Blader door transcripties » Het Utrechts Archief

archieftoegang 34-4, inventarisnummer 247, pagina 61

genijet het capitael ende volle houwelijcx
goet terstont tot haren geliefte
in gereede pen. sall worden voldaen &
betaelt. Verclaerde hij testateur noch
te willen dat alle sijne kinderen soo
gehoudt als ongehondt sich sullen kleden
yder inden rouw na sijn ofte haer geleegentheijt
uijt haer eijgen houwelijcx goet ofte
erffenisse sonder dat sijns testateurs
gemeenen boedel sall mogen worden
beswaert. Eijntel. verclaerde hij testateur
nijet te willen dat die Ed. heeren
vande Vroetschap ofte gerechte der stadt
Utrecht, haer Ed. respective gecom„
mitteerdens ofte ijmant anders als
den nabenoemde momber hun den boedel
van hem testateur ten regarde van sijn
onmundich kint ofte kinderen eenichsints
sullen bemoeijen deselue daer uijt well
expressel. secluderende bij desen sonder
dat aen Ed. eenige oopeninge van sijns
testateurs boedel sall mogen worden
gedaen, ende op dat de goederen op sijne
onmundigen door sijns testateurs overlijden
te devolveren, well ende na behooren
mogen geadministreert worden, soo
verclaerde hij tot mombers over deselve
te stellen ende te nomineren sijnen voorn.
soon Mr. Jacob Verhaer ende den Ed.
heere Mr. Peter Schade ende bij afflijuicheijt
vande selven den heere Mr. Arnoudtschade
gevende deselve soodanige macht ende
auctoriteit als eenich momber noodich
hebben mach, oock special. omme in cas van
afflijvicheyt een kinder te mogen assumeren
die van handt tot handt gelijcke macht
hebben sullen als voors. is tot dat de voorss.
onmundigen tot hunne mundige jaren
gecomen sullen sijn. All twelck voorsz is
hij testateur verclaerde te wesen sijn
uijtterste wille ende testament begeerende
dattet selvige als sulcx, codicille, gifte