Blader door transcripties » Lokale Kronieken uit de Nederlanden 1500-1850

archieftoegang 1499_Rott_Jans, pagina 20

21


Brouwershaven tussche de Ingelsen, die den hertooch van Closesterj vrou Jacob te hulpe gesent hadde, jegens mijn here van Bourgoengen, ende mijn here van Bourgoengen wan die strijt ende die Ingelse worden al verslagen62.

Item. Int jaer M IIIICXXVII wart te Venegien een visch gevangen mit twee menschenoeren ende twee eselsoeren, ende hadde een menschenaensicht mit twee hoernen op sijn hooft ende twee armen sonder handen, ende elken arm hadde een vlogel mit drie oegen, ende was lanc XXI voeten ende was beneden visch ende voert gescapen als een mensche, ende wort gevangen in den heiligen dach van Paesschen [20 april]63.

[f. 257 is blanco; f. 257v] Intk jaer [XVC] XLVIII worde opt oude werck van den tooren voorts begonnen up te metselen ende in den jaere L was thoutwerck gemaect, daer men de clocken in hangen soude, dat men hiet het Bellefroet, ende omtrent october worde dat upgewonden ende worden de clocken in tnyeuwe werck geluyt den ...l64.

Int jaer [XVC] XLVI, XLVIII,XLVIIII st men binnen deser stede geven lastgelt van den haring, daer ick veel reysen mede heb inne helpen doen, ende dat tegens onse vianden de Scotten65, twelck men begeerde mede in den jare vijftich, te weten van elcken last 20 stuvers daer genouch om te doen was mer zoo gering dat geconsenteert was, en worde nyemant meer bescadicht erge66.