Blader door transcripties » Stadsarchief Mechelen

archieftoegang 2, inventarisnummer 935, pagina 14

te geldene ende te betalene, evengelyc ende tot gelyken
laste, alle de sculden ende oic verschenen chysen ende
ander commeren, die de voirsreven wylen Vranck ende wylen
jouffrou Lysbeth Crapas, syn huysvrouwe ende oic de
voirscreven wylen Jorys haerlieder soon, ten die tyde, dat sy
storve ende tot desen dage toe sculdich waren ende opten
voirscreven goeden verscheven ende gevallen syn insgelycx
zelen zy oicst:t; deselve Anthonis ende Anthonis, evengelyc
hebben ende ontfangen, alle de sculden, diemen den voirscreven
wylen Vrancken, synder huysvrouwe ende de voirscreven wylen
Joryse, haeren sone, in eeniger manieren sculdich ende tacht
wesen mach, welke scheydinge ende deylinge de voirscreven
goeden hebben de voirscreven Anthonis wylen Vrancx soon
ende Anthonis wylen Gabriels soon, de ende elc van hen besunt
gelooft goet vast gestentich ende van weerden te houden
ten eeuwigen dagen ende daer tegen nemmermeer te doen
te seggen oft tallegen, oft oic te doen seggen oft tallegen
in negheender manieren, oft oic malcanderen daerom voir
gheestelike ende ende weerlike gerichten te quellen oft
te moeyen, in gheender manieren, Quytscildende daerop
deen den anderen van allen den haeffelike goeden, hen
byder doot vanden voirscreven wylen Vrancke, wylen jouffrou
Lysbetten Trapas ende vanwylen Joryse van Heffene
verstorven, om alle welke vorweerden, gelooften ende
quitancien volstentelic inde voirscreven manieren tonderhouden
ende trouwelic te voldoene, hebben vo de voirscreven
Anthonis ende Anthonis malcanderen verbonden ende te
pande geset haer lyf ende daertoe alle haere haeffelike
ende erffelike goeden, metten gronde etcetera bynnen etcetera wesene ende
gelegen, die sy nu hebben ende namaels hebben ende vercrigen
zelen, Ende daertoe heeft oic de voirscreven Anthonis wylen
Gabriels soon in meerder zekerheyde van v dien ende
va gelooft, dat hy ten vermane de voirscreven Anthonis
oo
syne nevenst:t;vst:t; ter plaetsen daer tvoirscreven
syn goet van Clercxpoirte gelegen is ende aldaer, tselve
verbinde ende te pande setten, de selven synen nevest:t; om all
oem
tgene de voirscreven staet trouwelic te voldoene ende
tonderhoudene
XXV may tempore simile
et aen Claes
Jan vander Loegenham
Hamme, Duffle. heer ende Meester Henrick van Rumpst heeft geapprobeert
priest
geconfirmeert ende van weerden gehouden, alsulken vercoop als
Gregoris van Rumpst oic priester tanderen tyden, te wetene opten
Sibroeder
drientwintichsten dach van februario int jaer ons heeren dusent
vierhondert achtentzestich lestleden, in sinen ende in des voirscreven Meester
Henricx syns brueders namen hen daer vervangende dest:t; met
haerlieder brueder ende zusteren gedaen, wettelic gedaen hebben Laureys
vander Loegenhagen, als tot synder tocht ende Lysbetten Raes als tot
haerer erffelicheyt van tween huysen met met haeren
toebehoirten, gelegen deen neven dander in Sinte Kathelinen strate
tusschen Rommont Rabbouts erve aen deen zyde ende Ogiers
de doene erve aen dander zyde, Alsoe dat claerlike inde
scepenen brief daer op gemaect begrepen staet, Ende heeft
daertoe de voirgenoemde Meester Henric gelooft, den voirs vercoop
vanden voirscreven tween huysen met haere toebehoirten, tveerthyen
ende gelooften van waerscapen, daeraf byde voirscreven heer gegoeden
zynen name ende als hem daerinne vervangen hebbende
synen brueder gedaen, den voirscreven Laureysen ende Lysbetten Raes
na vutwysen der voirscreven scepenen brief voir goet vast ende
van weerden te houdene, en ten eeuwigen dagen ende daer
tegen nemmermeer te doen, oft te seggen in gheender manieren
Ende om die gelooften alsoe byde voirscreven Meester Henricke volstelic
tonderhouden ende om der meerder zekerheyt wille den voirscreven Laureyse
ende Lysbetten daeraf te doene, heeft de selve Meester Henric, den
selver Lysbetten, tot haeren ende desselfs Laureys behoef verbonden
ende te pande geset alle syne haeffelike goeden, die tot wat
plaetsen die bevonden zelen worden, die hy nu heeft ende namaels
hebben ende vercrigen sal
XXVI may tempore simile
Jan van Rumpst Henricx sone ende Lysbeth Reysevale
syn wyf voir hen selven ende oic inden name vanden
deselve
Dorpe, Hamme, st:t;Jan van Rumpt, Henricx sone van Rumpst ende
Magdaleene van Rumpst , Lijsbeth Re Reynaeldere syn wyf
Seggende ende ons te kennen gevende, hoe dat heer Gregoris van Rumpst
priester, de voirscreven Jans brueder tanderen tyden, den selve Janne bewesen
heeft, tot behoef ende ten live van Rommond ende Magdaleene van
Ranst synen kynderen ende tot des langhstlevende live van hen vanden
vier gouden Rynsgulden goede etcetera jaerlike lyfpensien Te heffene naer
des voirscreven Henricx doot, op alle des voirgenoemde heer geleegoris erffelike
goeden inder scepen brief daerop gemaect claerlik begrepen
Ende dat de voirscreven Jan, in welke lyfpensien, de voirgenoemde Jan ende
Lysbeth syn wyff, haer heffen ende volcomen disposicie behouden
hebben, Ende dat een goede wylen tyts na tvoirscreven bewys alsoe
der voirscreven lyfpensien, alsoe gedaen, de voirgenoemde heer Gregoris vercocht
heeft st:t; gelyc synen anderen brueder ende zusteren, Laureys vanden Loegenhage
ende Lysbetten Raes, syn deel van tween huysen met haere toebehoirten
in Sinte Kathelinen strate gelegen ende hen daeraf waerscap gelooft
op zeken genoemden chys daer jaerlix ende vutgaende, met noemende
voirscreven hen
de voirscreven lyfpensie, die hy daerop te voiren vercocht hadde, gelyc
voir maer die vutst:t; ingracien verswagende
Ende dat niet tegenstaende, die versweggingen, de voirgenoemde Jan
van Rumpst ende Lysbeth syn wyf, als de ghene die haer heffene
hebben voirscreven lyfpensie hebben inde hebben inden
ende disposicie inde
name van hen selve ende oic inde name van haeren voirscreven tween
kynderen, absent wesen, die sy in hen vervingen, gelooft ende elc
hem
van hen besunder, dat sy noch de selve haere kynderen nemmermeer
metter voirscreven eenen brieve vander voirscreven lyfpete metten
voirscreven scepenen brieve, opte voirscreven lyfpensie gemaect, behelpen en zelen