Blader door transcripties » Het Utrechts Archief

archieftoegang 34-4, inventarisnummer 194, pagina 3

Op huijden Compareerde voor my Jan van sechoven
Nots. etc. hoofts van Utrecht, ende d'ondersz getuijgen
hier toe versocht Den hooch geleerden heere Johannes
Teeckman dienaer des Goddelicken woorts tot Jutphaes
ende joffje Barta van Steenberch echte luyden mij Notario
wel bekent, met ons gaende, staende, by haer
volcomen verstant, Ende verclaerden in crachte vande
Octroije vanden voorschreven Hove henlieden verleent
den xxviijen november 1653. des naer noelus ten
vijff uren, volgende apostille opde requeste daer
toe aende voorsz. hove gepresenteert, staende, alhier
vertoont, d'een den anderen, uijt matremoniale lieffde
ende affectie die zy elcanderen waren toe dragende
rechiproche gegeven, ende gemaect te hebben, als zy
malcandren rechiproce gaven, ende maeckten by desen
de usufruct ende lijftocht, aen haeglieder
ten houwelick aengebrochte, ende staende houwelyck
aengewonnen, ende geconquesteerde, ende alsnoch
achte winnen ende te contynesteren goederen, hoeda mogen
die souden mogen sijn, Beheltelick dat sij onder de
selve lijftochte niet begrepen haer Comparanten
klederen van wolle, zyde, joffe noch t'lynwaet
t'haerder respective lyve dinende noch ooc de
juwelen te haer dee ciraet behorende, Gelyck deser
comparant onder ooc niet begrepen worden ses vande
beste boecken uijtte Biberteteecqh vanden Comparant
noch datt inde selve tucht sall begrepen sijn haer
Comparantes Casse mette meubelen daer inne
welver staende nochtans dat haer silverwerck
alwaert dattet inde casse mogen aen zyn, nochtans
mede onder de lyftocht sall verstaen wort
te behoren, begrepen te zijn. Omme de
voors. goederen bij de langstlevende van nae het
affsterven van d'eerst aff lyvige, bij de langst
levende genoten te worden in rechter lyftocht, ende
nae lijf tochterrecht het leven vande selve
langstlevende gedurende. Ende in cas het
quaeme te geschiden, dat ten tyde van het
aff sterven geboorte uyt desen houwelick
u wect, naegelaten mochte worden onmundich zijnde
soo stelden de Comparanten tot mombaer, of