Blader door transcripties » Lokale Kronieken uit de Nederlanden 1500-1850

archieftoegang 1580_Antw_Wese, pagina 182

316
den iijen Martij
Is Den vijant wederom omtrent De stadt ghe¬
comen, ende Daeromme alarme geweest ende alle
De Borgers hen hebben wederomme In wapenen
ghestelt
Op den iijen
Martij voirß
Sijn De vijanden opgetrocken nae Turnhout
van Daer sij gecomen waren
met schande
ende sonder ijet be¬
sunders vuijt gerecht te hebbene
Ten selven
Daghe
Sijn alhier Deur De stadt noch eenige vendelen
Schotten vuijt hollant comende Deur getrocken
nae Dambrugghe
Ten selven
Daghe
Is eene Trompette vanden Prince van Parma
gesonden aenden Prince van Oraengien met eenen
brieff Int Incomen hebben De Borgers hem De
Ooghen verbonden
Den iien Martij
1579
Is De tijdinge comen hoe Dat De gemeijnte tot Ghent
wederomme hadden De kercken ontstucken gesmeten
ende De Papen aengetast sonder ordre de redene
waeromme en weetmen nijet
Op desen
tydt
Sijn alhier eenige Borgers geapprehendeert die heij¬
melyck verstant ende correspondentie met De
Spaengaerden souden hebben gehadt ten eijnde
tyde Doen zij nu voer De stadt quamen omme De
Stadt te verraden
des saterdaechs
opten [...] Martij
1579
Is Jehan vassal eenen vanden voirß verraders op de
317
mert alhier onthalst
Op desen
tydt
Heeftmen geseegt Dat Monssr De la motte hadde St Omers
met accorde vande soldaten aldaer liggende Innegenomen
Op desen
tydt
Is de gheheele macht vande Spaengaerden voer Maestricht
gecomen
Opden 27en
Martij
Is De tydinge comen hoe Dat Die van Maestricht vuyter stadt
subitelyck comende wel 600 duytsche knechten onder Hanibal
hadden verslaghen
Op desen
tydt
Hebben De spaengaerden Maestricht beschoten ende aen Deen zijde
bresse gemaect maer Die van bynnen hebben het gat cloeckelyck
gerepareert soe Dat De spaengaerden hen gheschut op een ander
quartier hebben gestelt
Omtrent het
leste van
Martij 1579
Sijn bij Utrecht, Vianen ende Daeromtrent, bij 4000 Duijt¬
sche Ruyters tot onsen behoeve wederomme gecomen
Op desen
tydt oyck
Is hier omtrent wederom veel voet volcx van Herentals ende
andere quartieren gecomen Die metten Engelsen ende franchoijsen
nae Vlaenderen souden trecken van het volck van Monssr De
la Motte te slaen Soemen seyde
Op desen
tydt
Syn De gevangen Champaigni, Rassengien etc van Dermonde
wederomme nae Ghendt geveurt
Opten iijen
Aprilis
1579
Is De Coronelle focker langen tydt tot Rammeken gevangen
Gheseten hebbende alhier voerby gevaren nae Mechelen ende zoe
voort nae Lueven, wesende Deur Den Prince van Oraen¬
gien los gelaeten ende gerantsoeneert tegens Adriaen vanden
Durpe syne huysvrouwe ende kinderen Die tot Lueven gevangen
waeren