Blader door transcripties » Het Utrechts Archief

archieftoegang 34-4, inventarisnummer 10, pagina 38

muegen weercommen maer hem gestadelycken doen
houden ende ist noot t synen costen des versocht hem
daer van breeder gerechtelycke bekentnis tott
genoech doen te laete geschieden Alles sonder arch
in kennisse mijns handts hier onder gestelt deesen
xvije maij xvc lxxxviij ende was onderteyckent
met grootachtige letteren Jacob Taetz va Amerongen
Lanndtcommandeur her anderde was luijdende aldus
Ick onders Berndt Gerritsz glaesmaeker borger
tuytrecht bekenne by deesen vuer mijn mijnen
erffgenamen ende naecommeren eygenaers mijner
huysinge ende hoffstede aende westsyde inde
springerbech gelegen daer die heere Landkcom¬
mandeur duijtsches Ordens hospitael binnen
vuytrecht zuytwaerts ende noortwaerts boven ende
beneden naest gesuyst ende geerft es Alste mij die
Eedele Gerentfeste Joncheer Jacob Taets van
Amerongen inder tyt Landt Commanduer duytscheus
oordens voers op mijnen ernstige begeere onder syner
Ehandt ende geschrifte vuer hem ende syne naecommeren
gracelyck ende onwederroepelyck gegonst heeft dat
Ick int repareren mijner huysinge voers die noorder
zydelmuyr der selver tusschen beyden den gevelen inde
gront sall muegen affbreeken ende sonder een nijeu muijr
weder op mijn erff te leggen Ick met mijnen balcken
ende anckers in ende duer die zuyder muijre sijnde
huysinge noortwaerts daer beneden aen gelegen sall
muegen varen ende anckeren dat Ick wederomme belooft
hebbe by deesen ende voer mij ende mynen erffgenamen
ende naecommeren eijgenaers der voersz mijne huysinge
ten eewigen dagen gehouden sall weesen op mijnen coste
alleen te leggen ende ten ereygen dagen te onderhouden
opde muyre van syner E huysinge voers eene goede
vaste griete daer duer allen water van elcx deen zyde