Blader door transcripties » Lokale Kronieken uit de Nederlanden 1500-1850

archieftoegang 1580_Antw_Wese, pagina 37

38
iiij
Item alle De heeren Edelen, Officieren, Provincialen, ende
subalterne oft substituten, Die De nyeuwe predicatien
Inden schijn van necessiteyt vanden tijden toe gelaten oft
gheconvineert hebben
v
Item alle De heeren, Edelen, Rechters, Officieren, Pro¬
vincialen, ende andere van wat qualiteyt Die sijn, die Der
eester supplicatien vanden Edeldom, Predicatien, Beelt
stormerye Etc Int beginsel met Raet ende Daet nijet
en hebben weder staen, Maer Die aengesien met conventie
conviventie ende verbaestheijt
vj
Item alle De hoofden vande Gulden ende Ambachten
honderste ende Thiende Mannen Wyckmeesters, ende
Dierghelycke, Die hen zelven met De goetwillighe on¬
derdanen, Int beginsel, In hazarde van Lyff ende goet,
nyet en hebben ghestelt teghen De supplicatien vanden
Edeldom, Predicatien, Beeltstormerije Etc. Om
De selve met wapenen te werstaen
vij
Item alle Die Mainteneren oft voer goet houden Dat de
ondersaten van Dese nederlanden
overmits
voerschre###
Rebellie
Waeraff @#
menschen h#
Lande
Inculpabel Oft
onschuldich sijn, ende De meeste Deel nijet gedaen en
heeft het Debuor, (D Welck zij van Godts gehoorsaemheyt
ende Eets wegen schuldich waren te Doene) nijet vervallen
en souden zijn van alle heure oude Libertijten, Rechten
ende Privilegien
viij
Item alle De ghene Die Mainteneren oft houden, dat de
hertoge van Alba, om te verhinderen In toecomende
tijden ghelyck Rebellien, Dlandt ende Ondersaten
nijet en soude moghen blooten ende veraermen, den Rijckdom
ende goet, Daer toch alle Insolencie Ende wederspannicheyt
39
vuijt procederen, aen hem slaen, ende Daer Mede ver¬
woest ende verloren volck tot obedientie ende oot¬
moedicheijt brenghen
ix
Item alle De ghene, Die Mainteneren oft sustineren, Dat
De Conincklycke Mat Onser aldergenadichsten heere,
ende De hertoge van Alba sijnder Mat gouver¬
neur sedert De voerleden Rebellie, ende voorts aen
In toecomende tyden nyet en souden hebben oft alnoch
en moghen Doen tegen heuren Eedt, gheloften ende toeseggen,
bij Contracte missive, pardon oft andersß ghedaen,
als tselfve geschiet tegen ketters ende heuren fauteurs
x
Item alle De ghene Die Mainteneren Dat Egmont,
hoorne ende andere heeren Edelen ende ondersaten
vanden Lande teghen buijten Recht syn ghetracteert ende
gedoot gheweest
xi
Item alle De ghene Die Mainteneren Den zelven heeren,
Edelen ende ondersaten, verloopene ende gebannen, als
wesende verraders vande Conincklycke Mat ende
van heuren vaderlande, Eenige gunst, faveur, oft
vriendtschap te bewysen, ofte met De gebannene oft
verloopene Eenighe Conversatie ende kennisse te houden,
bij comunicatie, Correspondentien, missiven, Bootschap¬
pen oft andersß
xij
Item alle De ghene Die Mainteneren Dat de hertoghe
van Alba ende sijnen voerscr. Raedt Tyrannen zijn,
ende gheen souvereijnen ende competente Rechters van alle
zaecken Criminele Oft Civile, ongehouden te obser¬
verene De oude gewoonlicke Rechten, Privilegien
ende Costuijmen vande Lande, Die Doch anders nijet en zijn
geweest