Blader door transcripties » Lokale Kronieken uit de Nederlanden 1500-1850

archieftoegang 1668_Gent_Bill_06, pagina 64

Item ghelijck oock sal gheschieden op ste Secilius avondt, ende op
Haeren dach ter eeren van dese Heijlighe, ende haere Liefhebbers
van de Musique
Item op den kersavondt, ende kersdach salmen luijden de selve
pooisen, ende klocken, op ghelijcken tijt als op paeschavondt, ende
paeschdach
Item op dijcendach Recriatie van de Restoel maeltijt
van mijn Heeren Schepenen naer den middach ten twee
hueren het luijden van de klocken, elck een quartier huers.
Item den tweeden dach sal oock gheluijdt worden ten ghe¬
lijcker huere met ghelijcke klocken
Item oock te luijden met de drij klocken sondach sijnde
den eersten tooghdach elcke klocke een quartier huers
smorghens ten alfhuer twaelfen
Item een ghelijck gheluijt met de selve klocken op den
voorseijde tijt den dach van de Peirdemordt
Item vrijdach sijnde de alfvastenmordt, met het selve
gheluijt van drij Clocken op den ghelijcken tijt van alf
twaelfen.
Item
38
Item des Avondts voor het vermaecken van den wet salmen
ten ach hueren luijden de groote klocke
Item op den dach van het vernieuwen vant Magistraet
salmen oock luijden de selve groote klocke, smorghens ten
acht hueren
Item naer dat uijtgheropen sullen worden ten thuine de
nieuwe Heeren Schepenen salmen andermael luijden
de voornomde groote Clocke een alfhuere lanck
gheduerende
Item sal oock gheluijt wesen op H. Sacraments¬
avondts met de drij Clocken ghelijck op dander hoochtije
avonden ten acht hueren
Item op H. Sacramendtsdach sal andermael gheluijt
worden smorghens ontrendt den 9 hueren met de groote
klocke, als mijn Heeren Schepenen naer de kercke
sullen gaen
Item ten selven daeghe ontrent het evangelie vande
Hoochmisse sal worden gheluijdt met de groote
klocke tot een teecken om te doen marcheren de
Neeringhen van den Cauter
Item soo salmen oock luijden de tweede klocke ghedu¬
rende