Blader door transcripties » Het Utrechts Archief

archieftoegang 34-4, inventarisnummer 10, pagina 87

# dat Egbert Nynter
verclaert gecoft te hebben
van Artus Meijer
Engelsch coopgesell
waerheyt in plaetsche van eedeke versueke van
Egbert Jacobsz wijnter haeren medeborger ende
laekencoper warachtich te sijn dat sy den vijfthiene
Junij voerleden ten huyse des producents gesien ende
gevisiteert hebben een fijn Engelsch Castelcoe is
stucklaeken genaempt Robbert de Prijs tmerck
in roode zijde neffens de coopmans merck als
opde merge van deesen ende hebben daer inne gevonden
tot verscheijden plaetschen duert Laeken gestroyt
derthien gaten soe groot als cleijn twee volders
stoppen ende twee galen well twee ellen lanck
waet duere sy by haere rechte kennisse verclaerde
tselve laeken een pondt ende vier schellingen grooten
slaemsch minder weerde te sijn dan oft die faulten
daer nyet in en waren ende hier op versocht den producent
acte die Ick hem gequist hebbe Aldus gedaen tuytrecht
onder der comparanten ende myne handt hier onder
gestelt ten jaere ende dage voers
„
willem kaenraetss
Jan ariaensoen
verwaerden Notaris
Op huyden den xxve July xvc lxxxviij naer
doude style Compareerden Egbert Jacobsz Wijnter
oudt omtrent seven ende dertich Jaren ende Jan Ottenssen
van Roon onder acht ende twyntich jare tusschen ende
verclaerden ten versueke van Willem Jansz borger ende
laekencoper tot yselste in warachtich te syn dat sy onlancx
leden tot heijnrick Itzen van Mardenhooft verwer tuykecht
gesien ende gevisiteert hebben twee Engelsche packlakens