviseur ende inden name
vander infirmarien vanden crancken beghinen bynnen
den beghynhove et heeft vercocht ter Steven
vanden Dale, twintich scellinge Lovens erffelic chys die
de selve infirmarie hadde op desselfs Stevens twee
huysen metten hoven gronde gelegen deen neven dander
inde Coestrate tusschen Jans de Coelenere ende Jasper Boeden half
erve. A Domino Gode Vylain milite, Waranderende etcetera
Assignavit XXII denier
Ludocus de Heyst
de
Haerdege, Bossche. Henrick van Beringen wylen Claes soone van Beringen
heeft vercocht Lodewycken van Heyst drie chysgulden
erffelic chys, die hy hadde op een huys oft woeninge
geheeten den Oedevaer metten gronde etcetera toebehoirende
den selven Lodewycken gelegen byde Veemerct tusschen
wylen Margrieten Lanens erve wedue wylen
de voirscreven Lodewycx erve
aen deen zyde
Godevaerts Vrancke ende wylen Coenraerde St
aen dander zyde. A Domino Barbara de Hamme, Waranderende etcetera
Assignavit den XXVI denier
XI aprilis
IX aprilis
Jan de Waerloes
es vanden Eynde
Neels
Ruedere, Bossche. Laureys Florene, heeft quytgesconden los vry ende ledich
Anckers vander sommen van sessentwintich gouden gulden elken
Peteren van Waerloes, tot sinen behoef ende oic tot behoef van Janne
vanden Eynde ende van Margriete Neels weduwe wylen Gheers
van dien tot twintich groten Vlaems gelts gerekent, Ende oic van
die sy de voirscreven Laureys tanderen tyde voir tzoeninck vanden
dootslage geschiet, by Wouteren Vermoegen inden persoon van
wylen Janne de Gruyte, diemen heet Floreys, wettelic sculdich
waren, Ende oic vanderst:t; Pelgeemagen van Sinte Anthonis
in Vyemoir ende vanden hondert zelmissen, die de voirscreven
Peter, Jan ende Magriete voir de zalicheyt vanden zielen vanden
voirscreven dooden gelooft hadden, te doen doene ende alle ander
die quitancie behoeven geheelic ende al
aprilis tempore simile
Katlyne egheen
Baerdege, Bossche. Jacop van Oprode, inden name van hem selve ende oic
inden name van Katheline van Oprode, synder zuster, absent wesen, die
hy in hem vervinghe voir de achtien Peters ende Margriete van
Oprode des voirscreven Jacops ende Kathelinen zuster, voir de twaelff Peter
hier naer bescreven, hebben bekent dat sy gehadt ende ontfangen
hebben van Katheline oeghe weduen van wylen Janne van
Pullaer, dertich gouden Peters vander munten etcetera goede etcetera
te wetene XXXVI groten Vlaems gelts voir elken van dien, als
Ren
voir de lossinge ende afquitinghe van vier veertelen Rogs ende
goeden Mechelste brake
een halve lyfpacht, die de voirscreven Jacop ende Katheline syn zuster
tot haere ende tot des langhstlevende live van hen beyden, hadden
Op een huys metten gronde etcetera den Gulden Rick geheeten, den
voirscreven weduen toehoerende Clasen van Bost, gelegen over de Groot
brugge, tusschen thuys den Ram geheeten toehoirende Symoen
hoeve aen deen zyde ende Peeter van Bartelmeus Trabukier
huys aen dander zyde, Ende van drie gelike veertelen rogge
g vanden voirscreven maten oic lyfpacht, die de voirscreven Magriete
tot haeren live oic hadde, opt tvoirscreven huys met synen toebehoirt
den Rick geheeten, van welke seven veertele Rogge ende
een halve, de voirscreven pachts ende oic vanden voirscreven dertich
gouden Peters daeraf gecomen, hebben de voirscreven Jacop inde
name als voir ende de voirscreven Magriete syn zuster, Quytgesconden
los vry ende ledich, den voirgenoemde weduen van Pullaem
haeren kynderen ende tvoirscreven huys ende alle andere dies quitancie
behoeven geheelic ende al
ut supra tempore simile
Brueders de
Gortte
Nuwelant in
jouffrou
Item. Jan vanden Bossche, Wouters sone, heeft vercocht Lysbetten
Nuwelant
convent
jouffrou sRoevers beghinen, tot behoef vanden vanden wylen
staende bynnen den beghynhove, eenen halven chysgulden
erffelic chys, Te heffene altyt tot Sint Jansmisse daeraf den
jersten termyn van betalingen syn sal van Sint Jansmisse
naestcomende over een jair daer naer volgende, Op des
voirscreven Jans huys metten hove gronde etcetera gelegen buyten
Sinte Kathelinen poorte ende Vingebecstrate, tusschen Willems
vander Nuwermolen erve ende Joes Cammaeren die goeden
Vlais milite, Waranderende. Op sessenveertich scellinge payments
twee capuynen ende eenen chysgulden daer voir vutgaende
Assignavit den XXVI denier
supra tempore simile