Blader door transcripties » Lokale Kronieken uit de Nederlanden 1500-1850

archieftoegang 1580_Antw_Wese, pagina 69

96
cattnberch noes achter De selve Duytsche quamen
liggen gereet om te wechten Desgelijcx zyn gecomen
van voer tegens over De Duytschen elff vendelen
spaengaerden voetknechten al In bataillie gestelt
ende ter rechter zyden noch sommige peerden zoe
Dat De voerß Duytschen staende metten rugge
tegens sommige boomen teenen male omsinghelt
ende inden Rinck vande Spaengaerden waren,
Men heeft De spaengaerden gebrocht bij bevel
vande Amptman Deser stadt twee wagens
met wyn ende broot ende De Duytsche vrouwen
en mochten heurs mans teten noch te drincken
brenghen Daer nae is gecomen De voerß
Conte Ladron met Don fredrico duc dalvens
zone ende heure edelieden te peerde gewapent
staende van veers aende slincke zijde Der zelver
Duytschen ende heeft De Scrijver der selver
Duytschen by bevel van Ladron vuytgeroepen
vuyten hoope met name ende toename alle De
ghene Die zij begheerde Dewelcke vuyt heuren
hoop comende bij Ladron met hen rustinghe heb¬
ben aldaer tegens malcanderen gekeven ende
grootelijcx gedinckt In presentie vande voerß Don
fredrico als Rechtere ende Dandere edelieden, Ende
Daer nae De sommighe ontwapent zynde ende
De sommige nyet, Sijn alzoe gevangen wech geleyt
by Bolea provost vande hove Te weten Inden
Iersten .18. Ten tweeden 16 Ten derden 14
Ten vierden 62 seffens, makende tszn .120.
97
gevanghen al op Den steen alhier sittende Dwelck gedaen zynde
is Den resterende heelen hoop seffens gecomen bij Ladron
ende oyck aldaer parlamenteert hebbende zyn wederomme In
heur logisen int borgerhout getrocken met vlieghende
vendelen ende De spaensche soldaten zoe peerde volck
als voetvolck zijn oyck al ewech getracken Ende is te
noterene Dat Ladron begheerde Datmen De voerß gevanghen
ter stont staens voets zoude Doot smijten als Dieven
ende schelmen ende De vendelen vande resterende om stucken
scheuren Ende Dat Don fredrico Dat nyet gedoogen
en woude maer zeijde De selve ten willen hoorene in
heur Defensie Etc.
den .30. xxx.
Julij 1570
Heeftmen het pardon alhier ter puyen aff wederom
ghepubliceert ende ghelesen
den 31 xxxjen
Julij daer
nae 1570
Syn noch vande Duytschen alhier gevangen, ende heur trommelen
ende vendelen zyn heur affgenomen Ende De Duytsche
vrouwen zyn Den hertooge te voete gevallen voor heur
mans
den jen Au¬
gusti Anno
1570
Syn noch vande voerß Duytschen alhier gevangen ende
De wagens zijn alhier gearresteert om Den heertooch met
zyn geselschap nae Nimmeghen te geleijden
den ijen Au¬
gusti 1570
Hebben De Duytschen Int borgerhout noch liggende
heur haeckgeschutten moeten afflegghen
den iijen
Augusti anno
1570
Is Den hertoogh alhier voer noene te wagen nae Nimmeghen