Blader door transcripties » Stadsarchief Mechelen

archieftoegang 2, inventarisnummer 935, pagina 102

de Bergen
Herssele ende van
Bere, Duffle. Heer Jan Fierens allet ende inden name vanden
goidshuyse van Sinte Machiels gelegen bynnen der stad van
Antwerpen zoe heeft opgedragen tot behoef van
Henricken wylen Reyns sone van Bergen, Een huys metten
hove gronde etcetera dat Gielisen van Wilgiaerden toe plach
mile
te hoerene gelegen inden ouden Bruel tusschen desselfs
Henricx erve ende Adriaens van Haesdonck erve gelyc
ende in alder manieren Henrick Bogaert priester tot
behoef vanden selven goidshuyse tvoirscreven huys metten hove
tanderen tyden voir achterstelligen chys die tselve goidshuys
dair op heeft wettelic vutgewonnen ende verreyct heeft
A Domino Mechliniensi ende nasterio sus eens ons als
XIIII January tempore simile
Barbart Nouts
Baerdegeem, Dyest, Geerdt syne wylen Jans van Oerbeke heeft bekent
dat hy gehadt ende ontfangen heeft van Barblen Mots weduwe
des voirscreven wylen Jans syns vaders alsulken vyfthien stucken
gouts als hem de voirscreven wylen Jan syn vader met synen testamente
gelaten ende gemaect heeft, Ende dairaff ende oic van allen
den haeffelike goeden, die den selven Gheerden, byder doot
ende de man was vander selve
vanden voirscreven wylen Janne synen vader in eeniger manieren verstorven
mogen syn, heeft de selve Gheert quytgeschonden los vry ende
ledich der voirgenoemde Barblen ende allen anderen dies quitancie
behoeven, geheelic ende al, Gelovende de selve Gheerdt der
de
voirgenoemde wedue vanden selven vyfthien stucken gouts altyt
tegen eenenyegeliken scadeloos quyt te houdene ende tontlastene
XV January tempore simile
Henrick Smet
Voesdonc, Bossche. Jacop Gulden op heeft terve gegeven Henricken
oft gebeect
Smet, Een huys metten hove gronde etcetera gelegen inde Keyserstrate
tusschen wylen Diericx van Breen erve aen deen zyde ende
Jans Papen erve die men heet de Kemmere aen dander zyde
A Domino Mechliniensi. Te besittene op eenen erffeliken chys van vyf scellinge
groten Brabants gelts Te betalen altyt opten yersten dach
twaelf scellinge groten Brabants gelts daer jaerlicx voir vutgaende
van februario, Ende opten voirchys vander weerde van
gelike
met alsulker condicien, dat de voirscreven Henrick sal mogen lossen
ende quyten de voerscreven vyf scellinge groten des voirscreven laten
alsoe wanneer hem dat gelieven sal lossen ende
quyten de voirscreven vyf scellinge groten des voerscreven chys, eenen male
ende elken scellinge dairaff met zesthien geliker scellinge
eens met vollen chyse dairvoir te betalene, Behoudelic die
ende ende
dat de voirgenoemde Henrick sal moeten tot synen coste houden
der seker by ende op Rommont Henricx huys aldaer
naest de voerscreven wylen Dierick van Boven huys gelegen
dat de voirgenoemde Henric
ende syne nacomelingen
zelen ten eeuwigen
dagen sculdich syn
te houdene tot haere
coste den slapen liggende op wylen Rommonts Hemelrycx huys aldaer naest des voirscreven
st:t;
wylen Diericx huys gelegen, oft daer voir geven ^ eenen halven chysgulden erffelicx chys
sonder eenich wederseggen
ut supra
Johannes de
sRoeven
Mol, Bossche. Henrick wylen Odyns soon van Berghen, heeft terve
gegeven inne van Loeven den ouden, Een huys metten hove gronde etcetera
dat Lysbetten sLymakers toe plach te hoiren, gelegen inde Hanswycstrate
tusschen Cornelis Leemans erve aen deen zyde ende Jans de Donckere erve
aen dander zyde, A Walten Berthout, Te besittene op eenen erffelike
chys van drie gouden Peters ende eenen halve vander munte etcetera te
wetene XXXVI groten Vlaems gelts voir elken van dien gerekent
om die te heffene altyt tot twee termynen, te wetene deen helft
daeraf tot Kersmisse ende dander helft tot Sinte Jansmisse daeraf de
yersten termyn van betalinge syn sal, tot Sint Kersmisse naestcomende
Ende opten voirchys vanden hadde van vyfthien oude groten
ende eenen halve ende twee chysgulden daer jaerlicx vutgaende
met alsulker condicien, dat de voirscreven Jan van Hoeven sculdich
sal syn te quyten, de voirscreven drie gouden Peters ende eenen halven deen
voirscreven chys ende tot desen termyne, te wetene den halven Peter
daeraf tot Sinte Jansmisse naestcomende ende soe voertaen telken
Sinte Jansmisse alsdan deen na dander ter stont vervolgende
eenen halve Peter tot dat de voirscreven drie Peter ende eenen halve
geheelic ende al gequeten zelen ende elken der selve Peters
met zesthien daer gelike Peters eens met vollen chyse, daervoir
te betalen
XV January tempore simile
Baerdege, Mol, Peter de Beckere heeft quytgeschonden los vry ende ledich
Henricken de Beckere synen vader van allen alsulken haeffeliken
goeden als hem byder doot van wylen Beatrisen Stevens synde
moeder ende die wyf was doen zy leefde desselfs Henricx
syn vader in eeniger manieren verstorven mogen syn
Juny tempore simile
Poelens
inden carme
in Machline
Baerle, Mol, Clemente van Voorne weden vredicx dochter met
eldo vander commen haeren man heeft vercocht Henricken
van Ghele ende Henricken Bernaerts diemen heet int Vleegelke
busmeesters ende tot behoef vander aelmoessen bussen des ambachte
vanden Vleeschouwers bynnen Mechelen twee gouden Ryns
gulden goede etcetera te wetene veertich groten Vlaems gelts
voir elken, de selver Rynsgulden gerekent erffelic chys
Te heffene deen helft daer af tot Sint Jansmisse ende dander
helft tot Kersmisse, Op ende aen de voirscreven Clemencien
twee huysen metten hove gronde gelegen deen neven
dander ende Coestrate tusschen Jan Grauweels erve ende
Peters vander Cammen erve. A Domino Mechliniensi, Waranderende. Op drie gelike
gouden Rynsgulden, achtendertich scellinge Lovens ende
vier capuynen daer voir vutgaende
Assignavit den XVI denier
supra tempore simile