Blader door transcripties » Lokale Kronieken uit de Nederlanden 1500-1850

archieftoegang 1580_Antw_Wese, pagina 47

56
Extract vuijt eenen brieve geschreven tot Bruessele
Den [...] Aprilis ende ontfanghen Den 28 Aprilis
Anno 1569
57
Den 28 xxviijen
Aprilis
1569
Is De tydinghe comen hoe Dat Spelleken voerscreven
soude met synen eyghen waghene tot Vilvoorden ghe¬
vanghen syn ghebrocht gheweest Item corts Daer nae
is Guitsardini wesende een Italiaen ende gemaeckt
hebbende een antwoorde op Duc Dalve petitie oijck
ghevangen Ende Jacob Mazeeren ghevalst hebbende
Des voerschreven Hertoochs seghel ende meer andere
lieden hanteekenen
Den 30 xxxen ende
lesten Aprilis
Anno 1569
Syn alhier twee Anabaptisten Vrouwen Deen genaempt
Baetken crauwels ende Dandere Maijken cristiaens
Levendich op De merct verbrandt heur thonghe
wesende met ijsere Instumenten ende Doecken
hert toe ghedruckt
Op de selven
Lesten Dach
Aprilis Anno
1569
Is het Schip toebehoorende De kijnderen van Asseliers
vuyt Barbarijen ende Canarien comende Deur alle
periclen vande Engelschen onghequest ende ongemo¬
lesteert hier aengecomen, Ende heeft den schip meester
verclaert hoe Datter Doen ter tijt wel 80 oft 100
schepen vuijt Engelandt nae Roselle met victuaille
ghevaren waren Ende Datter noch wel 16 xvi
coopliedens schepen met Laken ende andere coopmans¬
schap gheladen ghereet waren om nae Hamborch
te trecken oft Te varen
Spelleken ghe¬
vanghen
Deerlycken
brant van 2.
vrouwen
Arriveringe
van asseliers
schip