Blader door transcripties » Lokale Kronieken uit de Nederlanden 1500-1850

archieftoegang 1666_Gent_Bill_01, pagina 178

Ghendt ghebracht sijnde, cauzeerde eenen
grooten rauwe int Prince hof, ende sonderlinghen
van in de herten van Vrau Margriete van Jorck
sijne wedue, ende van vrau Marie van
Valloies sijn eenighe dochtere, erefghenaem,
van alle sijne staets hearlicheden, ende Domeijnen.
1476
de selve jaere sessenentseventich corts
naer
dat
vrau Maria hadden haeren Eedt ghedaen, alsmede
den Eedt van die van Ghendt ontfanghen naer
costuijme, soo trocken corts daernaer de neeringhen
van Ghendt in de wapenen, willende ghelicht hebben
het Calliothuijseken, daer men was betaelende, ende
ontfanghende de rechten, ende excijsen, die t'sedert
den jaere 1453 hadden gheduert, ende datmen hun be¬
loft hadde te weiren, doen wijlent hertoch Caerle
sijn vergaderinghe tot Doornicke hielt, daer in vrau
Marie vriendelick ende beleefdelick accordeerde
ghemerckt dat sij dese beroerte niet anders en conde
stillen ofte remedieren.
1476
Hertoch Adolf van Gheldre, die soo qualick met
sijnen
In desen tijdt, soo geschiede de
huldijnghe an Vrauwe Marie de Valois
hertoghinne
van
Bourgoignon Dochter
van wijlent hertoch
Caerle met de eeden
daertoe staende binnen
der stede van Ghendt inden
vormen ende manieren
ghelijck die beschreven
staet inden Pollitije¬
boeck, ick zegghe inde
groote Cronijck vanden
Autheur het eerste
Deel an folio 289 verso
166.
sijnen auden vader hadde gheleeft, hebbende ghehoort
de doodt van wijlent hertoch Caerle van Bourgoigne
ghebleven voor Nanchij, wiste soo veel debvooren
bij de ghemeente van Ghendt te doen doen, dat hij
uijt de ghevanckenisse
vant Casteel van Cortrijcke
wiert ghestelt op sijn vrije
voeten, commende naer de voorseijde stede van
Ghendt om sijn vrienden te bedancken, die hem an¬
namen, ende Capiteijn maeckten van hun Crijchsvolck.
Anno
1476
Soo wierden binnen der stede van Ghendt gheexecu¬
teert met den sweerde Roelandt van Wedergraete,
Mr Philips sersanders, ende Olivier de Coninck,
de welcke waeren beschuldicht, ende overwonnen
gheweest (soo men seijde) dat sij paert en deel hadden
ghehadt int consenteren van de Acte van verbande,
daer over de ghemeente soo in roere als in de
wapenen hadden gheweest met meer ander mis¬
huijsen, die sij souden ghecommitteert hebben ghehadt,
ter wijlent dat sij in de weth hadden gheseten.
14767
Loijs den XIen Co: van Vranckrijcke belofde hem
selven met de doodt van hertoch Caerle van Bourgoignen
nu te connen gheraecken an het hertochdom van
Bourgoignen