Blader door transcripties » Lokale Kronieken uit de Nederlanden 1500-1850

archieftoegang 1499_Rott_Jans, pagina 71

Item. Int jaer dusent IIIICLXXIIII toech mijnen genadigen heere hartooch Kaerle van Bourgoengen mit groeten volke voer Nuys, twee dagen voer sinte Pietersdach ingaende oest [30 juli] maicte hij sijnen leger ende tbelec voer Nuys, ende lach daer voer Nuys omtrent acht dagen min dan een jaer96. Nochtans en wan hijs niet, want den keyser97 mitten vier koirvorsten98 ende veel groeter heeren van den Rijn99 quamen om die stede van Nuys tontsetten100, maer sij en mochten doer mijns heeren heer niet. Tes waer dat sij een tractaet maicten mit mijn heere van Bourgoengen, dat hij mit sijn volc uut sijn leger ende parc soude gaen liggen, twelc hij also dede, ende begreep een ander parc1. Ende den keyser quam mit alle sijnen heeren van den Rijn2 ende mit een groete menichte van volke liggend upt velt omtrent twee off drie busscoten verre van mijn genadige heere, dat sij malcanderen sien mochten3. Ende mijns genadigen heeren volc maicten hem toe te paerde ende te voete ende togen voer skeysers parc ende slogen daer een grote menichte van volke doot4. Alsoe dat doen terstont een pays gemaict wart tuschen den keyser ende mijnen genadigen here5. Maer luttel personen wisten hoe die pays gemaict wart6, maer ymmers en