Blader door transcripties » Het Utrechts Archief

archieftoegang 34-4, inventarisnummer 199, pagina 180

soo sy verclaerden
se den en asser
meerden
Compareerden
Barent Jansz, jongman wonende tot Vrelant, ende
Joosgen Dircks, jonge dochter wonende in hoenderveen
onder den Gerechte vande Loosdrecht daeromt over
de vijff en twintich jaeren, my Notario bekent gemaect
en verclaerden dat sy nae minnelicke conversatie
metten anderen geresolveert te sijn, inden echten
staet te vergaderen, en tot dien eynde elcandre
t selve belooft te hebben, sulcx sy die ene aen des
anders hant beloven by desen haer voorgenomen
houwelick nae Christelicke ordere metten eersten
te solemniseren, ende voltrecken. Tot subsidie van
welck haer aenstaende houwelick toegebracht
sullen worden haer respective goederen hebbende
en vercrygen, Onder Conditien, soo t voorsz. haer
houwelick comt te scheyden sonder levende blyckende
geboorte by den anderen verweckt nae te laten
dat in diengevalle de langstlevende van haer beijden
de goederen vande affgestorvene in vollen
eygendom behouden hebben, gemelen, ende behoudende
zall. Maer in cas van geboorte nae te laten
sullen haere goederen tusschen de langstlevende
ende de voorsz. geboorte, ofte gevoorten, gemeen ende
deelbaer sijn, erven, ende succederen nae ordre
ende costume vande lande. Verbindende tot
voldoeninge vant gene voorsz staet hare personen
ende goederen, d'selve submitteren alle rechteren ende
Gerechten Versoecken hier van acte en is
dese. Aldus gedaen binnen utpten Comptore mijns
Nots. ter pieter van Rombout van Veehoven, mede Nots.
ende Mr Jan van Eyckelsbeeck als getuygen op den iiien
April 1666
Joosijens
Barent Jansen Joosijendorchs
Jan van Eyckelsbeeck
J: v. Vechowen
F: vande 1666