Blader door transcripties » Het Utrechts Archief

archieftoegang 34-4, inventarisnummer 137, pagina 52

Op huijden den vierden dach marty oude
styls des jaers xvjc seven ende twintich
Compareerden voor my Willem van Galen
Openbaer nots. byden E Hove Provintiael
t Utrecht geadmitteert int bywesen der
naebenoemde getuygen d'Eersame Ernst
van Wyckersloot wyncooper borger
t Vtrecht ende Jannegen van Someren
zijne huysvrouwe, my notario bekent
Ende verclaerden in crachte van Octroy
heml. voormaels byden voorsz. hove
verleent, special. vuyt heurl. boedel
goederen bewinde opsichte ende administraet
vandijen te secluderen by desen de E. Vroetschappe
ende Gecommitteerden ter momboirschappen
der Stadt Utrecht, willende ende ordonneren
zy comparanten datmen daer mede aen
des voorn. Ernst van wyckersloots
zyde zal laten bewerden Anthonis van
wyckersloot zynen vader, ende saen haers
Jannegen van Someren zyde, de E.
hooch geleerde mr. Anthonis van Blocklandt
Advocaet in den voorschove, die zijlieden
tot momboirs heurl. onmundigen, by desen
versoecken ende constitueren, omme by tleve
een van beyden d'comparanten, alles mit
advis vande langstlevende van hemlieden ende
nae doode vande selve langstlevende
alles te doene, tgeene goede momboirs
behooren Idem, tselve heml. van goeder
harten vertrouwen, sonder nochtans aen
voors. vroetschappe ende Gecommitteerden