Blader door transcripties » Lokale Kronieken uit de Nederlanden 1500-1850

archieftoegang 1580_Antw_Wese, pagina 15

Ordre & fiat naede Pacificatie, ende meer saken daer over men gewoonlyck is advis ende consent vanden Staten te vragen, nyet concernerende de Souveraineteyt Ende Wantmen gheen Generale vergaderinge doen en can sonder eerst de wapenen neder te leggen, De landen te vereenigen ende consolideren & Soo woorden geproponeert dese Articulen Dat alle Prevelegien gerestitueert ende gerepareet worden Dat al datter geschiet es voir Dese Troublen sal worden vergeven, sonder yemant yet te Imputeren Alle De faulten, Contumatien, Sentencien Bannissementen gecasseert ende geannichileert Dat alle goeden huicInde zullen gerestitueert worden Den proprietarissen oft hueren erffgenamen, zoe die nu zyn sonder bedroch Dat gelicht oft genomen is sal gequiteert, ende geremitteert wesen, vuyt gesondeert dat noch in wesen is Alle gevangenen francq ende Libre, sonder rantsoen, Maer betaelde rantsoenen zullen blijven betaelt Alle andere saken zalmen voorts accorderen by accorde, met bequaemster middelen Salve datmen zynen Mt sal restitueren, alle landen, stercten, steden, Schepen, Artillerie ende andere bij hent genomen & Ende alle andere geoccupeerde goeden van geestelycken ende andere ghe restitueert, sonder fraude De Catholicque Religie geobserveert over al soe de Staten zelve verclaren ende geprotesteert hebben, te willen Daer bij leven ende sterven Alle Die zoe nijet en willen leven, zullen mogen huere goeden vercoopen ende vertrecken binnen Zeelandt tertyt perfigeren, sonder exercitie te mogen Oft scandalen Sijn zij nyet te vreden, met Die Ratificatien van zynen Mt soe mogen zij ander versekerheijt proponeren om daer op te mogen adviseren Joan dela torre fol XII Articles accorder en Anvers le 16. de Mars 1566 Inden Iersten, Dat alle de Borgeren ende Ingesetenen deser stadt hoe danick Oft van welcke der Religien, noch ter tyt bij provisien toe gelaten wordt dat sij zijn, sullen in handen van zijnen Excellence ende synen Gen Eedt Doen, Dat sij getrouw sullen blijven der Co: Mt ende Deser stadt ten Dienste vandr Mat ende tot gemeijne ruste ende welvaert vander Stadt voorseyt ende D Ingesetene der zelver helpen bewaren ende beschudden na huer vuyterste vermoghen Item dat de Gouverneurs voorseyt noch De Magistraet nyet en zelen binnen deser Stadt laeten eenich garnisoen noch volck van wapenen van buyten Dan bij voergaende consent van allen den leden van deser stadt, met hennen vallen achterraet, sonder Distinctie te maecken ter saken vander Religie Item dat eenyegelyck hem sal moeten emploijeren na sijn vuijterste vermogen tot onderhoudinge vander onder liberteyt ende previlegien Deser stadt ende int besunder vander blyder Incompste Item Dat tot gemeynder Ruste ende welvaert van deser stadt ende conservatien vanden handel ende Negociatie der selver de contracten met Die vander Religien In Septembri lestleden aengegaen, selen blyven van weerden ende achtervolcht worden sonder contradictie ter tyt toe bij syne Mat metten Generale staten opt feijt vander Religien anderssins zal wesen geordineert Item dat alle De leden Insgelycx die vander voorseyden Religien eensamentlyck De gheestelyckheyt van deser stadt zellen malcanderen ende elcke Den anderen geloven ende toeseggen Dat zij Deen den anderen niet en selen eenichssins misdoen, Maer ter contrarien malcanderen met alle huere macht behelpen, bescudden ende beschermen, soe verre yemant ghewelt Oft overlast aen gedaen wordde Item Dat tot versekerheyt ende meerder Rust elckenlijcken De slotelen vander stadt poorten selen van stonden anne gebrocht worden In handen van syne Exce ende synen G: ter ordonnatie vanden welcken sal staen het op ende toedoen vander zelven poorten Item Datter voortane zal gehouden worden een scherpe wacht