Blader door transcripties » Het Utrechts Archief

archieftoegang 34-4, inventarisnummer 137, pagina 4

zelve Dirckgen in crachte deses te comen
Indijen zy den doot van hem Testatoir quame
te beleven) geduerende fleven van voorn. haren
man sullen wesen ende blyven verbonden ten behouve
van hare kinderen, tot dyen eynde verbiedende
de detractie diemen naer rechten noempt Trobellianiteyt
soo zyns Testatoirs menonge is, dat alle tgeene
de voors zijne dochter dirckgen bij voor afflijvicheyt
van hem Testatoir & geduerende tleven haers
voorschmans, sal comen te erven, succederen zal
op hare kinderen als voors, uuijtgesondert dat
den voorn Anthonis Wissel ende zyve huysfrouwe
ley zal staen vuyt zyns Testatoirs erffenisse
op deselve dirckgen te comen te lichten d'somme van
Vierhondert Ca: gulden ad xx stver. tstuck, omme
dselve te emploijeren daer ende sulcx hemlieden gelieven
zal sonder meer Alle twelcke voors. is
hy Testatoir bij desen verclaerde te wesen
zynen Testamente laeste ende Uuterste wille
begerende tselve nae zynen overlyden effect
te sorteren sulcx eenich Testament laeste
ende wterste wille, codicille, gifte onder
den levende ofte vuyt saecke des doots
ende eyntel. inder alder bester forme gevalideert
te worden als Testament van ouders onder
den kinderen best valideren sal mogen, nijettgenstaende
off eenige noodige solemniteyten In desen
mochten wesen geomitteert, behoudelick sijne
revocatie veranderinge vermeerderinge verminderinge
sulcx hem goetduncken sal. Op ende van alle
twelcke den Comparant Testatoir
van my notario versochte gemaect te worden
een Instrument off meer in forma
Aldus gedaen ende gepasseert te
comptoire myns notary staende
opde Gansemerct binnen Utrecht ter
presentie van Jan Gregornisse vande
Swol ende Willem van Hemerden en
jongen inborgers deser stadt als
getuygen hier toe versocht
Anthonis Jansz
Laudick Jan gnegonyns vyfve
W: van Heemerden
W. van Galen