Blader door transcripties » Stadsarchief Mechelen

archieftoegang 2, inventarisnummer 935, pagina 130

Jans de
Pytsenborch
Haerdegeem, Mol. Gielis Verwilgiaerden ende Barble van Lyen
syn wyf hebben gelooft voir hen hair hoir ende nacomelingen
te geven ende te betalen, heer Henricken van Urssele Ridde
Commander de vanden huyse van Pitsenborch, den huysenst:t;
onder der Duysscher heeren staende bynnen Mechelen ende
heer Wynande van Ratinghen priester een der selver heeren
tot behoef vander celebracien van eender missen, diemen
dagelicx, bynnen der kerken vanden voirscreven huyse, daer over
celebreert ende singht voirdest:t; opten outaer van Onser
Liever Vrouwen, aldaer, alle jaere ten eeuwigen daghen
altyt tot Sinxenen vyfthien gouden Rynsgulden
goede etcetera te wetene veertich groten Vlaems gelts voir elken
der selver Rynsgulden gerekent, jaerlicx ende erffelicx
chys, Om welke gelooften alsoe volstentelic tonderhouden
ende om der meerder zekerheyt wille, den voirgenoemde misse
daeraf te doene, Soe hebben de voirscreven Gielis ende
Barble syn wyff, daer voir verbonden ende te pande geset
selven ende alle haere haeffelike ende erffelikest:t;st:t;
bynnen waer die bevonden zelen worde ende oic erffelike
goeden, bynnen etcetera gelegen, die sy nu hebben ende namaels
haer de
hebben ende vercrigen zelen, Ende sunderlinge syn tweest:t; huyse
met hove plaetsen, gronde etcetera comende achterweerts tot opte
vlyet, gelegen deen neven dander inde Nieuwenbruel
mit den eens geheet
tusschen Jan Kerstiaens huys aen deen zyde ende Jan vanden Stock
Bossche huys aen dander zyde, opte weerde vanst:t;
vierentwintich scellingen groten Brabants erffelic ende op thien
Rynsgulden lyfpensien, daer jaerlicx voir vutgaende. Item
haer huys metten hove ende met anderen huyse daerachterstaende
ende oic metten gronde etcetera gelegen aldaer tegen de voirscreven
drie huysen over tusschen Henricx van Berge huys aen
deen zyde ende Adriaens van Haesdonc huys aen dander zyde
opte weerde van derthien scellinge groten Brabants daer
jaerlicx voir vutgaende. Item hair huys metten hove gronde
inde Scipstrate gelegen tusschen Jans de Vochuys aen deen
zyde ende Peters de Leeuw erve aen dander zyde, op achtien
oude groten Turnoyse, daer jaerlicx voir vutgaende. Item haerliede
huys metten hove inde Hanswycstrate gelegen tusschen
Jans vander Meere erve aen deen zyde ende Jacop Yueten
erve aen dander zyde, op vier chysgulden ende eenen halve
die oic jaerlicx vutgaen. Item der tderdedeel, dwel
de voirscreven Barble heeft in een huyse, dat wylen Janne van
Lyere toe plach te hoiren, gelegen aende Steenwech tusschen
de thuys de Meynaert geheeten aen deen zyde ende
thuys den Creeft geheeten toehoerende Meester Janne vanden
Witte geheele
Broeke, aen dander zyde, opte weerde van driendertich
scellinge groten Brabants de jaerlicx voir vutgaende. Item haerlieden
twee stucken lants houdende een buender luttel min oft met
een neven dander
gelegen tot Leest aende Heyde tusschen
Ende op haerlieder stuc lants houdende
een half buender luttel min oft meer, gelegen oic tot Leest
tusschen
op vyfthien scellinge payments vuten voirscreven drie stucken
lants jaerlicx voir vutgaende. A Domino Mechliniensi, Waranderende etcetera.
XXI marty
Lauretis
Roelants
Duffle, Gorttere. Peter van Ghele, heeft opgedragen, tot behoef
van Laureys Roelants, Tderdedeel van twee huysen metten
hove gronde etcetera gelegen deen neven dandere in Sinte Kathelinestrate
tusschen Henricx van Wontswynkele erve aen deen zyde ende
Henricx vanden Weerde erve aen dander zyde, streckende
achterweerts tot opte dekene. A Domino Mechliniensi, Waranderende etcetera.
ut supra tempore simile
Anthonis Hoots
Dominus et met
Item de voirgenoemde Laureys Roelants, heeft vercocht heer ende Meester
Anthonis Hoots priester Canonick der kerken van Sinte Rommonts
bynnen Mechelen, Syn derdendeel van twee huysen metten
gronde etcetera gelegen deen neven dander in Sinte Kathelinestrate
tusschen Margrieten Roelants huys erve aen deen zyde ende
Henricx Van Wontswynkele erve aen dander zyde, metten rechte
van eenen weghe ende van eender heymelicheyt, liggende ende staende
achter der voirscreven Margrieten huys voirscreven ende reken vanden
weerde huys ende comende totter Mylanen toe. Item oic met
eenen hove achter de voirscreven yerste twee huysen gelegen, die
hem strect achterweerts met eenen huysest:t; anderen huyse ende poirte
tot opte dekenye tusschen Barthelmeus vander Voort huys, aen
deen zyde ende Rommont Scillemans huys aen dander zyde, Ende oic
met eenen anderen hove, gelegen oic achter de voirscreven jersten twee yersten
huysen, daer inne men gaet over een brugge liggende, over
de Hergracht, tusschen de selve Hergracht aen deen zyde ende de
Mylane aen dander zyde, streckende achterweerts doer een poirt
tot int sWinnegheemstraetken van welken twee huysen, met alle
haere voirscreven toebehoirten, dander twee derdedeelen, den voirscreven
Anthonis
Meester Jan Hoots toebehoiren. A Domino Mechliniensi, Waranderende. Op drie pond zestien
scellinge Loeven, acht chysgulden driendertich pond thien
scellinge payments, twee capuynen ende drie goede mottoenen
vuten voirgenoemde twee geheelen huyse met alle haeren voirscreven
toebehoirten jaerlicx gaende
ut supra tempore simile
wedue Lepelmaker
alias inden zelve
Item Andries van Achele, als vander Straten heeft vercocht Joerdaen
de Lepelmakere, als inde Ezel vier gulden van Florencien
erffelic chys die hy hadde, op een huys metten gronde, de Trompe
geheeten gelegen opte Marct van Mechelen, tussche toehoerende
Henricken Marien, tusschen de huys den Zwaen geheeten
aen deen zyde toehoerende Katheline Wulvericx, diemen heet de
wapemakere, Gielis van Aelst wive aen deen zyde ende thuys
den Craen geheeten toebehoerende der weduen ende kynderen
van wylen Henricke van Oprode, aen daer zyde. A Domino Mechliniensi, Waranderende etcetera.
ut supra