Blader door transcripties » Het Utrechts Archief

archieftoegang 34-4, inventarisnummer 10, pagina 1

Op huyden den eersten Maij Anno xvc acht ende tachtenlich
naer d'ende style Compareerden vuer mij Jacob van her¬
waerden notaris publycq residerende binnen vuytrecht int
byvleesen der naekenoemde getuygen hiertoe versocht Geer
truijt beernts zwager dochter van weezell huijssfrou van
Adam ter horne mede van weehell ende heeft met handen
mijns notaris geconstitueert ende machtich gemaeckt Constitu¬
eert ende maeckt machtich metsch deesen den voorn. Adam ter
horne haeren man omme soe voer hem als van wegen ende
Inden naeme van haer comparante sijne huysfrou ende harer blyden
erffgenamen te verhuyren int geheell ofte deell ende soe het hem
goet dunckt te vercopen alle alsulcke huijsen huichvesten landen ende
landerijen renten ende acken ende generalycken alle alsulcke rueren,
ende onroerende goedere als sij ende hare man eenichsins hebben
zoebinnen weesell als buyter der Stadt Julij Lande ende
furstendomme van Cleve ende elders gelegen de selve aenden
cooperen op te dragen over te geven ende daer van nae recht
ende gewoente vanden lande te vertijen vrijninge ende waerschap
te gelove ende stellen die penningen daervan commen te gelooven
ontfangen quitantie te geven contracten ende verhandelingen soe
opderhuijre als coope gespectivelycken te maeken dselve te voldoen
ende voldoeninge tecantfangen ofte ist noot metten vuytersten
rechte te vervolge ende geschieden te laten een ofte meer met
gelycke ofte minderinge macht in syn plaetsch te substitueren
dselve wederroepen ende voorts alles In haerer beyden saeken ende
goedere te doen ende gedoge te geschieden dat der saeken gelegentheijt
uuyt eyschen sall ende sy selffs alomme tegenwoordich synde
soude kunnen ofte muegen doen alwaert ook dat naerder vollen
macht nae rechten daer toenodich waere will sy hem dselve
gegeve hebben in crachte deeses Gelovende by goedertrou
als ende vranicheijt ende voorts onder t verbant haerer persoone
ende goederen d selve onderwerpende allen heere hoven rechtere
ende gerechten mett allen submissien ende renunciatien nae rechten
daer toe nodich en behoeff over goet vast ende onverbrekelycken