Blader door transcripties » Lokale Kronieken uit de Nederlanden 1500-1850

archieftoegang 1499_Rott_Jans, pagina 81

[f 273] Maximilianus.
Ditsu den eed van den prince Maximilianus, gedaen upten XIIIIen dach van aprille int jaer [M IIIIC] acht ende tseventich:
Dat zweert ghij, genadige heere, als kerkelic voget57 van onsen genadigen vrouwe der hertoginnen van Oostenrijc, van Bourgoengen etc. uwe lieve gesellinne, ende van hoerentwege ontfangen tot een recht lantsheer ende graef van Hollant, dat ghij houden suit die heilige kercke in hoeren rechten, weduen ende weesen bescermen, die stede van Rotterdam onderhouden sult in allen hoeren rechten, privilegien gegeven van onsen vorderen heeren ende graven of gravinnen, ende oick mede dat nyeu privilege, den landen van Hollant, Zeelant ende Vrieslant gegeven bij der hartoginne van Bourgoengen, uwe lieve gesellinen, altesamen onderhouden sult ende daertoe alle keuren, costuymen, usaetgen ende haercomen derselver stede mede onderhouden sult ende voert al doen dat een goet grave van Hollant sculdich is van doen. Alsoe moet u God helpen ende alle sijn heiligen.
Desen eed staefde Jannes die clerc58 mit luyder stemme voer mijnen genadigen heer voirs., stande up een tafel in eenen rinck gestakettet, daer tgerechte59 in stont, ende oic die stede van der Goude ende van Scoenhoven stonden mede in den rinc ende hulden mijn heere als van slants wegen van Beloeysv60.
Den eed van der gemeente staefde mijn heer van der Vere, stadhouderw61:
Dat zweren wij dat wij Maximilianus, hartooch van Oostenrijc ende van Bourgoengen, etc. als kercvoget van Marie der hertoginne van Oostenrijc ende van Bourgoengen, sijn lieve gesellinne, die alleen gerecht oir ende erfgenaem is van wijlen hartooch Karel, dien God genadich sij, hoeren lieven vader, ende van hoerenwegen ontfangen als heer ende grave van Hollant, Zeelant ende Vrieslant hem sullen wesen gehout ende getrouwe ende mit hem wapen na oude usaetgen ende haercomen ende onse privilegien, die wij daerof hebben,