Blader door transcripties » Stadsarchief Mechelen

archieftoegang 2, inventarisnummer 935, pagina 135

Cornelis Yngelram
et uxore
Voesdonc, Duffle. Cornelis Yngelram, ende Margriete
vander Hayct syn wyf, Seggende dat sy gheene
wettige kynderen en hadden, Ende hebben daerom voir
ons gewilt ende openbairlic geordineert, dat de
langhstlevende van hen beyden, soe langhe die leven
sal, paysselic ende vredelic sal gebruyken, alle der
haeffelike ende erffeliker goeden, bynnen etcetera wesende
ende gelegen, die sy nu ter tyt hebben ende namaels
hebben ende vercrigen zelen, den wederseggen van
noch
yemende ende oic den rechte ende coustumen daeraf
Jan ter contrarien onderhouden, niet tegenstaende
Behoudelic dien, dat de alle de voirgenoemde goeden
naer na de langhstlevende doot vanden voirscreven
Cornelisen ende synen wive blivende, toecomen ende
versterven, haer zelen haeren gerechte hoir ende
erfgenamen deyse na den rechte vander voirscreven
stad sculdich zelen syn toe te comene ende te versterven
m
oft den ghenen, dien sy die goeden meer
met testamenten oft anderssins geven ende maken
zelen, sonder argelist welke ordinancie wy ende
oic st:t; Gortter, ende Bossche, onse medescepenen
by crachte vanden statute daerop tanderen tyden gemaect
geconfirmeert ende geapprobeert hebben ende by onsen
ordinairder macht confirmeren ende appoberen alle
argelist vutgescheyden
XXVIII marcy tempore simile
Johannes Wagewyns
alias Zaghere et uxore
Voesdonck, Begen. Jan Wagewyns alias Zeger ende Katheline vanden
Hove syn wyff, Seggende dat zy egheene wettige kinderen
en hadden, Ende hebben dair om voir ons gewilt ende
openbaerlic geordineert, dat de langhstlevende van
hen beyden, soe lange die leven sal, paysselic rustelic ende
bredelic sal gebruyken alle de haeffeliker ende erffeliker
goeden, bynnen der stad ende vryheit van Mechelen wesende
ende gelegen, die zy nu ter tyt hebben ende namaels hebben
ende vercrigen selen, ende metten selven haeffeliken goeden
in synder nood mogen disponeren condicienst:t; Behoudelic
dien dat alle de voirseyde goeden, naer de doot vanden langhs
levende vanden voerscreven Janne ende Kathelinen synen wive
blivende toecomen ende versterven selen haeren gerechten
hoir ende erfgenamen dien sy naer den rechte vanden voirscreven
stad sculdich selen syn toetecomen ende te versterven
oft den genen dien zy en alle van hen de selve goeden
met haeren testamente oft anderssins geven ende maken zelen
welke ordinancie wy ende oic Duffle, Gorttere, Diest ende Bossche
onse medescepenen by crachte vanden statute dair op tanderen tyden
gemaect geconfirmeert ende geapprobeert hebben ende by onser
machten ordinaris confirmeren ende approberen, Alle argelist
vutgescheyden
XXVIII marty tempore simile
es de
Laken
Baerdege, Bossche, Dierick de Poortere, heeft vercocht Lysbetten van Laken
Artur van Maldere wive drie chysgulden erffelic chys
die zy hadde op een huys metten hove gronde etcetera dat
Janne Welmans toebehoirt gelegen inden Nyeuwen
Bruel, tusschen Peters de Leeuwe erve aen deen zyde ende
Henricx de Volder erve aen dander zyde gelyc ende inder manieren
de voirscreven Dierick de voirscreven drie chysgulden tanderen tyden
voir ombetaelde scult de welke wylen Goorys de Bock hove
sculdich ende tachter was, wettelic vutgewonen ende daer
Machter vierscharen vercocht heeft. A Domino Mechliniensi, Waranderende etcetera.
haer
XXII marty
Gommaers
Poirtere
De Bossche. Joes Vrancx inden name van hem selven ende oic inden name
van Gielisen synen sone, dien in hem vervangen heeft heeft opgedragen
tot behoef van Gommaeren de Porttere een huys metter plaetsen gronde
ge dat wylen Aerd Abjoys toe plach te hoiren, gelegen inden
Vettersham, tusschen wylen chys Wechters erve aen deen zyde ende Aert
Mathys erve aen dander zyde. Item een huys metten gronde dat de
voirscreven wylen Aerde toe plach te hoiren, ten gelegen aldair tusschen
den Blaesbalch toebehoerende Jacop vander Heyden ende Janne vander Heyde
aen deen zyde ende der weduen ende kynderen wylen Rommonds zelve aen
dander zyde. Item een huys metten hove etcetera dat den voirscreven wylen
Aerde toebehoirde, gelegen aldair, tusschen der ambachte vanden
huyvetters erve aen deen zyde ende wylen Jans van Baesrode erve
aen dander zyde, Ende alle de andere erffelike goeden die oic den
voirscreven wylen Aerde toebehoirden, bynnen etcetera gelegen, gelyc ende inde
manieren Wynandt van Culixrode tot behoef vanden voirscreven Joesen
ende Gielisen tanderen tyden voir vyf Peterst:t; lyfpensien die de selve
de voirscreven gheden Rynsgulden
ver ende syn wyfs sone huer leven lange geduerende hebben opte selve
Behoudelic den voerscreven Roose ende synen zone haerer blyffessten
vercreven goeden wettelic vutgewonnen ende verreyct heeft. A Domino Mechliniensi,
ve
Waranderende etcetera voirtaen, soe heeft de voirscreven maer gelooft voir heer
ende syne nacomelinge den voirscreven Joese ende synen sone de voirscrevenst:t;
soene zy ende de villeven
lyfpens jaerlicx te betalene in eenen inden brieve daerop gemaect begrepen
van hen beyden den zelen sonder eenich wederseggen
XXX may